Isai 5:20 - Bible azumeina

²⁰ Ni zla d’a hohoud’a yam suma a nga dala vama djivina ni vama tchona vama tchona ni vama djivina na, yam suma a nga vrak nduvunda balum b’od’ina suma a nga vrak b’od’a balum nduvundina mi na, yam suma a nga vrak vama aglarâ balum vama adjib’etnina vama adjib’etna balum vama aglarâ mi na.

Isai 5:20 Iomraidhean Croise

Wana ni mbaktumba hi Job-pa 17:12

Azi nga dala andjeged’a ti mbut faleid’a, ata yima nduvunda ar go á mbad’ina, b’od’a ti hud’ï go!

Buzuk ka Abud’a 23:7

Agi walagi woi ki zla d’a kad’a, ar agi kagi sariya d’a matna yam sama bei zlad’a kama d’oze yam sama d’ingêrâ d’i, kayam an mba ni ar bei ka sariyad’a yam sama ka sariya d’a matna yam sa mámina d’i.

Zla d’a d’ogolâ 17:15

Sama nga mi pat zlad’a woi yam sama asa’atna ki sama nga mi ve sama d’ingêrâ ki zlad’ina, azi djak ni vama ndjendjed’a ir Ma didina.

Zla d’a d’ogolâ 4:17

Kayam sun nda asa’ata ni te mazina, murud’umba ni süm mazi ma tched’a mi.

Isai 24:9

Sama mi tche süm guguzlud’a mi hle sawalina nga d’uo d’a, süm ma ayîna mi mbut wa aglara avun suma a tchuma mi.

Isai 30:10

A ni suma de mi suma a wahle suma a nga mbana ala: Ar va mi nde tam mbei iragi d’uo na. A ni suma a nga de mi suma djok vun Alona ala: Ar agi djogomi vun ma gagazina woi d’i, agi dami ni zla d’a lami tami djivid’id’a, ar agi dami ni zla d’a kad’a mi na.

Isai 32:5

A mba he ngola mi suma lilid’a d’i, d’oze a mba yi suma mbut ira ala ni suma djivina d’uo mi.

Ezekiyel 13:19

Agi nga mbud’un zulona aduk sum mana yam awu ors ma a nga hagizi abogi ngiyeûna kavungô ma mbruka. Ata yima agi nga kagi zlad’a mi man suma a nga hum zla d’a kad’ina, agi nga tchagi suma a ndak nga á tchid’a d’uo na, agi nga aragi suma a ndak á tchid’ina karid’a.

Amos 5:7

Agi ni suma mbud’ugi zla d’a irata yat kä na, agi ni suma mired’egi d’ingêra kä andagana.

Mise 3:2

Wani agi nga noyôgi vama djivina, agi nga lagi yam vama tchona, agi nga hôgi babak suma woi ki hliwizi gak arazi asogozi woi pid’agi!

Habakuk 1:4

Ni kayam ndata ba, gata mbut ab’lenga, d’ingêra ad’engêt nga d’uo mi. Kayam ma tchona nga mi kus yam ma d’ingêrâ; sariya d’a kad’a pî, d’ingêra nga kua d’uo mi.

Malatchi 2:17

Agi nga kawagi Ma didina ki zla magi d’a ded’a. Wani agi nga dagi ala: Ami kawamî ki me ge? Ni ki zla d’a agi nga dagi ala: Sama lara pî ma mi le tchod’ina ni ma djivina ir Ma didina, nata sama hina na ba, tam mbi lum djivid’a kam mi! d’oze, Alo ma ka sariyad’a mi nga ni lara ge d’a.

Malatchi 3:15

Tchetchem mba wanda, hotei ni suma subur tad’a d’o, kayam azi nga ki furîd’a! Gagazi, suma tchona, ahle mazina a nga zula, a nga kuk Alona wan pî, va nga mi lazi d’i!

Wana ni Zla d’a Djivi d’a Luc mi b’irita 16:15

Jesus mi dazi ala: Agi ni suma min á mbut tagi d’ingêr avok sumina, wani Alona mi wagi hurugiya, kayam vama suma suburum adigazina ni vama tchona avok Alona.

Gat ta a hat á mbàd’id’a 25:1

Le suma mbà zlad’a nga adigaziya ni, a it avok suma ka sariyad’a. Ma zlad’a vum nga d’uo na, ma ka sariyad’a mi gum akulo; ma zlad’a vuma, mi kam sariyad’a kamu.

2 Pierre 2:1

Wani adjeu suma djok vun suma ka zlad’a a nga aduk suma. Hina mi, suma hat suma ka zlad’a a mba kal adigagi ki ngeid’a ki hat ta nga ata yat tuo d’a. Azi mba tin vunazi yam Salazi ma sud’uzina, a mba mba ki b’laka kazi atogo zak.