Isai 50:1 - Bible azumeina

¹ Ma didina mi dala: Mbaktum mba an dik kasugid’a ti nga ni lara ge? D’oze sama an nde balâ abom ni guzugi ki woina ni nge ge? Gola! Ni yam tchila magid’a ba, an guzugi ki woyo, ni yam tcho magid’a ba, an dik kasugi woi mi.

Isai 50:1 Iomraidhean Croise

1 Amuleina 21:25

Sama mi he tam mbei á lahle suma tchona avok Ma didina d’igi Ahap ma amamba Jezabel ti zud’um á le tchod’a na na nga d’i.

2 Amuleina 17:17

Azi ngal grozi suma andjofâ ki grozi suma aropma woi kad’ud’a d’igi vama ngat buzu ma ngala na, azi ve kumana, a djop fileina, a he tazi á le sun nda tchod’a avok Ma didina á zalam hurumu.

2 Amuleina 4:1

Bur tu atchad’a hi ma dingâ aduk adesâ hi suma a djok vun Alonina, ti mba fe Elise, ti tchenem ala: Salana, ang we azong mangâ ndjuvun ni sama kud’or Ma didinina. Ki tchetchemba, mi mit wa, wani sama ami hlami beged’a balâ aboma, mi mba á yo gron suma mbàna á mbud’uzi magumei mama.

Nehemi 5:5

Ami ni hliu ma tuna d’igi azi na, gromi suma andjofâ ni d’igi grozina na mi. Gola! Ami mbud’umi wa magumeina ki gromi suma andjofâ ki suma aropma, gromi suma aropma ablaud’a a seî wa abo sunda, ami nga ki va d’uo d’a, asine mamina ki guguzlu mamid’a a arî hi suma dingîna.

Ester 7:4

Kayam ami ki sum mana a guzumi ni woi á b’lagami á tchami woyo, á lud’ud’umi woi mi. Le a guzumi woi ná mbud’umi magumeina go ni, an mba ni de zla d’i. Wani ma djangû mamina mba mi fe lovota á wuragang yam b’lak mamid’a d’i.

Sawal la giled’a 44:12

Ang hami woi d’igi tumiyô suma a izi ata yima tchid’ina na, ang b’rawami woi aduk andjaf suma dingâ.

Buzuk ka Abud’a 21:7

Le sana mi gus goromba woi á mbut magomba ni, ndat mba d’i nde woi kur magomba d’igi magumei suma andjofâ na d’i.

Isai 1:28

Wani mba mi b’lak suma tchila yam gata ki suma le tchod’a woi abo tazi tu, suma a aram mbeina a mba ba woi mi.

Isai 27:8

Hawa, wani ni ki lalamba ba, mi ngobozi mi izi magomba ki fo d’a ad’eng nga avunamba d’igi simet ma abo ma yorogona na.

Isai 43:27

Abugi ngolo ma avo’â mi le tchod’a, magi suma djok vuna a son vunan ndeyo.

Isai 46:8

Ma didina mi de kua ala: Agi djib’eregi yam ahle ndazina, agi kagagi andjofâ. Agi suma so vuna, agi vagi zla ndata kurugiya.

Isai 52:3

Ma didina mi dala: A guzugi woi ni hawa na, a mba hulongôgi ni hawa na bei wurak bege kagi ba mi.

Isai 54:6

Ma didina mba mi hulong yak d’igi atcha d’a a digit tei d’a hurut nga mi had’ata na. Alo ma’â mi dala: Atcha d’a ndjuvut mi d’umut ki gogorot deid’a, ni nana ba, mi digit tei ge?

Isai 54:7

An arak kei ndjö, wani yam we hohou man nda ngola an mba ni vak atanu.

Isai 58:1

Agi eregi ad’ugi akulo, agi bagi d’i, agi eregi ad’ugi akulo d’igi sana mi bu adifa na, agi tagagi sum mana tchila mazid’a, agi tagazi tchod’a hi suma hi Jakob-mid’a mi.

Isai 64:6

Sama mi yang simiyêng ma mi tchol akulo á reî ki sed’engâ nga d’i. Ang ngei tang ngei iramiya, ang arami ami pugumi kä kur tcho mamid’a yam tchila mamid’a.

Jeremi 3:1

Ma didina mi dala: Agi danu! Na ni atcha d’a ndjuvut mi digit tei d’a ti ve mandjuf ma dingîd’a, ndjuvut ma avo’â mi hulong vat tei zu? Ambas sa wanda mba d’i mbut ni ndjendjed’a ki irat fafat tuo zu? Wani agi mbud’ugi tagi gaulangâ ki suma ablaud’a. Agi min ala an hulong an vagi d’ei zu?

Jeremi 3:8

Ata yima an ni dik Israel suma a tcha tatana woi yam mizeu mazina, an hazi mbaktum mba dika, an wala b’oziyozi suma Juda suma bei d’engzengâ a le nga mandarâ yam zla ndata d’i, wani a i a le gaulangâ mi.

Jeremi 4:18

Ahle ndazina a mba ka’î yam tit maka ki sun mak ka ata yat tuo d’a. Wana nasa’at maka! Gagazi, ta aglara mba d’i kal gak i kuruk krovo mi.

Wana ni mbaktumba hi Oze-d’a 4:5

Ang mba puk kä falei d’ad’ar, ang ki ndrang ma djok vuna djak, agi mba pugugi kä andjege, an mba ni tchang asung ngei mi.

Sunda hi suma hi Levi-nid’a 25:39

Ma didina mi de kua ala: Le wiyengâ mi nde houd’a, mi gus tam mbei abongû ni, ang tinim sun nda magomba kam mbi.

Matiye 18:25

Wani mi nga ki vama wurak ki. Salama mi he vuna ala a guzum mbei kamamba ki groma kahligiyem pet á wurak ki bal mama.

Gat ta a hat á mbàd’id’a 32:30

Ladjï an Ahina mazi d’a suta ni guzuzi woi abo mazi suma djangûna d’uo, an Ma didina ni hazi abo mazi suma djangûna d’uo ni, ni nana ba, sama tuna, mi dik suma dubuna ge, ni nana ba, suma mbàna, a dik suma dudubu dogona ge?