Isai 49:13 - Bible azumeina

¹³ Ndak akulod’a, ndak er ad’uk akulo ki furîd’a; ndak andagad’a, ndak le hur ma hapma; agi ahuniyôna, agi eregi ad’ugi akulo, agi ayâgiya, kayam Ma didina mi b’leng wa hur sum mama, mi wazi wa hohowozi kur ndak mazid’a mi.

Isai 49:13 Iomraidhean Croise

1 Sunda Hamuleinid’a 16:31

Ar akulod’a ti le furîd’a, ar andagad’a ti ayâ! Agi dagi mandjaf suma pet ala: Ma didina nga mi tamula!

Sawal la giled’a 148:9

Agi ahuniyôna ki yima djodjohlâ pet, agi agu ma vuta kagu sedrena pet, agi gilegiziya!

Sawal la giled’a 65:13

Ang nga d’uf hat ma djivina hur fulâ; suma yam ahuniyôna a nga oî ki furîd’a mi.

Sawal la giled’a 69:34

Ma didina nga mi hum tchina hi suma a nga kur ndakina, nga mi mar yam mam suma a yozi magombina d’uo mi.

Sawal la giled’a 71:21

Ang mba han ngol la kala, ang mba b’lengên hurun kua mi.

Sawal la giled’a 89:13

Abo ma norâ kabo ma sutna, ni ang ba, laziya. Ahina d’a Tabor-ra ki d’a Hermon-nda a nga gileng simiyêngû.

Isai 12:1

Kur bur máma ang mba dala: Ma didina, an nga ni gilengû, kayam hurung zal kanu, wani hurung vat tei kanu, ang b’lengên hurun mi.

Isai 14:1

Ma didina mba mi we hohowa andjafâ hi Jakob-ma, mba mi man suma hi Israel-lâ kua, mba mi hulong tinizi kur andaga mazid’a. Andjaf ma dingâ mba mi zlap ki sed’eziya, mba mi zlap ki suma hi Jakob-ma.

Isai 44:23

Ndak akulod’a, ndak ayâ, kayam Ma didina mi le wa va. Ndak andaga d’a ad’ut ta kä yiyika, ndak er ad’uk akulo ki furîd’a. Agi ahuniyôna, agi eregi ad’ugi akulo, agi ayâgiya. Ndak agud’a kagu ma adiga’â pet, agi lagi furîd’a mi. Kayam an Ma didina ni wurak wa yam suma hi Jakob-ma, nga ni tak subur manda woi aduk Israel-lâ mi.

Isai 48:20

Agi buzugugi woi avo Babilon, agi ringîgi woi aduk suma Kalde-na. Agi dagi woi ki delegi akulo ki aîd’a, agi tchagi wal zla ndata woyo, agi dagizi zlat teyo, dagizi zlat tei avun dabid’a handagad’id’a, agi dagi ala: Ma didina mi wurak wa yam azungeî mam suma hi Jakob-ma.

Isai 49:14

Siyon ti dala: Ma didina mi aran ndeyo! Salad’a mi mar kan mi.

Isai 51:12

Ma didina mi dala: Ni an ba ni b’lengêgi hurugiya. Angî nge ba, le mandara sama mba mi mitna d’oze sana gorom ma d’igi asuna na na ge?

Isai 51:3

Ma didina mi we hohowa Siyon, mi we hohowa yi mat ma b’lak keina, mba mi min asine ma djivi ma kalâ ata yi mat ma mi mbut d’igi fulâ na na, mba mi min asine ma d’igi Eden na na ata yi mat ma so ma gangras máma. Ni kua ba, a mba hum del la sor ra furî d’a kal lei nded’a ki sawal la giled’a ki del la hle sawala mi.

Isai 52:9

Ang yima teteng ma Jerusalem ma b’lak keina, ang er ad’ung akulo ki furîd’a, kayam Ma didina nga mi b’leng hur sum mama, nga mi wurak yam mam Israel-lâ mi.

Isai 54:7

An arak kei ndjö, wani yam we hohou man nda ngola an mba ni vak atanu.

Isai 54:8

Ma didin ma mi wurak ka’â mi dala: Kur hur ma zala, an ngei tan ndei irak ndjö. Wani yam o man nda bei dabid’a an mba ni wak hohowogu.

Isai 55:12

Agi mba buzugugï woi kur Babilon ki furîd’a, agi mba mbagi avo hatagi ki b’leng nga halasa, ahuniyôna ki yima ndingâ a mba er ad’uzi akulo avorogi ki furîd’a, agu ma abageina pet mba mi tum abom ki furîd’a mi.

Jeremi 31:13

Ata yi máma yuguneina a mba buzuk ndjongâ ki furîd’a, gro azungeîna ki momorogeina a mba le na mi. Ma didina mi dala: Yor ta mazid’a, an mba ni mbud’ut aîd’a, an mba ni b’lengêzi huruziya, an mba ni vragazi hur ma hapma balum hur mazi ma wurana.

Jeremi 51:48

Akulod’a kandagad’a kahle suma kuruzina pet, a mba hle sawal la furîd’a yam Babilon, kayam suma b’lak yina a tcholï abo ma norâ, a mba kad’u. An Ma didina ni de na.

Ezekiyel 35:14

Salad’a Ma didina mi dala: Fata an mba ni mbud’uk djonid’a, suma yam andagad’ina pet a mba le furîd’a.

Wana ni Zla d’a Djivi d’a Luc mi b’irita 15:10

Kayam ndata, an nga ni dagiya, malaikana hAlonina a mba le furîd’a yam sama tu ma tcho ma mi mbut hurum yam tcho mambina.

2 Korente-na 7:6

Wani Alo ma b’leng hur suma a nga kur djib’erina, mi b’lengêmi hurumi ata yima Tit mi mbana.