Isai 5:1 - Bible azumeina

¹ Ar an hle sawala mi banana. Ni sawala hi ma an hurun vum heî ki guguzlu mambina. Ma an hurun vum heîna mi nga adjeu kasine ma guguzlud’a, mi ni yam yima nding ma tub’ad’a heîna.

Isai 5:1 Iomraidhean Croise

Sawal la giled’a 101:1

Wana ni sawal la gile d’a David mi hlata. An mba ni hle sawala yam o mang nga didinda, yam sariya mang nga kad’a mi. Ma didina, ni ang ba, an mba ni gilengû.

Sawal la giled’a 45:1

Ni sawal la Kore groma a hlat kadingâ a hat mi ma ngolâ hi suma hle sawalina. Ni sawal la od’a.

Sawal la giled’a 60:5

Ang tak sum mangâ ndaka ngola. Kayam ndata, ami nga tchami tata abo ndaka d’igi suma a nga gurut ki sümina na.

Sawal la giled’a 80:8

Alo ma ad’engêng kal petna, ang tinimi blangâmina, ang mbud’ï irang kiramiya. Hina wani, ami mba sud’umiya.

Sawal la kal teglesa 2:16

Atchad’a ti dala: Ma an le kam heîna ni mana, an ni mamba mi, nga mi pol d’uwar mama aduk tamasa.

Sawal la kal teglesa 5:16

Vunam mbulâ, zlam lan heî! Agi yugunei suma Jerusalem-ma, wana ni ma an le kam heîna, wana ni banan ma kokodjona!

Sawal la kal teglesa 5:2

Ti dala: An bur sena, wani djib’er manda nga tinda, an hum dela hi ma an hurun vuma nga mi tum vun gonga. Mi dala: Aman nda an hurun vak heîd’a, ndak malan vuna woyo. Gugu manda, ndjondjoî manda, yan ndi ras abo mbad’ïd’a, tumus sa kanda ti ras abo mbad’ï d’a nga d’i tol ka andjeged’a.

Sawal la kal teglesa 6:3

Ma an le kam heîna ni mana, an ni mamba mi, mi nga mi pol tumiyô mama aduk tamasa.

Jeremi 12:10

Suma pola ablaud’a a b’lagan asine man ma guguzlud’a, a mired’em kä kaseziya, a mbud’un asine man ma an hurun vun heîna hur ful ma va nga kua d’uo na.

Jeremi 2:21

An pagi ni d’igi guguzlu d’a djivid’a na d’igi agu ma djivi ma kal teglesâ na. Ni nana ba, agi mbud’ugi tagi ndjendjed’a avoron d’igi guguzlu d’a abagei hur fulîd’a na ge?

Ezekiyel 15:2

Ang gor sana, na ni agu guguzlud’a zlat ti kal agu ma lara ge ma aduk agud’ina pet tchu?

Ezekiyel 19:10

Ma didina mi dala: Ang dala: Asugi ti hle tat ni d’igi guguzlu d’a a pat avun mbinid’a na, ti hô vuta hô hô, humat duf gugulî abo mbiyo ma zul atatna.

Wana ni mbaktumba hi Oze-d’a 10:1

Adjeu Israel-lâ a ni guguzlu d’a djivid’a vut heîd’a. Le d’i vut ngola kala ni, a min yima ngal ahle suma ngat buzuna ablaud’a kal mi. Le ambas mazid’a ti mbut ambas sa djif fa heî d’a kala ni, azi tin ahle suma ge humba teteng kal mi.

Matiye 21:33

Jesus mi dazi kua ala: Agi humugi d’ogol ma dingâ. Sana nga, ni samazina. Mi pe guguzlud’a kur asinemu, mi ge kangâna kamu, mi djugot zula yam ahinad’a á miret guguzlu mamba, mi min gong nga fiyak ka ndjola adugu, mi tchuk suma sunda kur á fe mbiyo mazina kua mi. Mi ge tam mi i yam andaga d’a dinga.

Marik 12:1

Jesus mi nde dazi zlad’a ki d’ogolâ ala: Sana mi pe guguzlud’a kur asinemu, mi ge kangâna kamu, mi djugot zula yam ahinad’a á miret guguzlu mamba, mi min gong nga fiyak ka ndjola adugu, mi tchuk suma sunda kur á fe mbiyo mazina kua mi, mi ge tam mi i yam andaga d’a dinga.

Wana ni Zla d’a Djivi d’a Luc mi b’irita 20:9

Jesus mi de zla d’a d’ogol la wanda mi suma ala: Sana mi pe guguzlud’a kur asinemu, mi hat abo suma a le sunda kuana, mi i yam andaga d’a d’inga á kak sä kua ngola.

Jean 15:1

Jesus mi dazi ala: An ni guguzlu d’a gagazid’a, Abun ni sama ngomotna.

Gat ta a hat á mbàd’id’a 8:10

Fata agi tagi agi hobogid’a, agi mba lagi mersi mi Ma didina Alo magina yam ambas sa djivi d’a mi hagizid’a.

Gat ta a hat á mbàd’id’a 8:7

Moise mi dazi kua ala: Ma didina Alo magina nga mi kalagi kur ambas sa djivi d’a toliyon nda nga d’i djang kuad’a, d’a golongeî suma laud’a a nga kuad’a, d’a mbiyo ma ad’u andagad’a kä na nga mi sulul lei kur hora akulo yam ahuniyôna mi d’a.