Isai 51:19 - Bible azumeina

¹⁹ Ahle suma a nga mba kak kakap ndazina, nala, hurumba ki b’laka, baktarad’a kayî ma durâ, ni nge mba mi yorok kazi ge? Ni nge ba, mba mi b’lengêk huruk ke?

Isai 51:19 Iomraidhean Croise

Wana ni mbaktumba hi Job-pa 2:11

Job buniyôm suma hindina a hum zla ndak ka mba kamba. Nge nge pî mi tcholï yam ambas mamba, nala, Elifas ma Teman-na, Bildat ma Suwa-na ki Sofar ma Näma-na, a mba, a ndjak vunazi tu, a i á yorom á b’lengêm hurum mi.

Wana ni mbaktumba hi Job-pa 42:11

B’oziyom suma andjofâ, b’oziyom suma aropma ki suma mam wazi adjeuna pet, a mbeï gevemu, a nga te ki sed’em avo hur aziyamu, a nga yoromu, a nga b’lengêm hurum yam ndak ka pet ta Alona mi mbamzi kamba. Nge nge pî mi hum kawei ma hapma tutu ki ngangam ma lora tutu he d’a hawad’a.

Sawal la giled’a 69:20

Ang we ngul la azi nga ngulunda, ang we mbut ta azi nga mbud’un zulonid’a, ang we mang nga azi nga mangân ndeid’a, ang we man suma djangûna pet mi.

Ma tchi wala 4:1

An we djop vun ma suma a nga djobom mi suma yam andagad’a ka hina kua. Gola! Suma a nga djobozi vunazina a nga tchiya, sama mba mi d’igilizi irazina mi nga d’i. Suma a nga djobozi vunazi burâ ki burîna a nga kad’enga kaziya, wani sama mi mba á d’igilizi irazina mi nga d’i.

Isai 14:30

Kayam ndata, suma houd’a a mba kak ki halasa, wani an mba ni tchagi andjavagi woi ki meid’a, sum magina ad’uzi d’a mba d’i ara a mba tchazi woi mi.

Isai 22:4

Kayam ndata, an dagi ala: Agi hlagi iragi woi kanu, agi golon ndi, aran an tchi tchi ma hat hurâ, agi kawagi tagi á b’lengên hurun yam b’laka hi sum manid’a d’i.

Isai 47:9

Atogo hina zak kur bur ma tuna, gro’â a mba dap peyo, ndak mba d’i ar modonod’a mi. Ndak ki mbut maka ki kuma mak ma zul heîna hina pet pî, ahle suma mbà ndazina a mba surop kak kä kad’engêzi pet.

Isai 54:11

Ndak Jerusalem mba hohou d’a babarâ mi gigid’ek bei sa mi b’lengêt huruk ba d’a, gola, an nga ni minik kahina d’a ad’enga, an mba ni gak aduk kä kahina safira.

Isai 60:18

A mba hum zla murud’umba kur ambas maka d’i, a mba hum zla hurumba d’oze b’laka ir haga maka d’uo mi. Ndak mba d’i yi gulumun ma’â ala Suta, ndak mba d’i yi vun agrek ma’â ala Ma gile Alona.

Isai 61:2

á tchi wala ala biza d’a Ma didina mba mi tak suma mamba woi yam bur ma sä atchugula hAlo meina, á b’leng hur suma pet suma ang yor tazina,

Isai 8:21

A mba kal kur ambasa ki ndaka ki meid’a. Fata meid’a tchazid’a, huruzi mba mi zala, a mba ngul amul mazina kAlo mazina, a mba mbut irazi akulo.

Isai 9:20

Andjafâ hi Manase-na nga mi mut andjafâ hi Efraim-ma, andjafâ hi Efraim-ma nga ni mut andjafâ hi Manase-na, azi djak a ndjak vunazi yam andjafâ hi Juda-na mi. Hina pet pî, Ma didina hurum mi b’leng nga d’i, abom mi ar nga zid’a akulo kamzi.

Jeremi 15:5

Ma didina mi dala: Ndak Jerusalem, ni nge ba, mba mi wak hohowok ke? Ni nge ba, mba mi tchi horâ kak ke? Ni nge ba, mba mi djop kak ala ndak nga ni hawa ko zi ge ge?

Jeremi 24:10

An mba ni sun ayî ma durâ ki baktarad’a ki tugud’ei d’a tcho d’a tchi matna adigazi gak a dabazi woi yam andaga d’a an hat mabuyozi ngolo zlapa ki azid’a mi. An Ma didina ni de na.

Hor ma tchina 1:12

Agi suma pet suma nga kalagi ka hina, Agi mbeyegiya, agi gologiya! Agi wagi andjaf ndak ka an nga ki sed’et ta Ma didina mi tumun ki sed’et kur bur ma hurum zal kana, ta hle tat d’igi ndat hina d’a nga d’i.

Hor ma tchina 1:9

Ndjendje mata nga d’i djang ata baru mata, ti djib’er nga yam vama nga mi mba katna d’i. Puk mata ni puk ka atchapa, sama b’lengêt hurutna nga d’i. Ti dala: Ma didina, ang we hohou manda. Ni nana ba, ma djangûna nga mi kus kan nge?

Hor ma tchina 3:47

Mandarâ ki bad’a ki b’laka ki pleîd’a a mba kamiya.

Ezekiyel 14:15

Le an ni tchuk amburei suma ayîna kur ambas ndata, a ngui kurut a dap suma woyo, le ti mbut djona d’oze sa nga mi kal kua d’uo abo amburei suma kurutna,

Ezekiyel 14:21

Salad’a Ma didina mi de kua ala: Ladjï an sunï ngop man nda fid’id’a, nala, ayî ma durâ ki baktarad’a kamburei suma ayîna ki tugud’ei d’a tcho d’a tchi matna á ngop Jerusalem, á tchi suma woi ki d’uwarâ ni,

Amos 7:2

Ata yima djera ti dap asu ma yam ambasina ted’a petna, an dala: Salad’a Ma didina, an nga ni tchenengû, ang vat hurung ngei yam sum mangâ. Le d’uo ni, azi mba arî na na ge? Kayam ad’engêzi d’i nga ngol li.

Nahum 3:7

Hina wani, suma a mba wa’â pet a mba ring abogu, a mba dala: A b’lak wa Ninif feyo; ni nge ba, mba mi tchi kat ke? An mba ni fe suma a b’lengêk huru’â ni lara ge?

2 Korente-na 7:13

Ni kayam ndata ba, ami hurumi b’lenga. Nga ni kayamba ami hurumi b’lenga hol li, wani ata yima ami wami Tit nga ki furîd’ina, ami lami furîd’a ngola kayamba agi b’lengêm hurumba mi.