Isai 5:14 - Bible azumeina

¹⁴ Kayam ndata, yima azuleina mi ngo nga hohorom mbeyo, mi ngo nga vunam mbei hagak mi. Ata yi máma suma nglona kablau d’a kur azì ma ngol ma Jerusalem-mid’a ki vun mazi ma gandjau ma luna a mba tchuk kä kuru.

Isai 5:14 Iomraidhean Croise

Sawal la giled’a 49:14

Wana ni zlad’a hi suma a nga tin huruzi yam azi tazi go na, ki zlad’a hi suma tazi lazi djivid’a á hum zla mazid’ina mi. Tchol ndjö

Sawal la giled’a 55:15

Ei yoi siret ma djivina aduk teya, ei suburi Alona kur gong mamba abo tei tu mi.

Zla d’a d’ogolâ 1:12

ei i ligizi karid’a d’igi yima azuleina nga mi lik suma ki tumbula na, d’igi suma a tchuk kä kur zulina na,

Zla d’a d’ogolâ 27:20

D’igi yima azuleina ki zula la yiyika a ndak á hop yazi tu d’uo na, ira hi sanid’a nga d’i kau ki gola d’uo na mi.

Zla d’a d’ogolâ 30:16

Nala, yima azuleina, atcha d’a gendreged’a, andaga d’a nga d’i hop ki mbina d’uo d’a, aku d’a nga d’i dala: Ndak wa! d’uo d’a.

Isai 14:11

Subur ta manga ti nde kä azulei zlapa ki tchina hading mangîna; yang ma burâ ni yam ndjuvulâ, ndjuvulâ mi mbut ni borogo ma zlup kangâ mi!

Isai 14:9

Yima azuleina mi yir gak mi i kä ata ad’um mba dabid’a á d’ugulong kur mba manga, mi zlit suma azuleina avorong akulo zlapa ki suma nglo suma yam andagad’a adjeuna, mi tchol amuleina handjaf suma adjeuna akulo woi yam zlumiyô mazi suma amula pet mi.

Isai 21:4

Vunadigan ndi pat fek, mandarâ mi vanu, fladege d’a an nga ni le furîd’a kuad’a d’i mbut ni fladege d’a ti lan mandarîd’a.

Isai 24:8

Suma a bu daliyâd’a ki furîd’ina a arat wa bei bud’a, suma a lü ki vuna kazi gandjauna a ar wa bei luna, suma a nga bu adingâ ki furîd’ina a aram wa bei bud’a mi.

Isai 30:33

A min gring ma akud’a nadjeu dei yam amul ma Asiri-na. A minim bubud’a, zula yiyik mi, a mol aguna kua ngola, nga mi ngal akud’a ngola mi. Fo d’a avun Ma didina d’a d’igi toliyon nda sufre d’a nga d’i ngal d’igi sun akud’a na d’a, mba d’i dom akud’a.

Ezekiyel 7:12

Yina nga mi djïya, bur ma ka sariyad’a mi mba go! Ar sama mi gus ahlena mi le furîd’a d’i, ar sama mi gus ahlena woina tam mbi tchuk susub’ok kuo mi, kayam ayî mana mba mi wet tei yam ablaud’a hi sumid’a pet.

Daniel 5:30

Kur andjege ndata, a tchi Baltazar amul ma Babilon-na woyo.

Nahum 1:10

Azi le nga hitiud’a ata tazi d’igi aweid’a na, le a nga gurut ni d’igi suma a gurut ki süma hina pî, a mba ngal lei d’igi asu ma sod’a na papana.

Habakuk 2:5

Ndjondjoîd’a nga d’i b’lak sana; sama subur tama nga mi kak tchugot ti, nga mi ngo vunam mbei d’igi zula tos matna na, d’igi matna va nga mi ndagam mbuo na mi. Kayam ndata, nga mi kus yam andjaf suma teteng, nga mi yozi magomba ad’um mi.

Matiye 7:13

Jesus mi had’azi kua ala: Agi kalagi ata vun agrek ma mbed’etna, kayam vun agre’â azi ki lovot ta i ata yima bad’id’a ti ni bubud’a, suma a kal i kuana a nablaud’a mi.

Wana ni Zla d’a Djivi d’a Luc mi b’irita 17:27

Suma a te, a tche, a vik aropma, aropma a vik andjofâ, gak bur ma Noe mi kal kur batod’ina, mbina mi kus mi tchazi woi pet.

Wana ni Zla d’a Djivi d’a Luc mi b’irita 21:34

Jesus mi had’azi kua ala: Wani agi gologi tagi djiviya, ar agi tinigi hurugi yam ahle suma tena d’oze yam ahle suma tched’a ki djib’era hi duniyad’id’a tala bur máma mi mba kagi d’igi dauna na d’a d’i.