Isai 48:14 - Bible azumeina

¹⁴ Agi pet, agi togogiya. An nga ki banan ma kokodjo ma mba mi ndak vun nga hur manina. Mba mi te yam suma Babilon-na kad’eng manda. Ni nge adigagi ba, mi de woi yam ahle ndazina ge? Sa nga d’i.

Isai 48:14 Iomraidhean Croise

Ad’u Tinda 49:1

Jakob mi yï grom suma andjofâ gevemu, mi dazi ala: Agi togogïya! An dagi yam ahle suma a mba mba kagi ndjivina.

Ad’u Tinda 49:2

Agi grona, agi togogïya, agi humugiya, agi humugi zla d’a an abugi Israel nga ni dagizid’a.

Isai 13:19

Babilon nda djif kal leu d’a dinga pet tala ni hed’eu ma djif ma sum matna, a nga subur ki taziya d’a. Ti mba d’i mbut ni d’igi Sodom ki Gomor suma Alona mi b’lagazi woi adjeuna na.

Isai 21:9

Gol wani, an we sana mi djak kur pus ma akulumeina nga mi djïya, mi er ad’um akulo ala: Babilon ndi puk wa! Babilon ndi puk wa! Filei mat ma tcheta pepet mi wizek wa kä woi andaga gegeleng!

Isai 41:22

Ar agi dagi zlad’a, ar agi vami ad’ud’a woi yam vama mba mi mbana. Wal la avok ka agi tchata ni wal la me ge? Agi dagi woi kat kayambala ami kagami ki ned’a, ami wami ad’u vun zla mat ta ti ndagata mi d’a. Le d’uo ni, agi dami zlad’a yam vama avina. Hina wani, ami mba wami ala agi nalo ma gagazina!

Isai 43:9

Ar andjaf suma pet a toga, ar suma a tok taziya. Ni nge adigazi ba, mi de woi yam ahle ndazina ge? Ni nge ba, mi de woi yam ahle suma a kalâ ge? Ar azi mbeï ki glangâs mazina, a de woi ala: Azi ni suma d’ingêrâ! Ar suma a huma a dala: Ni zla d’a gagazid’a!

Isai 44:28

An nga ni de yam amulâ Sirus ala: Mam mi man ma pola, mba mi ndak vun nga hur mana pet, mba mi de yam Jerusalem ala: A mba hulong a minit akulo, mba mi de yam gong man nda kud’ora ala: A hulong a gat ad’ud’u.

Isai 44:7

Ni nge ba, d’igi an na ge? Ar mi de, ar mi van ad’ud’a, dedeid’a an tchuk sumid’a: ar mi de woi yam ahle ndazina, yam ahle suma a nga mbana mi.

Isai 45:13

Ma didin ma ad’engêm kal petna mi dala: Ni an ba ni tchol Sirus akulo yam d’ingêr manda, an mba ni blas lovot mamba kä avoromu. Mam mba mi minin azì man ma ngolâ akulo, mba mi tchuk man suma dangeina akulo bei wuraka bei ve he d’a hawad’a ba mi.

Jeremi 50:44

Ma didina mi dala: Gola! An mba ni ndeï d’igi azlona mi ndeï aduk agud’a avun alum ma Jurdê-na á lat suma pola na. Atogo hina zak an mba ni dik suma Babilon-na, an mba ni tin ma an manama kaziya. Ni nge ba, mi hle tam d’igi an na ge? Ni nge ba, mba mi han vuna ge? Ni ma pol ma lara ba, mba mi tchol avoron nge?

Marik 10:21

Kid’a Jesus mi golomba, hurum vumu, mi dum ala: Ang kid’ak va tu, ang i gus ahligiyeng suma ang nga ki na woi pet, ang he bege ndata mi suma hohoud’a. Hina wani, ang mba fahle suma ndjondjoîna sä akulo. Bugola, ang mbeï ad’unu.