Isai 46:5 - Bible azumeina

⁵ Agi ngan ni ki nge ba, ami mba ndjagami tu ge? Agi ndjagan ni ki nge ba, ami mba ndjagami abo tami tu ge?

Isai 46:5 Iomraidhean Croise

Sawal la giled’a 113:5

Ni nge ba, mi hle tam d’igi Ma didina Alo meina na ge? Yam ma kaka mi sä nakulo.

Sawal la giled’a 86:8

Salad’a, alo ma ding ma d’igi ang na na nga d’i, sun manga a nga ngat ki ndrat ti.

Sawal la giled’a 89:6

Ma didina, ar ahle suma ang lazi sä kur akulod’ina a gileng yam sun nda atchap pa ang lata, ar mang suma akulona a gileng d’engzeng manga kur tok mazid’a mi.

Sawal la giled’a 89:8

Angî ma ngol ma kal tegles ma de d’alâ aduk toka hi malaikanid’a, angî ma kal papana aduk suma akulo suma a nguyungâ.

Buzuk ka Abud’a 15:11

Ma didina, ni nge ba, aduk alo ma tetengâ d’igi ang na ge? Ni nge ba, ma kal papa ma yed’et ma kal tegles ma ndak á hud’a ma lahle suma ndandalâ d’igi ang na na ni nge ge?

Isai 40:18

Agi min á ngagi Alona ni ki me ge? Angus vama tchet ma vragam blangâma ni me ge?

Isai 40:25

Ma bei tchod’a ba na mi dala: Agi ngan ndi ni ki nge ge? An hle tan ni ki nge ge?

Jeremi 10:16

Wani ma ala ni ndjondjoîd’a hi Jakob-pa na, mi nga na d’i. Mam mi ma ad’engêm kal petna, Israel-lâ ni sum mama mi. Simiyêm ala Ma didin ma ad’engêm kal petna.

Filip-ma 2:6

Mam ma dedege d’igi Alona na na, wani mi gol tam mba dedege d’igi Alona na d’a, ni vama ved’a ndinding ngi.

Kolos-sâ 1:15

Christ ma ei wum mi hle tam dedege d’igi Alo ma bei wum ki ira na na, mam mi Gor ma a vud’um avo’â, ni ma avok ahlena pet suma Alona mi lazina.

Hebre-na 1:3

Mam mi Ma tak b’o d’a subura hAlonid’a woina, ni Ma dedege d’igi Alona na na, ni Ma nga mi gang ahlena akulo ki zla d’a de d’a ad’eng nga avunambina. Ata yima mi mbus tchod’a hi suma woi mbusâ, mi i kak sä akulo ata bik ka ndjufa hAlo ma ad’eng ma kal papana.

Vama ndum mbeina 13:4

Suma duniyad’a pet a nde kud’or dragon máma kayam mam had’eng mamba mambur máma, a kud’or ambur máma mi. A dala: Ni nge mi hle tam d’igi ambur máma na ge? Ni nge ndak á dur ayîna ki sed’em ge?