Isai 50:10 - Bible azumeina

¹⁰ Ni nge adigagi ba, mi le mandar Ma didina, mi hum del azong mama ge? Sama lara ma nga mi tit kur nduvunda ma mi kid’ak b’od’ina, ar mi tin hurum yam simiyê Ma didina, ar mi deng tam ata Alo mama mi.

Isai 50:10 Iomraidhean Croise

2 Samuel 22:29

Ma didina, angî lalam manda, Ma didina, ang b’o yima nduvun ma an nga kurâ woyo.

1 Sunda Hamuleinid’a 5:20

A fe ndjunda á dur ki suma Hagar-râ ki suma zlapa ki sed’ezina pet, a kus kaziya, kayam kur ayî máma a tchen Alona. Mi humuziya, kayam azi deng tazi natamu.

2 Sunda Hamuleinid’a 20:12

Salad’a Alo mamina, ang ka sariyad’a kazi d’uo zu? Kayam ami nga kad’enga avok azigar suma mimiyâk suma a djï atami durâ wana d’i, ami wami nga vama ami luma d’i. Wani ami tinimi irami ni kang angû.

2 Sunda Hamuleinid’a 20:20

A tchol ki yorogo tcholola, a buzuk á i irazi abo ma hur ful ma Tekowa-na. Ata yima a buzuk keina, Josafat mi tchol avoroziya, mi dazi ala: Agi suma Juda-na ki suma avo Jerusalem-ma, agi humunu! Agi vagi tagi ad’enga kur hur magi ma tinda yam Ma didina Alo magina. Hina wani, agi mba tchologi ad’enga ngingring! Agi tinigi hurugi yam mam suma djok vuna. Hina wani, agi mba kuzugi ayîna!

Wana ni mbaktumba hi Job-pa 13:15

Le mi min á tchan pî, an nga ni ar hur man ma tin ma kama woi d’i, wani an mba ni väd’u zla manda woi avoromu.

Wana ni mbaktumba hi Job-pa 29:3

Ata yi máma lalam mamba nga d’i b’o woi kanu, b’o mamba nga d’i ndjunun á nde woi kur nduvunda mi.

Sawal la giled’a 111:10

Le mandara Ma didina nad’u tinda hi ned’id’a. Suma pet suma a nga le hina na ni suma a nga ki djib’er ra djivid’ina. Ar suma a gilem gak didin!

Sawal la giled’a 128:1

Ni sawal la suma a djak Jerusalem á lü vun tilîna a hlata. Sama ring mandara Ma didina ma tit kur lovot mamba mi na, mi le furîd’a.

Sawal la giled’a 145:21

Ar vunan mi de woi yam giled’a hi Ma didinid’a, ar suma pet a suburum simiyêm ma bei tchod’a ba na teteu gak didin.

Sawal la giled’a 23:4

Wani le an nga ni tit kur hor ra nduvun nda i’îlika pî, an nga ni le mandara va tu d’i, kayam me ang nga zlapa ki sed’enu. Ang nga polon ki totogo manga ki dungûru mangâ, ni azi ba, a nga b’lengên hurunu.

Sawal la giled’a 25:12

Sama mi le mandara Ma didinina, ni Ma didina ba, mi tagam lovot ta mbeî mi manata.

Sawal la giled’a 25:14

Ma didina nga mi tak zla d’a mudurid’a woi mi suma a nga lum mandarama, nga mi tagazi vun mam ma djinda mi.

Sawal la giled’a 28:7

Ma didina nad’eng manda, ni mbarei manda; an tin hurun ni yam mamu, mi nga mi ndjununu. Kayam ndata, an nga ni le furîd’a, an nga ni gilem ki sawal manda mi.

Sawal la giled’a 42:11

Tan tchuk wa susub’ok, ata yima man suma djangûna a nga mbud’un zulona ki zla mazi d’a ded’a burâ ki burâ ala: Alo mangâ, mi nga ni lara ge d’a.

Sawal la giled’a 62:8

Sut manda ki subur manda a tcholï nata Alona. Mam nahina d’a ndjununda, ni yi man ma ngeid’a mi.

Ma tchi wala 12:13

Zlad’a hi suma ned’id’a ni d’igi kawei ma vunam feta ma a hat kamuzleinina na, ni d’igi ponde ma a b’alam kä ad’enga ngingina na. Zla ndata ni zla d’a ti ndeï avun Ma pol ma tunid’a.

Isai 10:20

Kur bur máma Israel suma a arâ, nala suma hi Jakob suma a sutna, a mba ar bei deng tazi ata ma tozina, wani a mba deng tazi ki hur ma tinda yam Ma didin ma tin tam irat vat yam Israel-lîna.

Isai 12:2

Wana nAlo ma sud’una. An mba ni tin hurun kamu, an mba ni le mandara va tu d’i, kayam Ma didina, mam mad’eng manda, ni ma an gilema, mam mi ma sud’una mi.

Isai 26:9

Andjege an nga ni halangû, an nga ni halang kurun krovo mi, kayam me, ata yima ang nga ka sariyad’a yam andagad’a ka hina, suma a nga hat á tit tit ta d’ingêra.

Isai 42:1

Ma didina mi dala: Wana nazong man ma an nga ni ndjunuma, ni ma an manam ma tan ndi lan djivid’a heî kama. An hum Muzuk mana á tak sariya d’a gagazid’a woi mandjaf suma mi.

Isai 50:4

Salad’a Ma didina mi had’an tala an we zla d’a ded’a á ndjun ki sama mi kauna d’a. Yorogo d’a lara pî nga mi zlid’in akulo tala an hum d’igi suma hata a hum zlad’a na d’a.

Isai 53:11

Ma didina mi dala: Bugol ndak mamba, mba mi we vuta hi ndak mambid’a, tam mba d’i lum djivid’a kad’u. Yam we mamba azong man ma d’ingêrâ mba mi mbut suma ablaud’a suma d’ingêrâ, kayam mi hle tchila mazid’a kamu.

Isai 59:9

Kayam ndata, sariya d’a ka d’a d’ingêra ti wal lei dei ki sed’emiya, suta ti wal lei ki sed’emi mi. Ami tinimi hurumi yam b’od’a, gol wani, nduvunda ti mba ni ndad’u, ami halami yima hap ma titilâ, wani ami nga tid’imi ni kur nduvun nda i’îlika.

Isai 8:17

An tin hurun ni yam Ma didin ma ngei iram mbei avok suma hi Jakob-mina, an deng tan natam mi.

Isai 9:2

Ma didina, ang mba zuluziya, ang mba tinizi á le furîd’a, a mba le furîd’a avorong d’igi suma a nga le furîd’a ata yima fet awunina na, d’igi suma a nga er ad’uzi akulo ki hur ma hapma ata yima a nga b’rau ahle suma a yozï avun ayînina na mi.

Hor ma tchina 3:2

Mi gan avoromu, mi i ki sed’en kur nduvunda, nga ni kur b’od’a d’i.

Daniel 3:28

Amulâ mi er ad’um akulo ala: Ar ei gilei Alona hi Sadra’â, Alona hi Mesa’â, Alona hi Aben-Nego-na! Mi sunï malaika mama, mi prut mam suma sun suma a deng tazi atama woyo. Azi tchila yam vun ma he mana, azi he tazi á matna tala azi kud’orî Alo mazina tu kal la azi kud’or alo ma dingâ d’a.

Nahum 1:7

Ma didina ni ma djivina, ni yima ngeid’a kur bur ma ndaka, nga mi ngom suma a nga ngei tazi atama mi.

Sofoni 3:12

An mba ni ngom suma lulumana ki suma hou suma kuruk suma a nga hal yima ngeid’a atana.

Wana ni mbaktumba hi Aze-d’a 1:12

Zorobabel Salatiyel goroma, ma ngol ma ngat buzuna Josue Josadak goroma kablau suma pet, a ge yazi kä ad’u dela hi Ma didina Alo mazinid’a yam zlad’a hi ma djok vun Alona Aze-d’a d’igi Ma didina Alo mazina mi sunumï na mi. Suma a le mandarâ avok Ma didina.

Malatchi 3:16

Wani suma a ring mandara Ma didinina, a de tazi zlad’a; Ma didina mi kak hina tchugot, mi huma. A b’ir mbaktum mba djib’era avorom yam suma a ringîm mandaram a suburum simiyêm mi na.

Jean 12:46

An ni b’o d’a mba kur duniyad’id’a, kayam sama lara pî ma he gagazid’a kana, mba mi kak kur nduvunda d’i.

Jean 8:12

Jesus mi de mi Fariziyêna kua ala: An ni b’od’a hi suma kur duniyad’ina. Sama tit ad’una, mba mi tit kur nduvunda d’i, wani mba mi tit ni kur b’o manda.

Efes-sâ 5:8

Kayam adjeu agi ni kur nduvunda, wani ki tchetchemba, agi zlabagi tu ki Salad’a, agi ni kur b’od’a. Kayam ndata, agi tid’igi d’igi suma a nga kur b’od’ina na.

Hebre-na 5:9

Ata yima mi ndak memetna, mi mbut Sala sut ta didinda yam suma pet suma a nga ge yazi kä ad’uma.

1 Pierre 5:7

Agi tchugugi ahle suma a hagi djib’erina pet kamu, kayam mam nga mi ngomogiya.

1 Samuel 30:6

David mi nga kur yor tad’a ngola, kayam sum mama a nga dala: Ei durizi kahinad’a, ei tchiziya! Kayam suma pet a nga kur hur ma hata, nge nge pî nga mi hat hurum yam grom suma andjofâ ki grom suma aropma. Wani David nga mi fad’enga ni yam Ma didina Alo mama.