Isai 48:17 - Bible azumeina

¹⁷ Ma didin ma wurak kagi ma tin tam irat vat kagi Israel-lîna mi dala: An Ma didina Alo magina, an nga ni had’agi yam djivi magid’a, an nga ni tinigi kur lovot ta agi nga tid’igi kuad’a.

Isai 48:17 Iomraidhean Croise

Ad’u Tinda 24:48

An grif kä avok Ma didina, an suburumu, an le mersi mAlona hi salana Abraham ma ngomon mi tagan lovot ta d’ingêra kur tit manda tala an ve salana wiyema gorom ngolod’a mi goroma d’a.

1 Amuleina 8:36

ang Ma didin ma sä akulona, ang huma, ang vat hurung ngei yam tcho mazid’a, kayam azi nazungeî mangâ, ni sum mangâ mi. Kal pet, ang had’azi ni lovot ta tit ta djivid’a. Bugola, ang salona yam andaga mang nga ang hazizi djonid’a mi.

Wana ni mbaktumba hi Job-pa 36:22

Elihu mi de kua ala: Gola! Alona nga mi tak kal papa mamba woi kur ad’eng mamba. Ni nge ba, mba mi we á hat suma d’igi mam na ge?

Sawal la giled’a 25:12

Sama mi le mandara Ma didinina, ni Ma didina ba, mi tagam lovot ta mbeî mi manata.

Sawal la giled’a 32:8

Ma didina mi dala: An mba ni had’angû, an mba ni tagang lovot ta ang tit kuad’a, an mba ni dang d’alâ, an mba ni tin iran kang mi.

Sawal la giled’a 71:17

Alo mana, ang had’an ni ki gogoron dei, gak ini an nga ni de woi yam sun mang nga kal teglesa.

Sawal la giled’a 73:24

Ang nga tagan gat manga, bugola, ang mba van atang kur subur manga.

Isai 2:3

Andjaf suma ablaud’a a mba i kua, a mba dala: Agi mbeyegïya! Ei i djagei akulo yam ahinad’a hi Ma didinid’a, kur gong nga kud’ora hAlona hi Jakob-mid’a kayam mi had’ei gat mamba. Ar ei tid’i kur lovot mam mba mi tageizid’a. Kayam gata mba d’i tcholï ni Siyon, zlad’a hi Ma didinid’a mba d’i tcholï ni Jerusalem mi.

Isai 28:9

A dala: Ni nge ba, mam min had’am wed’a ge? Ni nge ba, mam min had’am wad’ud’a mi ge? Ni mi kem suma a ar ambira bei tched’ina, d’oze suma a d’elezi woi avun apona bei tched’ina zu?

Isai 30:20

Salad’a mba mi hagi avungôna ki mbina kur ndak magid’a. Ma had’agina mba mi ngei tam avorogi d’i; iragi mba d’i we ma had’agina mi.

Isai 30:21

Fata agi mba d’ezegi woi abo ma ndjufâ d’oze abo ma gulanid’a, agi mba humugi zla d’a ded’a blogogi ala: Lovota avorogi wana! Agi hlagiziya!

Isai 41:14

Agi Israel suma hi Jakob-ma, agi suma suma a gologi d’igi ndjuvul ma gorâ na na, agi suma suma a mired’egi kä d’igi ndjuvulâ na na, agi lagi mandar ri! An tan nga ni mba á ndjunugiya! An Ma didin ma tin tan irat vat kagi Israel-lîna, ni dala: An nga ni hle zla magid’a hur abonu.

Isai 43:14

Ma didin ma tin tam irat vat yam Israel-lâ ma wurak kagina mi dala: Ni kayam agi ba, an sunï sana á dur ki Babilon. An mba ni tchuk suma pet suma a nga ringâ kä woi kur alumba, an mba ni tchuk suma Kalde suma a nga le furîd’a kur alum mazid’ina kä woi mi.

Isai 43:16

Ma didina mi dala: Ni nge ba, mi ge lovota kä hur alum ma ngolâ adjeu ge? Ni nge ba, mi ge lovot ta gureid’a kä aduk mbiyo ma galileina adjeu ge?

Isai 45:11

Ma didin ma tin tam irat vat yam Israel ma mi minima mi dala: Na ni sana ndak á djobon yam vama nga mbana, d’oze mi han vuna yam grona ki sun nda an lat kabonda mi zu?

Isai 48:20

Agi buzugugi woi avo Babilon, agi ringîgi woi aduk suma Kalde-na. Agi dagi woi ki delegi akulo ki aîd’a, agi tchagi wal zla ndata woyo, agi dagizi zlat teyo, dagizi zlat tei avun dabid’a handagad’id’a, agi dagi ala: Ma didina mi wurak wa yam azungeî mam suma hi Jakob-ma.

Isai 49:26

Suma a nga djobok vuna’â, an mba ni hazi hliwizi tamba á mutna, a mba gurut ki buzuwazi d’igi sana mi gurut ki süm guguzlu d’a ayîna na. Suma pet a mba wala an ni Ma didin ma sud’uk ma ad’engêm kal petna hi Jakob ma mi wurak ka’â.

Isai 49:7

Ma didin ma wurak yam suma ma tin tam irat vat yam Israel-lîna, mi de mi sama suma a golom isâ, mi sama andjaf suma a golomî vama ndjendjed’ina, mi magoma hi suma te yambina ala: Amuleina a mba wangû, a mba tchol akulo avorong mi. Suma nglona a mba grif kä avorong yam an Ma didin ma d’engzeng ma an tin tan irat vat yam Israel ma ni manangâ.

Isai 54:13

Gro’â pet a mba mbut ni man suma hata; azi mba zul i avogovok ki djivid’a.

Isai 54:5

Ma mi la’â ni ndjuvugu, simiyêm ala Ma didin ma ad’engêm kal petna. Ma mi wurak ka’â ni Ma tin tam irat vat yam Israel-lîna, a yum ala Alo ma te yam andagad’a petna.

Isai 54:8

Ma didin ma mi wurak ka’â mi dala: Kur hur ma zala, an ngei tan ndei irak ndjö. Wani yam o man nda bei dabid’a an mba ni wak hohowogu.

Jeremi 6:16

Ma didina mi de kua ala: Agi i tchologi avun lovota, agi gologiya, agi dagi tagi yam lovot ta adjeud’a ala: Lovot ta djivid’a ni d’a lara ge? Agi tid’igi kuru. Hina wani, agi mba fagi tuk tad’a. Wani azi hulong dala: Ami min tid’imi kur ri.

Mise 4:2

Suma ablau ndazina a mba i kua, a mba dala: Agi mbeyegïya. Ei i djagei akulo yam ahinad’a hi Ma didinid’a kur gong nga kud’ora hAlona hi Jakob-mid’a, kayam mi had’ei gat mamba. Ar ei tid’i kur lovot mam mba mi tageizid’a. Kayam Gata mba d’i tcholï ni Siyon, zlad’a hi Ma didinid’a mba d’i tcholï ni Jerusalem mi.

Jean 6:45

Suma djok vun Alona a b’ir kur mbaktumba ala: Alona mba mi had’azi pet. Sama lara pî ma hum Abun mi ve hat mamba mi na, nga mi mba gevenu.

Efes-sâ 4:21

Gagazi, an wala agi humum zlamu, suma a had’agi zla d’a gagazi d’a yam Jesus-d’a mi.

Josue 3:4

Wani agi aragi adigagi d’a ki zandu’îd’a d’igi kilometred’a tu na, agi hud’ugi go ki sed’em mbi. Hina wani, agi mba wagi lovot ta agi mba hlata. Kayam agi hlagi nga lovot ndata yagi tu d’i.