Isai 48:4 - Bible azumeina

⁴ Wani an we agi ni suma yam mba ad’enga, agi ni suma delegi ad’enga d’igi kawei ma wurana na na, agi ni suma vorogi ad’enga d’igi kawei ma hleuna na na mi.

Isai 48:4 Iomraidhean Croise

2 Amuleina 17:14

Wani sum ndazina a nga hum vun ndi, a le yam mba ad’enga d’igi abuyozi ngolo suma a he nga gagazid’a yam Ma didina Alo mazina d’uo na na.

2 Sunda Hamuleinid’a 30:8

Ki tchetchemba, ar agi lagi yam mba ad’enga d’igi abuyogi a lat na d’i, wani agi hagi tagi mi Ma didina, agi mbeyegi kur yi mam ma a tinim iram vam ma gak didina, agi lagi sunda mi Ma didina Alo magina tala kur ayî mam ma bibiliuna hurum vat tei kagiya d’a.

2 Sunda Hamuleinid’a 36:13

Mi tchol huneîd’a kamulâ Nebukanezar ma mam mi gun tam avorom ki simiyê Alonina mi. Mi ar zlad’a mi hulongî gen Ma didina Alona hi Israel-lîna ta, mi le ni yam mba ad’enga, mi b’al hurum kiki mi.

Nehemi 9:28

Ata yima azi nga kur halasina, a hulong le tchod’a avorongû. Ni hina ba, ang arazi abo mazi suma djangûna; a te kaziya. Wani a hulong a tchi kang kua d’ei, ang tang humuzï akulo d’ei, yam we hohou mang nga ngola, ang sud’uzi woi yang dodogo.

Sawal la giled’a 75:5

An nga ni de mi suma a subur tazina ala: Agi suburugi tagi d’i. An de mi suma asa’atna ala: Agi hlagi yagi akulo d’i.

Sawal la giled’a 78:8

Kayam azi le d’igi abuyozi ngolo suma yam mba ad’eng suma bei hum vun suma huruzi nga ade’esa d’uo suma a nga d’engzeng avok Alona d’uo na hina d’uo d’a.

Buzuk ka Abud’a 32:9

Ma didina mi de mi Moise kua ala: An we sum ndazina; ni suma bei hum vuna.

Buzuk ka Abud’a 33:3

Agi igi yam ambas sa ambira ki mbul ayuma a nga sor kä kuad’a. Wani an nga ni i ki sed’egi tala an dabagi woi lovot tuo d’a, kayam agi ni suma bei hum vuna.

Buzuk ka Abud’a 33:5

Ma didina mi de mi Moise ala: Ang de mi Israel-lâ ala: Alona mi dala: Agi ni suma bei hum vuna. Le an nga ni tit adigagi tetewu ni, an mba ni dabagi tchid’a woyo. Agi yogi ahle magi suma djif suma atagina woyo. Hina wani, an mba ni we vama ni lum ki sed’egina.

Buzuk ka Abud’a 9:7

Faron mi tchuk sunda, mi djop yam ahle suma a lena. A hulong dum ala: D’uwarâ hi Israel-lîna tu pî mi mit nga d’i. Hina pî, Faron mi b’al hurum kiki, mi ar nga Israel-lâ á id’a d’i.

Zla d’a d’ogolâ 29:1

Sama suma a ngobom yazi ablaud’a nga mi hum vun nduo na, mba mi b’lak kei atogo zak. Kuma ma a mbud’um ki djivid’ina mi nga d’uo d’a.

Isai 30:9

Kayam sum ndazina a ni suma bei hum vuna, a ni gro suma ka zlad’a, a ni gro suma a nga hum gata hi an Ma didinid’a d’uo na mi.

Isai 46:12

Agi suma hurugi b’ala suma walagi woi dei ki d’ingêrina, agi humugiya.

Jeremi 19:15

Ma didin ma ad’engêm kal petna, Alona hi Israel-lîna, mi dala: Gola! An nga ni mba ki ndaka yam azì ma ngol ma wana kazì ma nglo ma nguyuma pet. Ni ndak ka lara ge d’a an dat kamba, kayam azi tos humazi woi á hum zla manda.

Jeremi 3:3

Kayam ndata, an nga ni sagi alona kagi d’i; alo ma hod’ogeid’a pî, nga mi se kagi d’uo mi. Wani agi sogi tagi ad’enga kur gaulang magina, agi min wagi tcho magid’a d’i.

Jeremi 5:3

Ma didina, ang halî d’engzenga d’uo zu? Ang toziya, wani a gol to ndata ni va d’i. Ang lazi á dabazi woyo, wani azi hum nga gat ndata d’i. A le yam mba ad’enga, a noî á hulongî gevengû.

Jeremi 7:26

Wani a humun nga d’i, a tin nga humazi á humba d’i, a le yam mba ad’enga, a le tchod’a kal abuyozi ngolo mi.

Ezekiyel 2:4

Ni suma zulo nga irazi d’uo na, suma huruzi b’alina. An nga ni sunung geveziya. Ang i dazi ala: Wana ni zla d’a Salad’a Ma didina mi data.

Daniel 5:20

Wani ata yima mi hle yam akulo mi b’al hurum ad’enga kiki gak mi de zla d’a subur tad’ina, a zud’um kä woi yam zlam mam mba amula, a pat subur mamba woi mi.

Sunda hi suma a sunuzinid’a 7:51

Agi suma delegi ad’engina, agi suma b’alagi hurugi suma dugugi humagi woi á hum yid’a hAlonid’ina, agi nga zud’ugi Muzuk ma bei tchod’a ba na woi teteu, agi lagi ni d’igi abuyogi ngolo a le na mi.

Romê-na 2:5

Wani yam hur mang ma b’ala, yam bei mbut hur mang ma yam tchod’ina, ang nga to’î ayî ma ngolâ hAlonina kang kur bur ma Alona mba mi nde ayî mama ki sariya mam mba d’ingêra woina.

Gat ta a hat á mbàd’id’a 10:16

Agi hagi hurugi pet mi Ma didina, agi lagi yam mba ad’enga d’uo d’a.

Gat ta a hat á mbàd’id’a 31:27

Kayam an we agi ni suma so vuna, agi ni suma yam mba ad’enga. Le agi nga sogi vun Ma didina kid’a an nga ki iran adigagi tua d’a ni, bugol mat mana, agi mba lagi tchod’a kal luo zu?

Hebre-na 3:13

Wani agi gigid’egi tagi teteu d’igi mbaktumba hAlonid’a ti de na ala: Ini ar sa adigagi tchod’a lobom á b’al hurum mbi.