Isai 50:7 - Bible azumeina

⁷ Salad’a Ma didina mi ndjunun wa. Kayam ndata, an mang nga woi d’i, an so iran ndei ngrazang, kayam an wala an mba ni mbut zulona d’i.

Isai 50:7 Iomraidhean Croise

Sawal la giled’a 110:1

Wana ni sawal la gile d’a David mi hlata. Salad’a Alona mi de mi Salana ala: Ang kak ata bigan nda ndjufa gak an mba ni mbut mang suma djangûna vama tin asengâ.

Sawal la giled’a 54:6

Wani Alo mana, ang nga ndjununu; Ma didina, ang nga siran ngingring mi.

Isai 29:22

Kayam ndata, Ma didina Alona hi suma hi Jakob-ma ma mi sut Abraham mbeina mi dala: Ki tchetchemba, suma hi Jakob-ma zulona mba mi lazi d’i, tazi mba d’i tchuk susub’ok kuo mi.

Isai 42:1

Ma didina mi dala: Wana nazong man ma an nga ni ndjunuma, ni ma an manam ma tan ndi lan djivid’a heî kama. An hum Muzuk mana á tak sariya d’a gagazid’a woi mandjaf suma mi.

Isai 45:17

Wani agi Israel-lâ, ni yam Ma didina ba, agi fagi suta, ni sut ta didinda. Agi mba mbud’ugi zulona d’i, agi mba tchugugi susub’ok kuo mi gak didin.

Isai 49:23

Amuleina a mba mbut nabuyok suma a wulu’â, amulei suma aropma a mba mbut nasuyok suma a wulu’â, a mba grif kä avorok ki irazi andaga, a mba trâk gugum ma huyok ase’â woyo. Ndak mba d’i wala an ni Ma didina. Suma a tin huruzi kana a mba mbut zulona d’i.

Isai 49:8

Ma didina mi dala: Ata yima sumad’a an hulong dangû, kur bur ma suta an ndjunung mi. An mba ni ngomongû, an mba ni tining á djin vunang kandjaf suma á tchol ambasa akulo, á b’rau ahle suma djo suma kur ambas sa ar djonid’a,

Isai 50:9

Gola! Salad’a Ma didina mi nga djï á ndjununu. Ni nge ba, mba mi kan sariyad’a kan nge? Gola! Azi pet a mba puk kä a wak kei d’igi baru ma tumusa na, ndjuvulâ mba mi dabazi hliwizi ted’a.

Isai 54:4

Ndak le mandar ri, kayam ndak mba d’i mbut zulona d’i; ndak tchuk susub’ok ki, kayam sa mba mi mangâk kei d’i. Wani ndak mba d’i mar rei yam zulo mak ma lak ki gogoro’â, ndak mba d’i djib’er yam zulo mak ma kur modono makina d’uo mi.

Jeremi 1:18

Gola! An tining ini yam ambas ndata pet d’igi azì ma ngol ma ad’eng ma ngunguna na, d’igi grak ka kawei ma wurana na, d’igi gulumun ma kawei ma hleuna na á dur kamulei suma Juda-na ki mazi suma nglona ki mazi suma ngat buzuna ki suma kur ambasina pet mi.

Mise 1:2

Agi suma pet, agi humugiya! Ndak andagad’a kahle suma kuru’â pet, agi tinigi humagiya! Salad’a Ma didina nga mi deï zlad’a ata yam ma kak ma mi tinim iram vama á vagi ki zlad’a.

Wana ni Zla d’a Djivi d’a Luc mi b’irita 9:51

Ata yima burâ mba go á hle Jesus sä akulona, mi ve tam á i Jerusalem.

Jean 16:33

An dagi ahle ndazina, ni yam zlap pa tu d’a ki sed’enda ba, agi mba fagi b’leng nga halasa. Agi mba fagi vun ma djopa kur duniyad’a ka hî, wani agi vagi tagiya, an kus wa yam duniyad’a.

Romê-na 1:16

Kayam an nga ni le zulona á tchi wal Zla d’a Djivid’a d’i, kayam ndat nad’enga hAlonid’a á sut suma a he gagazid’ina pet, Juif-fâ avogo, bugola, andjaf suma dingâ mi.

Hebre-na 13:6

Kayam ndata, ei ndak á dei bei mandarâ ba ala: Ma didina ni ma nga ndjununa; an nga ni ring mandar ri. Sana mi lan ni me ge?

1 Pierre 4:1

Kayam Christ mi fe ndaka kur hliwimu, ar agi minigi tagi ki djib’er ra tu ndata mi, kayam sama ve tam kur ndaka kur hliwima, mi wal lei ki tchod’a.

1 Pierre 4:16

Wani le sana nga mi fe ndaka kayamba mam mi kretiyêna ni, ar mi le zulona d’i, wani mi le ni mersi mAlona ki simiyê Christ.