Isai 51:13 - Bible azumeina

¹³ Ang mar kan an Ma didin ma ni lang ma ni b’eng akulod’a woi ni gäd’u andagad’ina. Burâ pet ang nga zlak ki mandarâ avok ma djop vun suma ata yima mam nga go á b’lagang ngeina. Wani mandar mama mi ar nga ni lara ge?

Isai 51:13 Iomraidhean Croise

Ester 5:14

Ata yi máma amamba Zeres ki buniyôma pet a dum ala: Ang min aguna fiyagam mba akulod’a metred’a dok mbà yam vahl. Ndjivin yorogo ang djop amulâ kayambala ang gap Mardose akulo kua d’a. Hina wani, ang mba i ata yima te ma luna kamulâ ki furîd’a. Zla ndata le Haman tam djivid’a, mi min aguna mi.

Ester 7:10

A gap Haman akulo ata agu ma mi minim yam Mardose-na. Ata yi máma amulâ hurum b’lengâ.

Wana ni mbaktumba hi Job-pa 37:18

Ang ndak á gang akulod’a ad’enga d’igi kotrom ma a yorom ki kawei ma hleunina d’igi mam na zu?

Wana ni mbaktumba hi Job-pa 9:8

Ni mam tu ba, mi gang akulod’a sä akulo, nga mi tit akulo yam abilâ halum ma ngolîna.

Sawal la giled’a 104:2

angî ma tchuk b’od’a atang d’igi sana mi tchuk baruna atam na na, ang gang akulod’a d’igi sana mi gang azid’a akulo na mi.

Sawal la giled’a 106:13

Wani atogo hina zak azi mar rei yam sun mamba, azi djup nga á wäd’u d’al mam ma mi dazizina d’uo mi.

Isai 10:24

Kayam ndata, Salad’a Ma didin ma ad’engêm kal petna mi dala: Agi man suma nga kaka kur Siyon-na, ar agi lagi mandara suma Asiri suma a nga togi ki totogod’a suma a nga hle tatagama kagi akulo d’igi Ezipte-na a ladjeu na na d’i.

Isai 14:4

Ata yi máma agi mba hlagi sawal la lasa mamul ma Babilon-na ala: Ni me na ge? Ma djop vun suma mi nga d’uo d’ä? Ma le suma kad’engina mi nga d’uo mï?

Isai 16:4

Ar mami suma a hal yima ngeid’ina a kak avo hatagiya, agi baragi gigingâgi kazi avok ma b’lak yina. Fata ma djop vun suma mi ar bei djop vun sumid’a, fata ma murud’umba mi ar bei le murud’umbid’a, fata ma b’lak yina a hlum mbei kur ambasid’a,

Isai 17:10

Agi Israel-lâ, agi maragi yam Alo ma sud’ugina, agi djib’eregi nga yam ahina magi d’a ad’enga d’i. Kayam ndata, agi pagi nagu ma agi tinigi hurugi kama, agi pagi nandjaf guguzlud’a hi suma dingîd’a.

Isai 40:21

Agi wagizi nga d’uo? Agi humugizi nga d’uo? A dagizi nga zlam kad’u tinda dei d’uo? Agi humugi nga zla ge d’a a gäd’u andagad’id’a d’uo mi zu?

Isai 40:22

Ma didina mi ni kaka akulo yam nguid’a handagad’id’a. Suma a nga kaka kurutna a ni gugureid’a d’igi djera na avoromu, mi b’eng akulod’a woi d’igi baru d’a afefeta na, mi b’engêt tei d’igi zlub’u mamba na á minit yi mam ma kaka.

Isai 42:5

Alo ma didin ma lakulod’a ma b’engêt teina, Ma bine andagad’a woi kahle suma deî katna, Ma mi he muzuka mi suma kurutna, Ma mi he muzuka mi suma a nga tit kurutna, mi dala:

Isai 43:1

Agi Israel suma hi Jakob-ma, ki tchetchemba, Ma didin ma lagi mi gagina nga mi dagi ala: Agi lagi mandar ri, kayam an wurak kagiya, an yagi ki simiyêgiya, agi ni sum mana mi.

Isai 44:24

Agi Israel-lâ, Ma didin ma wurak kagi ma lagï kur asuyogi deina, mi dala: An ni Sala ahlena pet. Ni an tu ba, ni b’eng akulod’a woyo, ni bine andagad’a woi bei sa mi ndjunun ba mi.

Isai 45:12

Ni an ba ni landagad’a, ni le suma a nga kaka kurutna pet. Ni an ba ni b’eng akulod’a woyo, ni he vuna mahle suma kurutna pet mi.

Isai 45:18

Ma didina Alo ma tu gid’engâ ni ma lakulod’a, ni ma landagad’a, mi minit mi sirat tala ti kak hawa d’uo, suma a kak kurud’u na, mi dala: An ni Ma didina, alo ma ding nga woi keng vam mbi, ni an tu.

Isai 48:13

Ni kabon ba, an gäd’u andagad’a, an b’eng akulod’a woi kabon ma ndjufâ. An yaziya; a tok tu, a mbeï avoronu.

Isai 49:26

Suma a nga djobok vuna’â, an mba ni hazi hliwizi tamba á mutna, a mba gurut ki buzuwazi d’igi sana mi gurut ki süm guguzlu d’a ayîna na. Suma pet a mba wala an ni Ma didin ma sud’uk ma ad’engêm kal petna hi Jakob ma mi wurak ka’â.

Isai 54:14

Ndak mba d’i sira ngingi kur d’ingêra, ndak mba d’i wal lei dei ki djop vuna, kayam ndak mba d’i le mandara va tu d’i. Ndak mba d’i dik mandarâ woyo, kayam mba mi hud’ï gevek go d’i.

Isai 57:11

Agi lagi mandarâ nabo nge ba, agi kandi zlad’a, agi djib’eregi kan nduo, agi walagi woi dei ki an nge? An kak bei de zlad’a ni dedei. Ni kayam ndata ba, agi nga gagi yagi kä avoron nduo wana.

Isai 7:4

Ang dum ala ba: Ang kak irang sik, ang le mandar ri. Ar hurung ka mbina avok vuna djo ma mbà ma nga mi d’us wana d’i, avok ayîna hi Resin ma Siri-na kayîna hi Remaliya goromina d’uo mi.

Isai 9:4

Kayam atuguru ma lara ma mazi suma djangûna a tchugum azezi á dur ayînina, ki baru d’a nglo d’a tib’ak ki buzunid’a pet, a mba tchuguzi aduk akud’a á ngalazi woyo.

Jeremi 2:32

Na ni gor weid’a ti mar ahle mat suma ti tchuguzi atat á djif ki tatna, d’oze gor weid’a a teleta, ti mar yam vama ti djinim furutna zu? Wani agi sum mana, agi maran ndei nadjeu dedei burâ ablaud’a bei ndumba ba.

Jeremi 38:19

Amulâ Sedekiyas mi hulong de mi Jeremi ala: An nga ki djib’era yam Juif suma a i aduk suma Babilon-nina, an nga ki mandarâ tala azi mba han abozi á lazan zi ge d’a.

Jeremi 41:18

Azi nga le mandara suma Babilon-na, kayam Ismael Netaniya goroma mi tchi Gedaliya Ahikam gorom ma amul ma Babilon-na mi tinim á te yam ambasina woyo.

Jeremi 51:15

Ma didina mi landagad’a ni ki sib’ik mamba, mi gäd’u duniyad’a ni ki ne mamba, mi b’eng akulod’a woi ki wäd’u mamba mi.

Jeremi 51:19

Wani ma ala ni ndjondjoîd’a hi Jakob-pa na, mi nga na d’i. Mam mi Ma ad’engêm kal petna, Israel-lâ ni sum mama mi. Simiyêm ala Ma didin ma ad’engêm kal petna.

Daniel 3:15

Ki tchetchemba, agi minigi tagiya. Ata yima agi humugi tchina hadifina, hi taulâd’ina, hadingîna, hi daliyâd’ina, hi gangad’ina ki tchina hahle suma bu suma hle sawala tetengâ, agi grivigi kä andaga, agi kud’urogi filei ma yor ma lor ma an tinim akulona. Le agi kud’urogizi nga d’uo ni, a tchugugi atogo zak aduk für ra aku d’a hîhîka. NAlo ma lara ba, mba mi prud’ugi woi abon nge?

Daniel 3:18

Amulâ, le Alo mamina mi min á prud’umi woi d’uo pî, ami nga dang ngei mbak, ami ndak á lami sunda malo mangâ d’oze kud’uromi filei ma yor ma lor ma ang tinim akulona d’uo mi!

Daniel 3:19

Ata yi máma Nebukanezar hurum zal ngola, iram mbut vama dingâ avok Sadrak ki Mesak ki Aben-Nego. Mi he vuna ala a hîk aku d’a füra akulo hîhîk yazi kid’iziya.

Sunda hi suma a sunuzinid’a 12:23

Ata yi máma na wat, malaikana hi Salad’ina mi tumumu, kayam mi subur nga Alona d’i. Mi tchuk ndjuvulâ, mi mid’a.

1 Korente-na 1:20

Ki tchetchemba, sama ned’a mi nga ni lara ge? Sama hat suma mi nga ni lara ge? Sama tchi tuguyo ma kur atchogoi d’a wandina mi nga ni lara ge? Alona mi tagei nga ala ned’a hi duniya d’a wanda ni lilid’a d’uo zu?

1 Korente-na 15:55

Ang matna, ayî mang ma kusa mi nga ni lara ge? Ang matna, ad’engêng ti nga ni lara ge?

Gat ta a hat á mbàd’id’a 32:18

Gagazi, agi Israel-lâ, agi maragi woi yam ahina d’a ndjunugid’a, agi maragi woi yam ma tchugugina, agi gologi Alo ma hagi arid’ina is mi.

Gat ta a hat á mbàd’id’a 6:12

fata agi tagizi agi hobogi ki sed’ezid’a, agi gologi tagi djiviya! Ar agi maragi yam Ma didin ma pad’agi woi kur ambas sa Ezipte-d’a kur yima a lagi magomba kuana d’i.

Gat ta a hat á mbàd’id’a 8:11

Agi gologi tagi djiviya, agi maragi yam Ma didina Alo magina á ngomogi vun mam ma hed’a ki gat ta teteng nga an nga ni hagizi ini wanda d’i.

Hebre-na 11:15

Ladjï azi hat huruzi yam andaga mazi d’a azi buzuk kei kura ni, azi fe wa lovota á hulong kua.

Vama ndum mbeina 19:20

Mi ve ambur máma ki ma djok vun ma ka zla ma lahle suma atchapma avoroma. Nahle suma atchap suma mi lop ki suma a ve nomrod’a hamburâ ki suma a kud’or vama a yoromzina. Mi ve ambur máma ki ma djok vun ma ka zlad’a, mi tchuguzi karid’a kur apo d’a aku d’a bibiliu d’a ngal ki sufred’id’a.

Vama ndum mbeina 20:9

Azi i yam andagad’a pet, azi ngui yima kaka hi suma hAlonina kazì ma ngol ma Alona mi le kama. Wani akud’a ti tcholï akulo mba d’i ngalazi woyo.