Isai 5:21 - Bible azumeina

²¹ Ni zla d’a hohoud’a yam suma a nga yi tazi ala azi ni suma ned’a, a nga gol tazi ala azi ni suma wad’ud’a na mi!

Isai 5:21 Iomraidhean Croise

Wana ni mbaktumba hi Job-pa 11:12

Le lovota nga yam sama lilid’a á mbut sama wad’ud’a ni, koro ma abageina mba mi vut koro ma avo na mi!

Zla d’a d’ogolâ 26:12

Le ang we sama mi gol tam ala mam mi sama ned’a na ni, ang tin hurung yam sama lilid’a kalamu.

Zla d’a d’ogolâ 26:16

Sama azulomba mi djib’er ala ne mamba kal suma ne suma kid’iziya suma a nga hulong humba ki lovod’otna.

Zla d’a d’ogolâ 3:7

Ar ang gol tang ala angî sama ned’a d’i, ang le mandara Ma didina, ang wal tang ngei ki tchod’a mi.

Isai 10:13

Kayam mi dala: Ni kad’eng man nda abonda ba, an le kahle ndazina! An lazi ni ki ne manda, kayam an ni ma wahlena heîna. An b’lak ir hagad’a handjaf sumid’a woyo, an hurum ahle mazi suma ndjondjoîna mi. An zut amuleina kä woi yam zlumiyô mazi suma amula d’igi sama ad’engâ na mi.

Isai 37:23

Ang ngulî nge? Ang kra’î nge? Ang er ad’ung akulo a lazî nge? Ang hle yang akulo ni yam nge? Ni an Alo ma tin tan irat vat yam Israel-lîna.

Isai 40:23

Ni ma mi hulong suma nglona yazi kä, mi mbud’uzi ni va d’uo na, mi mbut suma ka sariya suma yam andagad’ina vama hawa ya’â mi.

Isai 47:10

Ndak tin huruk yam asa’at maka, ndak dala: Sa nga mi wan ndi. Ne maka ki we mak ka heîd’a a b’lagak yagu, ndak nga d’i de kuruk ala: Sama d’igi an na na nga d’i.

Jean 9:41

Jesus mi dazi ala: Ladjï agi ni duka ni, agi nga ki tchod’a d’i. Wani ki tchetchemba agi nga dagi ala: Ami nga wamiya. Kayam ndata, tcho magid’a nga kak kä kagiya.

Romê-na 1:22

A nga subur tazi ala azi ni suma ned’a, wani a mbut ni suma lilid’a.

Romê-na 11:25

B’oziyona, an min agi wagi ad’u zla d’a muduri ndata, kayam zla ndata mba d’i d’elegi á gologi tagi d’igi suma ned’a na. Nala, suma hiuna aduk andjaf Israel-lâ a b’al huruziya, gak andjaf suma ding suma Alona mi nga hurum kazi suma nda’â a fe suta tua.

Romê-na 12:16

Ar agi kagagi ki djib’er ra tud’a aduk tagiya. Ar agi suburugi tagi d’i, wani ar agi tid’igi ni ki suma lulumana. Ar agi gologi tagi d’igi suma ned’a na d’i.