Isai 49:16 - Bible azumeina

¹⁶ Gola! An b’irik nga ni hur abon ma biyarâ, iran nga tinda yam gulumun ma’â teteu.

Isai 49:16 Iomraidhean Croise

Buzuk ka Abud’a 13:9

Bur máma mba mi mbut ni vama ge humba d’igi vama taka na djinda del abogiya, ni d’igi vama djib’era na djinda avorogi mi, kayam agi aragi gata hi Ma didinid’a ti wal lei ki vunagi d’i. Kayam ni Ma didina kad’eng mamba ba, mi buzugugï woi kur ambas sa Ezipte-d’a.

Sawal la kal teglesa 8:6

Ang tinin kurung d’igi tampongâ na, ang tinin bigang d’igi tampongâ na mi, kayam od’a tad’enga d’igi matna na, yungôrâ mad’enga d’igi yima azuleina na mi. Vat mam mba dudunuka takud’a d’igi sin akud’a hi Ma didinid’a na.

Isai 26:1

Kur bur máma a mba hle sawal la wanda yam andaga d’a Juda-d’a, a mba dala: Ami nga kazì ma ad’eng ma ngunguna á ndjunumiya. Ma didina mi ge gulumuna kamu, mi hulong mi ge gulumuna kam kua.

Isai 54:12

An mba ni minik gulumun mak ma yam ndrama akulona kahina d’a ngal wiwilika, an mba ni minik vun agrek ma’â kahina eskarbukled’a, an mba ni nguyuk yak kahina d’a guzut kal teglesâ mi.

Isai 60:18

A mba hum zla murud’umba kur ambas maka d’i, a mba hum zla hurumba d’oze b’laka ir haga maka d’uo mi. Ndak mba d’i yi gulumun ma’â ala Suta, ndak mba d’i yi vun agrek ma’â ala Ma gile Alona.

Isai 62:6

Ndak Jerusalem, an tin wa suma ndjola yam gulumun ma’â. Azi mba ba vunazi falei d’oze andjege d’i; agi suma nga gagi hum Ma didina yam ahle suma a le ki Jerusalem-mina, agi tugugi tagi d’i.

Isai 62:7

Agi aram ta d’i, gak mi hulong mi minit blangât ma adjeuna, gak mi mbud’ut vama subura hi suma yam andagad’ina pet mi.

Jeremi 17:1

Tchilad’a hi suma Juda-nid’a, a b’irit ni ki plim ma kawei ma ahina d’a a yat ala diyamanda ti nga nika avunama, a b’irit ni kur tablo ma kuruzi krovona, ata adif yi mazi ma ngal ahle suma ngat buzuna teteng mi.

Jeremi 22:24

Ma didina mi dala: Ang i de mi Jekoniya Jojakim goroma amul ma Juda-na ala: An gun tan ki an Ma bei matna ba na. Ang ladjï ni d’igi ngangam ma nga ata abon ma ndjufîna hina pî, an mba ni pad’ang ngeyo.

Wana ni mbaktumba hi Aze-d’a 2:23

Ma didin ma ad’engêm kal petna mi de kua ala: Kur bur máma Zorobabel Salatiyel goroma, azong mana, an mba ni hlangû, an mba ni ngomongî d’igi tampong mana na, kayam an manangû. Wana ni zla d’a an Ma didin ma ad’engên kal petna ni data.