Isai 47:14 - Bible azumeina

¹⁴ Gola! Azi ni d’igi asu ma akud’a ngalama na. Azi ndak á sut tazi woi abo sin akud’a d’i, nga ni kiwil ma sana mi le ki tenina d’oze ma sana mi hol ki tama d’uo mi.

Isai 47:14 Iomraidhean Croise

Buzuk ka Abud’a 5:12

Kayam ndata, suma Israel-lâ a b’rau kur ambas sa Ezipte-d’a pet, a ar zla d’a yo kuzad’a woi ta, a yoï ni hububuna.

Isai 10:17

B’od’a hi Israel-lîd’a mba d’i mbut ni d’igi akud’a na, mazi Ma tin tam irat vat kazina mba mi mbut ni d’igi sin akud’a na, mba mi ngal awei mazid’a ki kekerezeu mazina woi kur bur ma tuna.

Isai 30:14

A mba tom mbei d’igi sama min deina mi tom mbei kikizek bei fe anduruna á yo kakud’a kur givina d’oze á gul ki mbina golong ba na.

Isai 33:14

Suma le tchod’a a nga le mandarâ kur Siyon, suma a nga le sun nda ata yat tuo d’ina a nga zlak mi. A nga de tazi ala: Ni nge adigei ba, mi ndak á kak go kaku d’a nga d’i ngal bibiliu ndata ge? Ni nge adigei ba, mi ndak á kak go kaku d’a hîhîk ka didin ndata ge?

Isai 40:24

A pazi nga kä dei d’i, a zarazi nga kä dei d’uo ko, abuwazi mi tchuk nga sideina andaga kä dei d’uo ko, mi sir simetna kaziya, a nga so woyo, mbirlimba nga d’i yozi woi d’igi ti yo kuzad’a woi na mi.

Isai 41:2

Ni nge ba, mi tcholï ki ma abo ma yorogo ma ayî ma kusa nga mi tit blogoma ge? Ni nge ba, mi hum andjaf suma, mi hulongôm yam amuleina kä avorom ge? Mbigeu mam mba fiyaka ti mbud’uzi d’igi andaga d’a gugud’upa na, yeû mamba ti mbud’uzi d’igi kuza d’a simetna nga mi felet teid’a na.

Isai 44:16

Nga mi ngal abo agu ma dingâ woyo, nga mi yi hliuna ki ma hina, nga mi zal ahlena ki ma hina, mi hop kiya, nga mi hol tamu, nga mi dala: Â, tan hol wa! An nde ni we sin akud’a atanu.

Isai 5:24

Kayam ndata, a mba mbut ni d’igi asu ma sod’a ki kuzad’a na, sin akud’a mba d’i ngalazi woyo, sideyezi mba mi tchim mbeyo, b’ozi mba d’i galal kä woi andaga mi, kayam azi noî gata hi Ma didin ma ad’engêm kal petnid’a woyo, azi gol zlad’a hi Ma tin tam irat vat yam Israel-lîna is mi.

Jeremi 51:30

Suma dur suma Babilon-na a ar bei dur ayîna, a ar kaka kur azì ma ad’eng ma ngunguna. Mazi suma gangrangâ a mbut amangeîd’a, a mbut ni d’igi aropma na. Suma djangûna a nga dozi aziyazi akud’a, a kus kawei mam ma murgulina woi mi.

Jeremi 51:32

A hle wa yima a djak mbina kuana, yi mazi ma ad’eng ma ngunguna a ngalam wa woyo, suma dur ayîna a mbut mandarâ.

Jeremi 51:58

Ma didin ma ad’engêm kal petna mi de kua ala: Gulumun ma ngol ma Babilon ma bubud’a a mba hôm kä woi ki zla tam pet. Vun agrek mat ma fuyogeina a mba ngalam mbei kakud’a. Suma a tchi tazi á le sunda ni hawa na, andjaf suma a kau tazi ni makud’a mi.

Ezekiyel 15:7

An mba ni mbut iran ni ngoboziya. A mba djib’er ala a buzuk kei aduk akud’a da’, wani akud’a mba d’i ngalaziya. Fata an mbut iran á ngobozid’a, agi mba wagi ala an ni Ma didina.

Joel 2:5

Ang ala ni siwela hi pus ma dur ayî ma nga mi pir akulo yam ahuniyônina na, d’igi siwela hi sin aku d’a nga d’i ngal kuzad’id’a na, d’igi andjaf suma ad’eng suma a ndjar á dur ayînina na mi.

Abdiyas 1:18

Suma hi Jakob-ma a mba mbut ni d’igi akud’a na, suma hi Josef-fâ a mba mbut ni d’igi sin akud’a na. A mba ngal suma hi Esau-na woi d’igi akud’a ti ngal kuzad’a na, sa mam tu pî mba mi ar ri, kayam an Ma didina ni de na.

Nahum 1:10

Azi le nga hitiud’a ata tazi d’igi aweid’a na, le a nga gurut ni d’igi suma a gurut ki süma hina pî, a mba ngal lei d’igi asu ma sod’a na papana.

Matiye 10:28

Ar agi lagi mandara suma a tchagi hliwigi suma ndak á tchagi muzugagi d’uo na d’i. Kal pet, agi lagi ni mandara Alo ma ndak á tchi hliu tad’a ki muzu’â djak á izi aduk aku d’a Jahanama-d’ina.

Matiye 16:26

Wani le sana mi fahle suma yam andagad’ina ki zlazi pet, wani mam tamba mi ba woyo ni, djivi d’a mi fata ni me ge? D’oze, vama sana mba mi hum á vrak blangâm mam tambina ni me ge?

Vama ndum mbeina 18:21

Ata yi máma, malaika ma ad’engâ mi hle ahina d’a ngola d’igi d’a lutna na, mi gat kur alum ma ngolâ, mi dala: A mba ge azì ma ngol ma Babilon-na kä hina dedege mi, a mba wum bugol luo d’a.