Isai 5:25 - Bible azumeina

²⁵ Kayam ndata, Ma didina hurum zal ngola yam sum mama. Mi hlabom akulo, mi toziya, ahuniyôna a giged’a, mad’a suma mi sam kä woi ir palumba d’igi asuna na. Hina pet pî, hurum mi b’leng nga d’i, abom mi ar nga zid’a akulo kamzi.

Isai 5:25 Iomraidhean Croise

1 Amuleina 14:11

Suma avo hi Jerobowam pet ma mit avona, adureina a mba mud’umu; ma mi mit abageina, aluweina a mba tumu. Wana ni vama Ma didina mi duma.

1 Amuleina 16:4

Sa mang ma mit avo kä na, adureina a mba mud’umu; ma mit sä abageina, aluweina a mba tum mi.

1 Amuleina 21:24

Sana hi Ahap ma lara ma mi mit kä avo hur azinina, adureina a mba mud’umu; ma mi mit sä abageina, aluweina a mba tum mi.

2 Amuleina 13:3

Kayam ndata, Ma didina hurum zal yam Israel-lâ, mi hazi abo Hazayel amul ma Siri-na. Bugola, mi hazi abo goroma Ben-Hadat bizad’a ablaud’a.

2 Amuleina 9:37

Harâ hi Jezabel-lâ mba mi mbut ni d’igi siligit ma a yagam kä kur asinenina na kur andaga d’a Jisreyel-la tala ar sa mi dala: Wana ni Jezabel-lu d’a d’uo d’a.

2 Sunda Hamuleinid’a 36:16

Wani a nga las suma Alona mi sunuzïna, a gol zla mamba is, a nga san ad’u mam suma djok vuna, gak Ma didina hurum zal ngola yam suma. Ata yi máma a fe nga lovota á sut tazi d’i.

Wana ni mbaktumba hi Job-pa 9:13

Alona nga mi ve vun ayî mama kä d’i; suma yam mba ad’engina a nga hulong yazi kä avorom mi.

Sawal la giled’a 106:40

Ma didina hurun zal yam sum mama, mi gol sumala ni djo mama na is.

Sawal la giled’a 114:7

Ndak andagad’a, ndak zlak avok Salad’a, avok Alona hi Jakob-ma.

Sawal la giled’a 18:7

Kur yor ta manda, an yi Ma didina, an tchi yam Alo mana. Ata yam ma kaka mi humun delen kur gong mamba, tchi mana mi ndeza humamu.

Sawal la giled’a 68:8

Ata yima ang Alona ndei woi avok sum mangâ avo Ezipte ang nga tit avorozi hur fulîna, Tchol ndjö

Sawal la giled’a 77:18

D’ugula nga d’i se mbina kûkû, d’ugula nga d’i breî mi. Gagazi, wile manga nga d’i djang kikilir ata yina pet d’igi yeûd’a nga d’i djang na.

Sawal la giled’a 78:38

Wani mi wazi hohowoziya, mi vat hurum mbei yam tcho mazid’a, mi dabazi nga woi d’i, nga mi d’el tam kur ayî mam ma bibiliuna teteu.

Sawal la giled’a 83:10

Ang b’lagazi woi d’igi ang b’lak Sisera ki Jabin avun alum ma Kison-na na d’igi ang b’lak suma Madiyan-na na mi.

Buzuk ka Abud’a 7:19

Ma didina mi de mi Moise kua ala: Ang de mi Aron ala: Ang hle totogo manga, ang hlabong akulo yam mbiyo ma Ezipte-na, yam toliyon mazid’a, yam apo alum ma Nil-lâ, yam apo mazid’a, yam golongeî mazina pet mi. Azi mba mbut buzuna. Buzuna mba mi oî kur ambas sa Ezipte-d’a pet, kur ahle mazi suma tche mbina suma aguna d’oze suma ahinad’a mi.

Isai 10:4

Agi mba hulongôgi yagi kä zlapa ki suma a yozi magombina, agi mba pugugi kä aduk suma a tchazina. Hina pet pî, Ma didina hurum mi b’leng nga d’i, abom mi ar nga zid’a akulo kamzi.

Isai 10:6

An sunuzi ata andjaf ma le sun nda ndjendjed’ina, an hazi lovota á kak djangûna ki suma a nga zalan huruna á hurumuzi ahligiyeziya, á yozi ahligiyezi kad’enga, á mired’ezi kä d’igi suma a miret lubuna kä kasezi na mi.

Isai 14:19

Wani angû, a gang ngei dei ki zul manga d’igi abo agu ma a golom isâ na, d’igi suma a tchazi ki mbigeu d’a fiyaka suma a zud’uzi kä kur zul ahinad’ina na, d’igi mat ma suma a mired’em kä kasezina na mi.

Isai 23:11

Ma didina mi hlabom akulo yam alum ma ngolâ, mi giget leud’a teng teng, mi he vuna á b’lak azì ma ad’eng ma ngungu ma Kanan-na woyo.

Isai 25:11

Kur zul ndata a mba mat abozi d’igi sama nusa mi mat abom á nusa na, wani Ma didina mba mi hulongôzi yam mazi d’a ad’enga kä ki sun nda azi nga lat kabozid’a.

Isai 29:2

Ma didina mi dala: An mba ni lang ang Ariyel ndaka. Suma a mba yor tazi kurungû, a mba zam tazi kurung mi. Ang azì ma ngol máma, ang mba mbut iran ni d’igi yima ngal ahle suma ngat buzu ma a yum ala Ariyel-lâ na.

Isai 42:25

Kayam ndata, mi mba kayî mam ma bibiliuna kaziya, mi mba kayî ma dur ma tchona kazi mi. Nga mi ngalazi ata yima lara ge pet, wani azi min nga á we va tu d’i. Mi nga mi ngalaziya, wani a nga tin humazi kam mbi.

Isai 51:20

Gro’â a nga seîd’a kä ir palum mba lara ge pet, a nga hle tazi hina b’enek kuo d’igi alafâ mi ve ki abeid’a na, abo ayîna hi Ma didinina, abo ngopa hAlo ma’îd’a.

Isai 64:3

Sa mi hum nga zla d’a de d’oze mi we nga alo ma ding ma d’igi ang na ma mi lahle suma hina na yam sama nga mi djubuma yam tu d’i.

Isai 66:15

Gola! Ma didina nga mi djï aduk akud’a, pus mam ma dur ayîna mi djangî d’igi mbirlimba na. Mi mbut ayî mam ma bibiliuna ni vama yo akud’a, mi mbut ngop mamba ni d’igi sin akud’a na mi.

Isai 66:24

Ata yima suma a mba buzuk abuna, a mba we mad’a suma a kak djangûna ki sed’ena tchuka kä. Ndjuvul ma atazina nga mi bo d’i, aku mazid’a nga d’i mit tei d’uo mi, a mba mbut ni vama ndjendjed’a ir suma pet mi.

Isai 9:11

Suma Siri-na abo ma yorogona, ki suma Filistê-na abo ma fladegena, a mba ngo vunazi woi hagak ata Israel-lâ á ted’a. Hina pet pî, hurum mi b’leng nga d’i, abom mi ar nga zid’a akulo kamzi.

Isai 9:16

Kayam ndata, Salad’a tam nga d’i lum djivid’a yam azungeî mazina d’i, nga mi we hohowa mazi suma hokuyod’a karop mazi suma modonod’a d’uo mi. Kayam azi pet ni suma ndjendjed’a, ni suma asa’atna, ni suma a nga de zla d’a ata yat tuo d’ina mi. Hina pet pî, Ma didina hurum mi b’leng nga d’i, abom mi ar nga zid’a akulo kamzi.

Isai 9:17

Kayam asa’ata nga d’i ngal d’igi aku d’a nga d’i ngal kekerezeuna azi kaweid’a woi d’a nga d’i ngal agu d’a ndindika woid’a na, andozot nga mi i akulo mi d’ugula gongzong.

Isai 9:20

Andjafâ hi Manase-na nga mi mut andjafâ hi Efraim-ma, andjafâ hi Efraim-ma nga ni mut andjafâ hi Manase-na, azi djak a ndjak vunazi yam andjafâ hi Juda-na mi. Hina pet pî, Ma didina hurum mi b’leng nga d’i, abom mi ar nga zid’a akulo kamzi.

Jeremi 15:3

Ma didina mi dala: An mba ná ngobozi kahlena fid’i: A mba tchazi avun ayîna ki mbigeu d’a fiyaka, adureina a mba tanaziya, aluwei suma akulona kamburei suma abageina a mba kizagazi á b’lagazi woyo.

Jeremi 16:4

Azi mba bo ni bo d’a hohoud’a. Sa mba mi tchi kazi d’i, sa mba mi tozozi d’uo mi. Azi mba mbut ni d’igi siligitna na kä yam andagad’a, a mba tchazi avun ayîna, baktarad’a mba d’i tchaziya, mad’azi mba mi mbut ni tena haluwei suma akulona kamburei suma yam andagad’ina mi.

Jeremi 17:4

Agi tagi mba aragi djo ma an hagizina woi kabogiya, an mba ni mbud’ugi magumeina hi magi suma djangûna kur ambas sa agi wat nga yagi tu d’uo d’a, kayam agi fogi ayî mana akulo, mba mi ngal burâ ki burâ mi.

Jeremi 4:24

An gol ahuniyô suma fuyogeina, a nga giged’a; yima ndingâ nga mi giget mi.

Jeremi 4:8

Kayam ndata, agi tchugugi baru d’a dodora atagiya, agi tchagi abogi kurugiya, agi tchigi horâ, kayam Ma didina nga mi arei bei ngopa kayî mam ma bibiliuna d’i.

Jeremi 6:12

Fata an ni mat abon á ngop suma a nga kaka kur ambasina, aziyazi kasinezi kamiyôzina a mba arî mi suma dingâ.

Jeremi 8:2

A mba tchuk asok máma kä ir afata, ir tilâ, ir ahle suma lara suma akulona mi. Ahle ndazina nahle suma azi huruzi minizina, a lazi sundina, a tit ad’uzina, a zlap ki sed’ezina, a djobozi á kud’urozina mi. A mba yozi asogozi máma d’i, a mba tozozi d’uo mi, wani asok máma mba mi mbut ni d’igi siligitna na kä yam andagad’a.

Jeremi 9:22

Ma didina mi de mi Jeremi kua ala: Ang dazi ala an dala: Matna mba mi sam kä d’igi siligitna mi sam kä abagei kur asinena na, d’igi mbugulud’a ti sam kä bugol sama zed’a ta sama yotna nga d’uo d’a na.

Hor ma tchina 5:22

Na ni ang arami ni woi ki irang fafat tchu? Kur hur mang ma zala, ang noyômi ni woi ki irang fafat mi zu?

Ezekiyel 15:6

Ma didina mi dala: D’igi an he agu guguzlud’a á ngala aduk agud’a na, d’igi an tchugut aku á ngala na, an mba ni tchuk suma a nga kaka avo Jerusalem-ma aku na mi.

Ezekiyel 30:25

An mba ni had’enga mamul ma Babilon-na. Fata an hum mbigeu man nda fiyaka abom mi mbud’ut vunat á dur ki suma yam ambas sa Ezipte-d’id’a, Faron bigam mba d’i tchuk kä karabatak, azi mba wala an ni Ma didina mi.

Ezekiyel 6:14

An mba ni hlabon kan akulo á ngoboziya, an mba ni mbut ambas mazid’a djona, an mba ni mbud’ut fula tinï ad’ud’a hur ful ma abo ma sutna dei gak mba ata azì ma ngol na Ribla-na. A mba wala an ni Ma didina.

Daniel 9:16

Salad’a, yam d’ingêr manga ang ar ayî mangâ ki hur ma zal ma gugulu’â mi b’leng ngei yam azì mang ma ngol ma Jerusalem-ma, yam ahina mang nga a tinit irat vata. Ni kayam tcho mamid’a yam sun nda batranga habuyomi ngolod’a ba, Jerusalem ki sum mangâ, a mbut vama ngula avok suma a nguyumina pet wana.

Wana ni mbaktumba hi Oze-d’a 14:4

Ma didina mi dala: An mba ni sut Israel-lâ woi kur sun mazi d’a ata yat tuo d’a, an mba ni tagazi o man nda gagazi d’a kazid’a, kayam ayî mana mi vat tei kazi da’.

Amos 8:8

Ambasa mba d’i zlak yam zla ndata d’uo zu? Suma a nga kaka katna a mba tchi horâ d’uo zu? Ambas ndata mba d’i hop akulo d’igi alum ma ngolâ na, mba d’i hulong kä d’igi alum ma Nil-lâ na mi.

Mise 1:4

Ahuniyôna a nga lau woi kä ad’umu, hora mba d’i wak kei d’igi dubangâ mi lau woi abo akud’a na, d’igi mbiyo ma akulo yam yima ndingîna mi djangî kä ata yima ligitima na mi.

Nahum 1:5

Nga mi giget ahuniyôna, yima ndingâ nga mi lau woyo. Andagad’a ki suma a nga kaka kurutna pet a nga hlakulo avorom hîhîb’iring.

Habakuk 3:10

Ahuniyôna a wangû, a nga zlaga; mbiyona nga mi djang oî kä yam andagad’a, zul la yiyika vunat nga mi tchi wü, abilâ nga mi sulul akulo huhubup mi.

Sofoni 1:17

Ma didina mi dala: An mba ni kal suma kur ndaka. Azi mba tit ni d’igi suma duka na, buzuwazi mba mi hle yina d’igi guguma mi hle yina na, hliwizi mba mi tchim mbeyo, kayam azi le tchod’a avoron an Ma didina.

Gat ta a hat á mbàd’id’a 31:17

Kur bur máma an hurun mba mi zal atazi ngola, an mba ni arazi woyo, an mba ni ngei tan ndei avoroziya. Andjaf suma dingâ a mba tchaziya, ndaka teteng ki hohoud’a a mba mba kaziya. A mba dala: Ni kayamba Ma didina Alo meina mi nga adigei d’uo d’a ba, ndak ndata ti mba kei ni na zu?

Gat ta a hat á mbàd’id’a 31:18

Kur bur máma an mba ni ngei tan ndei avorozi yam tcho d’a azi mba lat á kud’or alo ma dingîd’a.

1 Tasaloni’â 2:16

A hal á d’elemi á tchi wala mandjaf suma dingâ yam zla d’a ndak á sud’uzid’a. Hina azi nga ndak vun tcho mazid’a. Wani ayîna hAlonina mi mba wa kazi gagazi.

Vama ndum mbeina 20:11

An we zlam mba amul la ngol la hapa. Ma nga kaka katna, andagad’a kakulod’a a nga ring ngei avoromu, a dok wazi d’uo d’a.