Isai 5:23 - Bible azumeina

²³ Azi nga pat zlad’a woi yam sama zlad’a kama á fe bege d’a mbut ira, a nga mbut zlad’a hi sama d’ingêrîd’a tchod’a mi.

Isai 5:23 Iomraidhean Croise

1 Amuleina 21:13

Suma asa’at suma mbà ndazina a mba tchol avok Nabot, a nde tchugum zlad’a kam avok suma pet ala: Nabot, ang ngul Alona, ang ngul amulâ! Ata yi máma sumazina a i ki sed’em mbei bugol azina, a durum kahinad’a baba, a tchumu.

2 Sunda Hamuleinid’a 19:7

Kayam ndata, agi lagi mandara Ma didina, agi gologi tagi djivi ata yima agi mba kagi sariyad’ina, kayam mbut ira nga ata Ma didina Alo meina d’oze nga mi man sa yam ngol mamba d’oze nga mi ve bege d’a mbut ira abo sa d’uo mi.

Sawal la giled’a 94:21

Azi nga tok tazi á kak djangûna ki suma d’ingêrâ, azi nga ka sariya d’a matna yam suma bei zlad’a kazi ba na.

Zla d’a d’ogolâ 17:15

Sama nga mi pat zlad’a woi yam sama asa’atna ki sama nga mi ve sama d’ingêrâ ki zlad’ina, azi djak ni vama ndjendjed’a ir Ma didina.

Zla d’a d’ogolâ 17:23

Sama asa’atna mi ve ni he d’a hawa d’a gumunda á b’lak sariya d’a d’ingêra woyo.

Zla d’a d’ogolâ 24:24

Sama mi de mi sama asa’atna ala: Angî ma d’ingêrâ na, ablaud’a ti gum vuna, andjaf suma a noyôm mbei mi.

Isai 1:23

Mang suma nglona a mbut suma bei hum vuna, a ndjak vunazi tu ki suma kula. Azi pet a min ni he d’a hawa d’a mbut ira, azi nga ring bugol wuraka, azi nga ka ir zlad’a hi ma hokuyod’id’a d’i, azi nga djib’er yam zlad’a hatcha d’a modonod’id’a d’uo mi.

Isai 10:1

Ni zla d’a hohoud’a yam suma a nga he vun ma ata yam mbuo na, yam suma a nga tin gat ta d’ingêr ruo d’a

Isai 10:2

á tos lovot ta ka sariyad’a woi ir suma hohoud’id’a, á b’lak sariya d’a d’ingêra hi man suma hohoud’ina, á mbut arop suma modonod’a te mazina, á mbut suma hokuyod’a va mazi ma hurumba mi na!

Isai 28:7

Wani azi tazid’a a nga hle titigir abo süm guguzlud’a, a vit tei abo süm ma ayîna. Suma ngat buzuna ki suma djok vuna, a nga hle titigir abo süm ma ayîna mi. Süm guguzlud’a kal kaziya, a vit tei abo süm ma ayîna. Ata yima a nga djok vun Alonina, a nga hle titigir, a nga tcha tata kur sariya mazi d’a kad’a mi.

Isai 32:7

Sunda hi suma mbut irid’a ni sun nda tchod’a, a nga nga huruzi á le tchod’a á ba suma hohoud’a woi ki zla d’a kad’a. Sama houd’a zla mamba ti le ni ki djivid’a ko, a b’lagat teyo.

Isai 59:15

Gagazid’a ti nga d’i, sama min á le tchod’a d’uo na, a nga hurumumu. Ma didina mi wala ni tchod’a ni kayamba d’ingêra ti nga d’uo d’a.

Amos 5:12

Kayam an we tchila magid’a tablaud’a, tcho magid’a ti kal ngola heî mi; agi nga kid’eyêgi ir ma d’ingêrâ, agi nga vagi bege d’a mbut ira abomu, agi nga d’elegi suma ka sariyad’a á ka sariyad’a hi suma houd’id’a.

Mise 3:11

Mat suma ka sariyad’a a ka sariyad’a ni yam he d’a hawad’a, mat suma ngat buzuna a nga hat suma ni yam wuraka, mat suma djok vuna a nga djok vuna ni yam beged’a. A nga de d’igi suma a deng tazi ata Ma didinina na, a nga dala: Ma didina mi nga adigei d’uo zu? Ndaka mba d’i fei d’i.

Mise 7:3

Abozi mi hat á le tchod’a, suma nglona ki suma ka sariyad’a a halî he d’a hawad’a abo suma, sama ngolâ nga mi tak d’od’ok mamba woyo, a ndjak vunazi tu á le sun ndata.

Matiye 23:35

Hina wani, buzu suma d’ingêrâ pet ma djang ngei yam andagad’ina, mi hulong kagiya, tinï ad’ud’a ata matna hi Abel ma d’ingêrâ dei, gak mba ata matna hi Zakari Barasi gorom ma agi tchum aduk yima a tinim iram vam mAlonina ki yima ngal ahle suma ngat buzunina.

Gat ta a hat á mbàd’id’a 16:19

Ar agi b’lagagi sariya d’a d’ingêra d’i, ar agi managi sana yam iram go d’i. Ar agi vagi he d’a hawa d’a mbut ira abo sa d’i, kayam he d’a hawa d’a mbut ira nga d’i duk ir suma ned’a woi á b’lak zlad’a hi suma d’ingêrîd’a.

Jacques 5:6

Agi kagi wa sariyad’a yam sama d’ingêrâ, agi tchum wa mi. Mam tchol nga ad’enga á noyôgi d’i.