Isai 51:18 - Bible azumeina

¹⁸ Aduk grok suma ndak vud’uzina, ma mi tagak lovotina nga tu d’i; aduk grok suma ndak wuluzina pet, ma ndjunu’â nga tu d’uo mi.

Isai 51:18 Iomraidhean Croise

Wana ni mbaktumba hi Job-pa 8:20

Alona nga mi ar sama iratna woi d’i, nga mi ndjun suma asa’atna d’uo mi.

Sawal la giled’a 142:4

Ata yima djib’er manda nga ata yat tuo na, ang nga we lovot manda. Lovot ta an nga ni tit kuad’a, a gun nga dauna kä avoronu.

Sawal la giled’a 88:18

Kur burâ kaf azi nga nguyun d’igi mbina ngui sana na, azi nga nguyun ata yima lara ge pet mi.

Isai 41:13

Kayam an ni Ma didina Alo magi ma ni vagi abogi ma ndjufâ akulona, an nga ni dagiya: Agi lagi mandar ri! An nga ni mba á ndjunugiya.

Isai 45:1

Ma didina mi tin Sirus iram vamu, mi vum kabom ma ndjufâ á tchuk andjaf suma kä woi avoromu, mi tinim á kus yam amuleina, á mal bap ma avun agre’â mbàna woi avorom tala vun agre’â mi hulong duk avorom mbuo d’a. Ma didina mi dum ala:

Isai 49:21

Ndak mba d’i de kuruk ala: Ni nge ba, mi vud’uk gro ndazina ge? Kayam grona a dap peyo, an ni gendreged’a, a i ki sed’en magomba, a digin ndeyo. Ni nge wuluzi ge? An arî van tu. Sum ndazina a tcholï ni lara ge?

Isai 54:11

Ndak Jerusalem mba hohou d’a babarâ mi gigid’ek bei sa mi b’lengêt huruk ba d’a, gola, an nga ni minik kahina d’a ad’enga, an mba ni gak aduk kä kahina safira.

Jeremi 10:20

Zlub’u manda ti b’lak wa woyo, ziyo mana mi tchal wa woyo. Grona a aran wa woyo, a nga d’uo d’a. An nga ki sama ding ma van zlub’ud’a akulona d’i, ma mi van anguzuna yam gongina mi nga d’uo mi.

Jeremi 31:32

Vun ma djin máma nga ni d’igi vun ma djin ma an djinim kabuyozi ngolo kur bur ma an vazi abozi ni buzuguzï woi kur ambas sa Ezipte-nid’ina na d’i. Vun ma djin máma, an ni salazina pî, azi bud’um mbeyo. An Ma didina ni de na.

Ezekiyel 34:6

Tumiyô mana a nga dau akulo yam ahuniyô suma nglona, akulo yam yima ndingâ mi. Tumiyô mana a b’rau wa woi kur ambasa pet, wani sama mi djib’er kazina nga d’i, sama halazina nga d’uo mi.

Amos 5:2

Agi Israel-lâ, agi ni d’igi gor wei d’a ti puk kä andaga d’a ti mita na. Agi mba hulong tchologi akulo d’i. A mba aragi kä yam andaga magid’a, Sama mi yogi akulona nga d’uo mi.

Matiye 15:14

Agi araziya, ni suma a nga ve dungûruna mi ndrozi suma dukina. Le sama duka nga mi ve dungûruna mi ndram ma duka ni, azi djak a mba tchuk kur zula.

Matiye 9:36

Wani kid’a mi wablau sumid’a, mi wazi hohowoziya, kayam azi nga kur kaud’a, ad’engêzi nga d’uo d’igi tumiyô suma bei salazi ma polina na.

Marik 8:23

Jesus mi vabo ma duka, mi im woi kel bugol azina, mi tuvom ayôna iramu, mi tin abom iramu, mi djobom ala: Ang nga we va zu?

Sunda hi suma a sunuzinid’a 13:11

Ang hum djiviya! Ki tchetchemba, Salad’a mba tumungû, ang mba duga, ar ndjö ang mba wafata d’i. Atogo hina zak, Elimas iram mbi mbut nduvunda, nga mi we yina d’i, nde mi tcha tata á hal sama gum dungûruna aboma.

Sunda hi suma a sunuzinid’a 9:8

Saul mi tchol akulo, mi mal iram mbeyo, wani iram nga we d’i. A gum dungûruna abomu, a im Damas.

Hebre-na 8:9

Vun ma djin máma nga ni d’igi vun ma djin ma an djinim kabuyozi ngolo kur bur ma an vazi abozi ni buzuguzi woi kur ambas sa Ezipte-d’ina na d’i. Kayam azi tit nga teteu yam vun man ma djinda d’i. Kayam ndata, an Ma didina ni dala: An hazi azigan mi.