Isai 46:11 - Bible azumeina

¹¹ An nga ni yï alei ma vik ahlena abo ma yorogona, an nga ni yï sama yam andaga d’a deid’ina á ndak vun nga hur mana. Vama an duma, an nga ni lumu; vama an ngam kuruna, an nga ni ndagam vunam mi.

Isai 46:11 Iomraidhean Croise

Esdras 1:2

Wana ni zla d’a an Sirus amul ma Perse-na ni data: Ma didina Alo ma akulona mi han leu d’a yam andagad’id’a pet, mi han vuna á minim gong nga kud’ora avo Jerusalem mba Juda-d’a mi.

Wana ni mbaktumba hi Job-pa 23:13

Vama mam dala: Le ni hina na, ni nge ba, mi ndak á d’elem ge? Vama mam hurum vum á luma, mi nga mi lumu.

Sawal la giled’a 119:24

Vun mang ma hed’a ni furî manda; ni mam ba, mi dan d’alâ.

Isai 10:12

Wani fata Salad’a mi ndak vun sun mamba pet yam ahina d’a Siyon-nda ki d’a Jerusalem-mbid’a, mba mi ngop amul ma Asiri-na yam hur mam ma ngolâ, yam yam mam mba ad’enga mi.

Isai 18:6

Azi ki zla tazi pet a mba arazi woi maluwei suma yam ahuniyô suma a te hliunina, mamburei suma yam andagad’ina mi. Aluwei suma te hliuna a mba tchawalid’a ki hliwiziya, amburei suma yam andagad’ina pet a mba tchi vun simetna ki sed’ezi mi.

Isai 22:25

Ma didin ma ad’engêm kal petna mi dala: Kur bur máma ponde ma b’alam kä máma, mam mba mi pad’am mbeyo, mba mi gum kä woi andaga, anek ka kamba mam mba mi hlat teyo. Wana ni zla d’a Ma didina mi data.

Isai 25:1

Ma didina, angî Alo mana, an nga ni gilengû, an nga ni suburung simiyêngû, kayam ang lahle suma atchapma. Nga hur mang ma ang ngam dedeina, ang ndagam wa memet!

Isai 37:26

Ang Sanakerip, ang we djiviya! Ni an Ma didina ba, ni min ahle ndazina dedei. An nga hurun á lahle ndazina navok dedei. Ki tchetchemba, an nga ni lazi wana. Ni an ba ni hang lovota á to azì ma nglo ma ad’eng ma ngunguna kä woyo.

Isai 38:15

An de nana dei ge? Ni mam ba, mi lahle ndazina. An mba ni tit ni yan ged’a kä hina gak ni dap biza manda abo hurun ma mi b’la’â.

Isai 41:2

Ni nge ba, mi tcholï ki ma abo ma yorogo ma ayî ma kusa nga mi tit blogoma ge? Ni nge ba, mi hum andjaf suma, mi hulongôm yam amuleina kä avorom ge? Mbigeu mam mba fiyaka ti mbud’uzi d’igi andaga d’a gugud’upa na, yeû mamba ti mbud’uzi d’igi kuza d’a simetna nga mi felet teid’a na.

Isai 41:25

An tcholï ki sana abo ma norâ, nga mi djï abo ma yorogona. Nga mi yan simiyênu, nga mi miret suma te yamba kä kasem d’igi sana mi miret lubuna kä na, d’igi ma min deina mi mbuk lubu ma ab’lorina na mi.

Isai 44:28

An nga ni de yam amulâ Sirus ala: Mam mi man ma pola, mba mi ndak vun nga hur mana pet, mba mi de yam Jerusalem ala: A mba hulong a minit akulo, mba mi de yam gong man nda kud’ora ala: A hulong a gat ad’ud’u.

Isai 45:13

Ma didin ma ad’engêm kal petna mi dala: Ni an ba ni tchol Sirus akulo yam d’ingêr manda, an mba ni blas lovot mamba kä avoromu. Mam mba mi minin azì man ma ngolâ akulo, mba mi tchuk man suma dangeina akulo bei wuraka bei ve he d’a hawad’a ba mi.

Isai 56:9

Agi amburei suma abageina kamburei suma aduk agud’ina pet, agi mbeyegï á tagi tena.

Jeremi 44:28

Suma a mba sut avun ayînina a ni hina ngiyeû, a mba tchol kur ambas sa Ezipte-d’a á hulong yam ambas sa Juda-d’a. Wani suma Juda suma a arâ pet suma a mba ka hî Ezipte á kak kuana, a mba we zla d’a mba d’i ndaka ni manda d’oze ni mazid’a zu?

Jeremi 50:29

Agi yagï suma yeû suma a we yet yeûd’ina pet yam Babilon. Ar agi nguyugizi kä d’uhl, ar sa mi sut tu d’i. Agi wuragat yam sun mata, agi lagi d’igi ndat tat ti le hina mi, kayam ti subur tat avok Ma didina, avok Ma tin tam irat vat yam Israel-lîna mi.

Jeremi 50:44

Ma didina mi dala: Gola! An mba ni ndeï d’igi azlona mi ndeï aduk agud’a avun alum ma Jurdê-na á lat suma pola na. Atogo hina zak an mba ni dik suma Babilon-na, an mba ni tin ma an manama kaziya. Ni nge ba, mi hle tam d’igi an na ge? Ni nge ba, mba mi han vuna ge? Ni ma pol ma lara ba, mba mi tchol avoron nge?

Jeremi 50:45

Kayam ndata, agi humugi zla d’a Ma didina mi ngat kurum yam suma Babilon-nid’a, agi humugi nga hur ma mi ngam kurum yam suma a nga kaka kur ambasa hi suma Babilon-nid’a. Gagazi, a mba tanazi d’igi suma a tan d’uwar ma gureina na. Gagazi, a mba b’lagazi yazi ma kaka woi mi.

Ezekiyel 39:4

Ang ki azigar mangâ pet kandjaf suma pet suma a nga zlapa ki sed’engâ, agi mba pugugi kä yam ahuniyô suma Israel-lâ. An mba ni mbud’ugi ni tena handjaf aluweinina teteng ki ma hambureinina mi.

Ndumba 23:19

Alona mi nga ni sana á ka zlad’a d’i, mi nga ni sana á mbut djib’er mamba kä d’uo mi. Vama mi duma, mba mi lum mbuo zu? Vama mi de kama, mba mi ndagam vunam mbuo zu?

Sunda hi suma a sunuzinid’a 4:28

A lahlena pet suma ang gazi kur ad’eng manga ki min manga avok dei á led’ina.

Sunda hi suma a sunuzinid’a 5:39

Wani le d’i tcholï nata Alona gagazi ni, agi ndak á b’lagat tei d’i. Ar á gologi d’igi suma dur ayîna kAlonina na d’i.

Efes-sâ 1:11

Kayam ndata, mi zlabei tu ki Christ, mi mbud’i sum mama, mi manei avok dei yam nga hur mama, mi lahlena pet d’igi mam nga hurum avok dei á led’a na mi.

Efes-sâ 3:11

Alona mi le hina kayam nga hur mam ma avok deina mi ndak memet yam Saleina Jesus Christ.

Vama ndum mbeina 16:12

Malaika ma karagayana, mi vo mama kur alum ma Efrat-na. Alum máma mi so woi á min lovota avok amulei suma a tcholï abo ma yorogonina.