Isai 48:11 - Bible azumeina

¹¹ Ni yam o manda, ni yam o manda ba, an min lahle ndazina. Ni kayam me ba, simiyên mbut ndjendjed’a ge? An nga ni he subur manda mi sama ding ngi.

Isai 48:11 Iomraidhean Croise

Sawal la giled’a 106:8

Wani mi sud’uzi woi yam simiyêm á tak ad’eng mamba woyo.

Sawal la giled’a 115:1

Ma didina, subura nga ni mamid’a d’i, subura nga ni mi ami d’i, wani ni manga, yam o mang nga didinda, yam gagazi manga mi.

Sawal la giled’a 25:11

Ma didina, yam simiyêngû, ang vat hurung ngei yam tcho manda, kayam ti ngola heî.

Sawal la giled’a 25:7

Ma didina, ang djib’er yam tcho manda ki tchila man nda kazongôn deid’a d’i, wani ang djib’er kan yam we hohou manga ki djivi manga.

Isai 37:35

An mba ni ngom suma kur azì ma ngol ma wanina, an mba ni sud’uzi yam simiyênu, yam azong mana David ma d’engzengâ mi.

Isai 42:8

An ni Ma didina. Wana ni simiyênu! An mba ni he subur manda malo ma ding ngi, an mba ni ar hu manda mi fileina d’uo mi.

Isai 43:25

Ni an ba, nga ni has tcho magid’a woi yam o man nda kagid’a, an mba ni djib’er yam tcho magid’a bugol luo d’a.

Isai 48:5

Ni kayam ndata ba, an dagi wa woi yam ahle suma a mba le ndazina. An dagi woi kazi avok bei azi le tala agi mba dagi ala: Ni filei mana ba, mi laziya, d’oze ni filei ma an tched’ema d’oze ni filei ma an yoroma ba, mi hazi vuna d’a d’uo mi.

Isai 48:9

Wani ni kayam simiyên ba, an d’el vun ayî mana; ni yam gile d’a ndak kan á giled’id’a ba, an ve tan kagi tala an dabagi woi d’uo d’a.

Isai 52:5

Ki tchetchemba, an le ni nana ge? A i wa sum mana magomba ni hawana. Suma a te kazi kad’engina a nga de zlad’a ki delezi akulo. Kur bur ma lara ge pet a nga lazan simiyênu.

Jeremi 14:7

Suma Juda-na a dala: Ma didina, le tchila mamid’a nga d’i tchugumi zlad’a kami pî, ang le va yam simiyêngû, kayam tcha tata mamid’a ti zul heî, ami lami tchod’a avorong mi.

Ezekiyel 20:14

Wani an le nga hina d’i, kayambala ar azi mbud’un simiyên vama ndjendjed’a ir andjaf suma an buzuguzï woi yam ambas sa Ezipte-d’a avorozina d’uo d’a.

Ezekiyel 20:22

Wani an hulong ni gabon kä, ni le nga hina d’i, kayambala ar azi mbud’un simiyên vama ndjendjed’a ir andjaf suma an buzuguzï woi yam ambas sa Ezipte-d’a avorozina d’uo d’a.

Ezekiyel 20:39

Agi Israel-lâ, Salad’a Ma didina mi dala: Agi igiya, ar nge nge pî mi i tuwal filei mama! Wani bugola, agi mba humunu, agi mba mbud’un simiyên ma bei tchod’a ndjendjed’a ki he d’a hawa d’a agi nga hat mi filei maginid’a d’uo d’a.

Ezekiyel 20:44

Agi Israel-lâ, an mba ni le ki sed’egi yam tit magi d’a tchod’a ki sun magi d’a ndjendje d’a agi lata d’i, wani an mba ni le ki sed’egi ni yam simiyênu. Ata yi máma agi mba wagi ala an ni Ma didina. Wana ni zla d’a an Salad’a Ma didina ni data.

Ezekiyel 20:9

Wani an le nga hina d’i, kayambala ar azi mbud’un simiyên vama ndjendjed’a ir andjaf suma azi nga kaka adigazina d’uo d’a, azi sumala ni glangâsâ yam vun ma hle ma an hlum ala an mba ni buzuguzï woi kur ambas sa Ezipte-d’a na.

Ezekiyel 36:22

Kayam ndata, ang de mi Israel-lâ ala: Ma didina mi dala: Ni kayam agi Israel-lâ ba, an lahle ndazina d’i, wani ni kayam simiyên Ma bei tchod’a ma agi mbud’um ndjendjed’a aduk andjaf suma ding suma agi igi kuana.

Daniel 9:17

Alo mamina, ki tchetchemba, ang hum tchen nda hud’a hi an azong mangîd’a. Salad’a, yam o manga, ang tin irang yam gong mang nga a tinit irat vat ta a b’lagat teid’a.

Jean 5:23

kayam suma pet a he ngola mi an Goroma, d’igi a he ngola mAbun na mi. Sama he nga ngola mi an Goroma d’uo na, mi he nga ni ngola mAbun ma sununïna d’uo mi.

Romê-na 2:24

Kayam mbaktumba hAlonid’a ti dala: Ni kayam agi Juif-fâ ba, andjaf suma dingâ a nga ngul Alona.

1 Samuel 12:22

Ma didina mba mi aragi woi d’i, kayam simiyêm ma nde yinina; kayam ni mam tamba ba, mi min mbud’ugi sum mama.