Isai 49:25 - Bible azumeina

²⁵ Ma didina mi dala: Gagazi, magumeina hi grang suma durâ, a mba yozizi woi aboziya; vama ma te yam suma kad’engina mi hluma, a mba bad’amzi woi abomu. An mba ni dur ayîna ki mak suma djangûna, an mba ni sud’uk gro’â woi mi.

Isai 49:25 Iomraidhean Croise

Ad’u Tinda 12:3

An mba ni b’e vunan yam suma yam andagad’ina pet ni kang angû; suma a mba b’e vunazi kangâ, an mba ni b’e vunan kaziya; suma a mba gang vunina, an mba ni gazi vuna mi.

Sawal la giled’a 35:1

Ni sawal la David mi hlata. Ma didina, ang nde man suma djangûna ayîna, ang dur ayîna ki suma a nga dur ayîna ki sed’ena.

Isai 10:27

Kur bur máma Ma didina mba mi hlanek mazid’a woi hîhîngâgiya, mba mi hle djuk mazina kä woi kelegi mi, dju’â mba mi kus sei kelegiya.

Isai 10:6

An sunuzi ata andjaf ma le sun nda ndjendjed’ina, an hazi lovota á kak djangûna ki suma a nga zalan huruna á hurumuzi ahligiyeziya, á yozi ahligiyezi kad’enga, á mired’ezi kä d’igi suma a miret lubuna kä kasezi na mi.

Isai 14:1

Ma didina mba mi we hohowa andjafâ hi Jakob-ma, mba mi man suma hi Israel-lâ kua, mba mi hulong tinizi kur andaga mazid’a. Andjaf ma dingâ mba mi zlap ki sed’eziya, mba mi zlap ki suma hi Jakob-ma.

Isai 14:2

Andjaf suma dingâ a mba yozi izi kur ambas mazid’a yam andagad’a hi Ma didinid’a. A mba tazi djona d’igi magumei suma andjofâ ki suma aropma na, a mba yo suma a yozi magomba adjeuna magomba, a mba te yam suma a te kazi adjeu kad’engina mi.

Isai 19:20

Mba mi mbut ni vama taka á le glangâsâ ala Ma didin ma ad’engêm kal petna mi nga aduk Ezipte-na. Ata yima Ezipte-na a mba nde yi Ma didina á ndjunuzi á ngop suma a nga kid’eyêzi irazina, mam mba mi sunuzi ma sut ma mi ndjun kazi mi prud’uzi woina.

Isai 25:4

Kayam angî yima ngeid’a hi suma amangeînina, angî yima ngeid’a hi suma hohou suma a nga kur ndakina, angî anguzu ma mi d’el alo ma mi se ki babarîna, angî anguzu ma mi d’el huwakina mi. Kayam zla d’a nga d’i ndavun suma a nga te yam suma kad’engina, ti ni d’igi alo ma mi se ki babarâ mi wat huyok gulumunina na.

Isai 25:9

Kur bur máma a mba dala: Alo meina ba wana, ni mam ba, ei tini huri kamu. Ni mam ba, mi sud’iya. Ni Ma didina ba, ei tini huri kamu. Ar ei lei hur ma hapma, ar ei lei furîd’a yam sut mamba mi!

Isai 33:22

Ma didina ni mei ma ka sariyad’a, ni mei ma dei gatina, namul meina, ni ma sud’ina mi.

Isai 35:4

Agi dagi mi suma tazi tchuk lusâ ala: Agi siragi ngingring, agi lagi mandar ri. Gola! Alo magina nga mi djï á sagi atchugulugiya, á wurak magi suma djangûna yam tcho d’a azi lagizid’a mi. Mam tamba nga mi djï á sud’ugiya.

Isai 40:2

Agi b’lengêgi hur suma Jerusalem-ma, agi dazi zlad’a ki delegi d’a ngola ala: Sun magi d’a magomba dap da’. Alona mi vat wa hurum mbei yam tchila magid’a, mi wuragagi wa yam tcho magi d’a lara ge yam mbà mi.

Isai 5:29

A tchi ni d’igi azlod’a na, a oî ni d’igi azlo ma azungeîna na, a nga to beîd’a a nga vik ahlena, a nga i ki sed’eziya, wani sama mi mba á prud’uzi abozina nga d’i.

Isai 51:14

Ar hina nde, ma nga djinda kä kur dangeinina, a mba gum akulo; mba mi mit kur gong nga nduvunda dangeina d’i, tena mba mi kid’agam mbuo mi.

Isai 51:22

Gola! Salad’a Ma didina Alo mak ma nga mi ndjun yam sum mamina, mi dala: Gola! An nga ni hle kop ma süm ma mi vid’ik yak keina woi abogu. Ndak dok tche ayî man ma kur kopmina bugol luo d’a.

Isai 54:13

Gro’â pet a mba mbut ni man suma hata; azi mba zul i avogovok ki djivid’a.

Jeremi 15:21

An mba ni prud’ung ngei abo suma asa’at ndazina, an mba ni gang akulo woi abo suma a nga te yam suma kad’engina mi.

Jeremi 29:10

Gola! Ma didina mi dala: Fata biza d’a dok kid’iziya d’a ngat yam Babilon-nda ndaka, an mba ni mba á d’ugiya, an mba ni ndak vun zla d’a djivi d’a an hlagi vunan kata, an mba ni mbagi ka hî.

Jeremi 31:11

Kayam Ma didina mi tchuk Israel-lâ akulo, mi prud’uzi woi abo mazi suma djangû suma kalazi kad’engina.

Sunda hi suma hi Levi-nid’a 25:54

Le mi mbut nga tam hina d’uo ni, mba mi nde woi ki groma ni kur biza d’a ngol la furîd’a mbeî.

Nahum 2:13

Azlona nga mi ve, nga mi kizak vama mi vuma mazlod’a ki grot suma gureina, nga mi oî domi mama ki hliwa vama mam vum mi kizagam mbeina mi.

Zakari 14:12

Wana ni tugud’ei d’a Ma didina mba mi tum kandjaf suma pet suma a mba mba ki azigar mazina á dur Jerusalem-mba: Nge nge pî hliwim mba mi ndjulup pei akulo kasemu, iram mba d’i ndjulup kur aziyad’u, sinam mba d’i ndjulup avunam mi.

Zakari 14:3

Ma didina mba mi nde woi á dur kandjaf sum ndazina d’igi mam nga mi dur adjeu dei kur bur ma ayîna na.

Zakari 9:11

Ma didina mi dala: Yam vun man ma djin ma ki sed’egi yam buzuna hi vama ngat buzunina, an mba ni tchuk magi suma a nga kä kur golong nga bei mbina ba d’ina akulo.

Marik 3:27

Na ni sana mi ndak á kal avo hi sama ad’engâ á hurumum bei mi djinim zu? Wani mi djinimî djina tua ba, bugola, mi hurumum ahligiyem tua mi.

Galat-na 4:26

Wani Jerusalem mba akulod’a ni gor vuta, ndat nasuya.

1 Jean 3:8

Sama nga mi le tchod’ina ni ma hi Diable-na, kayam Diable nga mi le tchod’a ni kad’u tinda dei. Alona Goroma mi nde tam mbei ná b’lak sunda hi Diable-d’a woyo.

Vama ndum mbeina 18:20

Ndak akulod’a, agi suma a tinigi iragi vagi mAlonina ki suma a sunuzina ki suma djok vun Alona, agi lagi furîd’a yam b’lak mamba, kayam Alona mi kam wa sariyad’a kam kayam sun nda tcho d’a mam lagizid’a.