Isai 51:10 - Bible azumeina

¹⁰ Ni ang ba, so alum ma ngolâ ki mbiyo ma ngol ma d’id’ilima d’uo zu? Ni ang ba, ge lovota kur galileina halum ma ngolîna yam suma ang wurak kazina á djak ki woi d’uo zu?

Isai 51:10 Iomraidhean Croise

Sawal la giled’a 106:10

Mi sud’uzi woi abo suma a noyôzina, mi prud’uzi woi abo mazi suma djangûna.

Sawal la giled’a 106:9

Mi ngop alum ma ngol ma Tchereuna; mi so woyo; mi tid’izi kur galileina d’igi sana mi tit hur fulâ na.

Sawal la giled’a 74:13

Angî ma wal alum ma ngolâ woi kad’eng mangina, angî ma wak yam amburei suma nglo suma aduk mbina woina.

Sawal la giled’a 77:19

Del la breîd’a halo mangîd’a, ti nga aduk mbirlimba, wiled’a nga d’i b’o yam suma kur duniyad’ina, andagad’a nga d’i le mandarâ, nga d’i yir mi.

Buzuk ka Abud’a 14:29

Wani Israel-lâ a nga tit kur alum ma ngolâ kasezi sod’a tchitching. Mbina mi nga tchola woi ata abozi ma ndjufâ kabozi ma gulana d’igi gulumuna na mi.

Buzuk ka Abud’a 15:13

Yam we hohou manga, ang tin mang suma ang prud’uzi woina; yam ad’eng manga, ang nga izi ata yi mang ma ang tinim iram vama.

Isai 11:15

Ma didina mba mi so vun alum ma ngol ma Ezipte-na woyo, mba mi tin abom yam alum ma Efrat-na, mba mi fom kad’engêmu, mba mi wad’am á walam ad’u kid’iziya. Hina, suma a mba tit hurum kä katuguru mazina aseziya.

Isai 11:16

Mba mi mal lovota avok mam suma a mba ar abo suma Asiri-nina d’igi mi mal lovota woi yam tu avok Israel-lâ kur bur ma mi buzuguzï woi kur ambas sa Ezipte-d’ina na.

Isai 35:10

Ni hina ba, suma Ma didina mi tchuguzi akulona a mba hulongîya, a mba mba kur Siyon ki sawal la bangâna avunaziya, a mba le furîd’a gak didin. A mba le hur ma hapma, a mba aî mi. Hur ma wurana ki zam tad’a a mba kal leyo.

Isai 35:8

A mba ge lovota kua, a mba yat ala Lovot ta a tinit irat vata. Sama ndjendje mba mi tit kur ri, ti mba d’i arî yam suma hi Ma didinina hol. Ni azi ba, a mba tit kua; suma lilid’a pî a mba vit tei d’i.

Isai 35:9

Lovot ndata a mba fazlo kua d’i, ambur ma ayî mba mi hlat ti, sa mba mi ngavam kua d’uo mi. Suma Ma didina mi wurak kazina, a mba tit kua ni aziya.

Isai 42:15

An mba ni b’lak ahuniyô suma nglona ki yima ndingâ woyo, an mba ni so asu ma nguloma woyo, an mba ni mbut aluma andaga d’a sod’a, an mba ni so apod’a woyo.

Isai 43:16

Ma didina mi dala: Ni nge ba, mi ge lovota kä hur alum ma ngolâ adjeu ge? Ni nge ba, mi ge lovot ta gureid’a kä aduk mbiyo ma galileina adjeu ge?

Isai 50:2

An ni mba. Ni kayam me ba, an fe nga sa d’uo ge? An yiya. Ni kayam me ba, sa mi hulongôn nga humba d’uo ge? Na ni abon ni gid’enga á sut sa zu? Na ni ad’engên ndak á prut sa woi d’uo zu? An nga ni ngopa; alum ma ngolâ mi so woyo. An nga ni mbut alum ma gureina d’igi hur fulâ na, kuluf ma kuruma nga mi tchim mbeyo, nga mi bo woi abo vun ma sod’a mi.

Isai 62:12

A mba yagi ala Suma a tinizi irazi vazina, a mba yagi ala Suma Ma didina mi tchuguzi akulona. Ndak Jerusalem, a mba yak ala Azì ma ngol ma a aram mbeina d’uo d’a, wani a mba yak ala Ta a le kat heîd’a.

Isai 63:9

Kur ndak mazid’a pet mi sun nga sama ding á ndjunuzi d’i, wani ni mam tamba ba, mi sud’uziya. Kur o mamba ki we hohou mamba mi ndjunuziya, mi hlanek mazid’a kamu, mi zizi akulo ahlabam kur tit mazi d’a fiyaka pet mi.

Mise 7:15

Ang tagami sun nda atchapa d’igi kur bur ma ang buzugumï woi avo Ezipte-na na.

Zakari 10:11

A mba djak alum ma ndaka, a mba wat abilâ halum ma ngolîna, galilei ma yiyi’â halum ma Nil-lîna pet mba mi so woyo. Subur tad’a hi Asiri-nid’a mba d’i hulong kä, ad’enga hi suma Ezipte-nid’a mba d’i dap peyo.