Isai 46:4 - Bible azumeina

⁴ Gak agi mbud’ugi momorogeid’a an nga ni na. An mba ni ndjunugi gak yagi d’i ndeî abusa, an mba ni zigiya, an mba ni hulong zigi kua, an mba ni ndjunugiya, an mba ni sud’ugi mi.

Isai 46:4 Iomraidhean Croise

Sawal la giled’a 48:14

Agi gologi gulumun mama, agi gologizi ad’eng mamba djiviya. Hina wani, agi mba dagizi zlam mbei mi suma kur atchogoi d’a nga d’i mba bugola, ala:

Sawal la giled’a 68:19

Ma didina Alo mamina, ang djak akulo, ang yo suma magomba, ang ve he d’a hawad’a abo suma, suma so vuna pî, ang ve he d’a hawad’a abozi mi, kayam ang fe yima kaka kur Siyon.

Sawal la giled’a 71:18

Alo mana, an djeng wa mamara, yan deî wa abusa, ang aran dei d’i tala an tak ad’eng manga mi suma kur atchogoi d’a wanda, an tak sib’ik manga mi suma kur atchogoi d’a nga d’i mbad’a mi d’a.

Sawal la giled’a 71:9

Ki tchetchemba, an djeng wa mamara da’, ar ang noyôn ndei d’i, ata yima ad’engên nga d’uo na, ang aran ndei d’uo mi.

Sawal la giled’a 92:14

Azi ni d’igi agu ma nga ped’a kur gonga hi Ma didina Alo meinid’a na, a nga d’uf kur gulumun mama mi.

Isai 41:4

Ni nge ba, mi ndak vun ahle ndazina ge? Ni Ma mi yi andjaf suma kad’u tinda deina. Ni an Ma didin ma lahle ndazina avok deina, ni an ba, mba ni lahle suma kur atchogoi d’a danandina mi.

Isai 43:13

An ni ma nga avok dedeina; sama prut va abon nga d’i. An mba ni le va. Ni nge ba, mba mi d’elen nge?

Isai 43:25

Ni an ba, nga ni has tcho magid’a woi yam o man nda kagid’a, an mba ni djib’er yam tcho magid’a bugol luo d’a.

Isai 48:12

Ma didina mi de kua ala: Agi Israel suma hi Jakob suma an yagina, agi humugiya. An tu ni Ma avo’â, an ni Ma danana mi.

Malatchi 2:16

Ma didina Alona hi Israel-lîna mi dala: An min nga dika hatchad’id’a d’i, an min nga sama mi mbut tam tchod’a kasa’at ta led’ina d’i. Wani agi gologi tagi djiviya! Ar agi mbud’ugi ir amiyôgina d’i. An Ma didin ma ad’engên kal petna ni de na.

Malatchi 3:6

Ma didin ma ad’engêm kal petna mi dala: An ni Ma didina, an nga ni mbut ti, agi Jakob groma, agi dabagi nga woi d’uo mi.

Romê-na 11:29

Kayam Alona nga mi mbut djib’er mamba kä yam suma mi b’e vunam kazi suma mi yazina d’i.

Gat ta a hat á mbàd’id’a 1:31

Agi tagi wagiya, abagei hur fulâ mi zigi d’igi sana mi zi goroma na, kur tit magi d’a fiyaka gak mi mbagi ata yima ka hina.

Hebre-na 1:12

Ang mba d’ud’uzi d’igi baru d’a ngola na, ang mba mbud’uzi d’igi barud’a na. Wani ang nga mbut ti, bizang mba d’i dap puo mi.

Hebre-na 13:8

Jesus Christ ni ma bei mbuta ba na, ni ma kama, ini gak didina mi.

Jacques 1:17

He d’a hawa d’a djivid’a ki he d’a hawa d’a ndak memeta pet a tcholï nakulo abo Alo ma le b’od’ina, ni ma bei mbuta ba ma anguzam nga d’i pret tuo mi na.