Isai 46:6 - Bible azumeina

⁶ Gola! A nga tchuk lora kä woi kur bud’omei mazina, a nga nga kawei ma hapma ki kilona, a nga wurak sama le sunda, kayam mi yorozi alo ma azi grif kä avorom ma azi kud’uroma.

Isai 46:6 Iomraidhean Croise

1 Amuleina 12:28

Ata yi máma amulâ Jerobowam mi hal djib’er ra dinga, mi yor lora gro amuzleina mbà, mi de mi sum mama ala: I d’a agi igi Jerusalem teteud’a ndagagi da’. Gola! Agi Israel-lâ, alo magi ma buzugugï woi kur Ezipte-na ba wana!

Sawal la giled’a 115:7

Abozi mi nga, a nga do va d’i! Asezi mi nga, a nga tit ti! Sa nga mi humuzi delezi d’uo mi!

Buzuk ka Abud’a 32:8

A d’es wa woi atogo zak kur lovot ta an tagazizid’a, a yor wa gor amuhlâ, a grif wa kä avoromu, a hum wa ahle suma ngat buzuna, a dala: Gol alo mei ma pad’eï woi kur ambas sa Ezipte-d’ina ba wana!

Isai 2:8

Fileina mi oî yam ambas mazid’a. Azi nga grif kä avok sun nda azi lat kabozid’a, avok vama azi minim ki tchitchid’azina.

Isai 30:22

Agi mba gologi kawei ma hap ma agi gulud’ugi ki filei maginina ki lora a gulud’um ki d’a nahle suma ndjendjed’a, agi mba durugi to mazi d’a kikizeka woi d’igi vama ndjendjed’a na, agi mba dagi kazi ala: Tchuguzi sä woi dei!

Isai 45:20

Ma didina mi de kua ala: Agi andjaf suma a prud’ugi woina, agi mbeyegïya, agi hud’ugïya, agi togogïya. Suma a nga zï agu mazi ma a tched’em fileina d’oze suma a nga tchen alo ma ndak á sut sa d’uo na ni suma yazi nga kazi d’uo na.

Jeremi 10:14

Kayam ndata, suma pet a mbut ni suma yazi nga d’uo na abo we mamba. Suma yor lora pet a mbut zulona kangus ahle suma azi yorozina, kayam filei mazina ni filei ma ka zlad’a, nga mi muzuk kuo mi.

Jeremi 10:9

A nga d’udjo filei máma ki kawei ma hap ma a yorom ma a yomï Tarsis soze lor ra a yod’ï Ufas-sa mi. Ni sun nda sama d’alâ mi lata, ni sunda hi ma yor lora mi. A nga tchuk filei máma baru d’a hleu d’a sisila ki d’a hleu d’a kekenga atamu. Azi pet ni sunda hi sama d’alîd’a.

Jeremi 50:38

Ar krena mi ve yam mbiyo mazina, mi sid’am mbeyo, kayam Babilon nambas sa tuwal fileina. A mbut lilid’a abo filei mazina.

Daniel 3:1

Amulâ Nebukanezar mi he vuna ala a yor filei ma lora, fiyagam mba akulod’a metred’a dok hindi, bubuwam metred’a hindi. Mi tinim kä kur yima papana ma Dur-râ kur andaga d’a Babilon-nda.

Wana ni mbaktumba hi Oze-d’a 13:2

Ki tchetchemba, a nga le tchod’a, a nga i avogovogo, a nga yor angus ahlena ki kawei ma hapma, a nga yor fileina ki lem mazid’a pet. Ni sun nda sama d’alâ mi lat kabomba. A nga de kat ala: Ar suma a nga mba kahle suma ngat buzunina a sop vun gor amuhl ma a yorom máma.

Sunda hi suma a sunuzinid’a 17:29

Le ei nAlona groma ni, ar ei djib’erei ala Alona ni d’igi filei ma lora d’oze ma kawei ma hapma d’oze ma ahina ma sana mi tched’em kur d’al mamina na d’i.