Isai 5:2 - Bible azumeina

² Mi dilabam kä, mi pat ahuniyôna woyo, mi pe guguzlu d’a djivi d’a kal teglesa kua, mi vazangâ akulo fiyaka adugu, mi djugot zul la miret guguzlud’a kua mi. Bugola, mi tin hurum ala mba d’i vud’um guguzlu d’a djivid’a, wani ti vud’umî vut ta tchod’a zang.

Isai 5:2 Iomraidhean Croise

2 Samuel 7:10

An b’rau yina mi man suma Israel-lâ, an hazi yima kaka, kayam azi giget ti, an ar suma tchona a hulong djobozi nga vunazi d’igi a djobozi vunazi adjeu na d’uo d’a.

Nehemi 13:15

Kur biza ndata an we suma yam ambas sa Juda-d’a a nga miret vud’a guguzlud’a ata yima mired’et kuana kur bur ma sabatna. Suma dingâ a nga yoï awuna ki süm guguzlud’a ki vud’a tuluma kandjaf ahlena teteng yam koro mazina, a kal ki sed’ezi kur Jerusalem kur bur ma sabatna. Ata yima azi nga guzuzi woina, an ngoboziya.

Sawal la giled’a 80:8

Alo ma ad’engêng kal petna, ang tinimi blangâmina, ang mbud’ï irang kiramiya. Hina wani, ami mba sud’umiya.

Sawal la giled’a 80:9

Ang pad’ï guguzlud’a ei Ezipte, ang dik andjaf suma woi avorod’u, ang hulong pat kä mi.

Buzuk ka Abud’a 33:16

Le ang i nga ki sed’emi d’uo ni, ni nana ba, a mba wala ang wan hohowon ki sum mangâ ge? Ni tit ta ang tit ki sed’emid’a ba, a mba wala ang tinimi irami vami woi ki suma yam andagad’ina d’uo zu?

Isai 1:8

Jerusalem ti arî vat tu d’igi zlub’u d’a aduk asine ma guguzlud’id’a na d’oze d’igi paga d’a a pat aduk asine ma kurdunid’a na d’oze d’igi azì ma ngol ma a nguyum akulo á durîna na.

Isai 5:7

Guguzlud’a hi Ma didin ma ad’engêm kal petnid’a ni Israel-lâ. Guguzlu d’a djivi d’a mam pat ta tam lum djivid’a heî kata ni suma Juda-na. Mi tin hurum ala azi mba le ni sun nda d’ingêra; gol wani, azi nga tchi ni suma! Mi halî d’ingêra; gol wani, mi humî tchi ma hohoud’a zang!

Jeremi 11:17

Ni Ma didin ma ad’engêm kal pet ma pagina ba, nga mi yi ndaka kagi kayam tcho d’a agi Israel-lâ ki suma Juda-na a lagizid’a. Mi dala: A he dubang ma his djivid’ina mi Bäl á zalan hurunu.

Jeremi 2:21

An pagi ni d’igi guguzlu d’a djivid’a na d’igi agu ma djivi ma kal teglesâ na. Ni nana ba, agi mbud’ugi tagi ndjendjed’a avoron d’igi guguzlu d’a abagei hur fulîd’a na ge?

Wana ni mbaktumba hi Oze-d’a 10:1

Adjeu Israel-lâ a ni guguzlu d’a djivid’a vut heîd’a. Le d’i vut ngola kala ni, a min yima ngal ahle suma ngat buzuna ablaud’a kal mi. Le ambas mazid’a ti mbut ambas sa djif fa heî d’a kala ni, azi tin ahle suma ge humba teteng kal mi.

Mise 4:8

Ang yima nding ma Jerusalem ma kak ndjola yam suma d’igi gong nga fiyak ka ndjola na na, ar ndjö ang mba fad’eng mang nga avoka. Ang azì ma ngol ma Jerusalem-ma, ang mba mbut nazì ma ngol ma awili ma kur leud’ina.

Ndumba 23:9

An wazi akulo yam ahuniyôna yazi d’a ked’iwurenga. An golozi akulo yam ahuniyô suma djodjohlâ. Gola! Ni suma yazi ma kaka iram vama, ni suma a nga zlapa kandjaf ma dingâ tu d’uo na.

Matiye 21:19

Mi we tuluma mi nga tchola avun lovota, mi i atamu, wani mi fe nga va d’i, ni humam hol. Jesus mi dum ala: Ang dok vut tuo d’a. Ata yi máma na wat, mi so woyo.

Matiye 21:33

Jesus mi dazi kua ala: Agi humugi d’ogol ma dingâ. Sana nga, ni samazina. Mi pe guguzlud’a kur asinemu, mi ge kangâna kamu, mi djugot zula yam ahinad’a á miret guguzlu mamba, mi min gong nga fiyak ka ndjola adugu, mi tchuk suma sunda kur á fe mbiyo mazina kua mi. Mi ge tam mi i yam andaga d’a dinga.

Matiye 21:34

Kid’a yima duta ndaka, mi sun azungeî mama gen suma sun ndazina, kayam a vumï vud’a guguzlud’a hasinenid’a.

Marik 11:13

Ata yi máma, mi we tulum ma humam d’ufina sä woi hina dei, mi i á golomu, na ni mi fe vuta kua zi ge. Wani mi mbaza, mi fe nga va d’i, ni humba hol, kayam me nata yima tuluma mi vut kuana d’i.

Marik 12:1

Jesus mi nde dazi zlad’a ki d’ogolâ ala: Sana mi pe guguzlud’a kur asinemu, mi ge kangâna kamu, mi djugot zula yam ahinad’a á miret guguzlu mamba, mi min gong nga fiyak ka ndjola adugu, mi tchuk suma sunda kur á fe mbiyo mazina kua mi, mi ge tam mi i yam andaga d’a dinga.

Marik 12:2

Kid’a yima duta ndaka, mi sun azong mama gen suma sun ndazina, kayam mi vumî vud’a guguzlu d’a azi humzid’a.

Romê-na 9:4

Azi nandjafâ hi Israel-lâ. Alona mi mbud’uzi groma, mi kak adigazi kur subur mamba, mi djin vunam ki sed’eziya, mi hazi gat mamba, mi tagazi lovot ta kud’uromba, azi ve vun ma hled’a hAlonina mi.

1 Korente-na 9:7

Azigar ma lara ba, mi i dur ayîna, mi wurak tam ki bege mamba ge? Sama pe guguzlu ma bei tat vud’utna nga zu? Sama pol tumiyôna ma ba bei tchazi ambirizina nga zu?

Gat ta a hat á mbàd’id’a 32:6

Agi suma lilid’a, agi suma bei wad’ud’a, ni hina ba, agi tid’igi avok Ma didina zu? Mi nga nabugi ma lagina d’uo zu? Ni mam ba, mi lagi mi siragi mi d’uo zu?

Suma ka sariyad’a 16:4

Bugola, atcha d’a dinga ti nga kaka kur hor ra Sorek-ka d’a a yat ala Delila, Samson hurum vad’u.