Isai 45:9 - Bible azumeina

⁹ Ni zla d’a hohoud’a yam vama nga mi tchi tuguyod’a ki sama minima. Dei ma aduk dei ma andagad’a ma mba mi de mi sama minima ala: Ang le ni me na ge na nga zu? D’oze vama sana mi luma mba mi de mi sama mi luma ala: Na ni abong mi nga ko zi ge zu?

Isai 45:9 Iomraidhean Croise

Wana ni mbaktumba hi Job-pa 10:9

Ang djib’era, ni ang ba lan d’igi vama lum ki lubu ma ab’lorinina na. Ki tchetchemba, ang min hulongôn kä aduk andaga d’a gugud’upa zu?

Wana ni mbaktumba hi Job-pa 33:13

Ni kayam me ba, ang min tchi tuguyod’a ki sed’em ge? Kayam sana mi ndak á hulong zla d’a ded’a yam zla mamba pet ti.

Wana ni mbaktumba hi Job-pa 40:2

Ang djin d’i’â furungû, ang kak mandjufâ. An nga ni djobongû, ar ang van ad’ud’a!

Wana ni mbaktumba hi Job-pa 9:12

Ni nge ba, mba mi hulong ve vama mam hluma ge? Ni nge ba, mi dum ala: Ang le na ni me ge ge?

Wana ni mbaktumba hi Job-pa 9:4

Ned’a ni mamba, ad’eng nga kal teglesa ni mamba mi. Ni nge ba, mi d’elem bei mi ngobom ge?

Zla d’a d’ogolâ 21:30

Ned’a d’oze wad’ud’a d’oze d’alâ ma kak djangûna ki minda hi Ma didinid’ina nga d’i.

Ma tchi wala 6:10

Vama nga na, a yumï ki simiyêm adjeu dei, a wala ni sana; mi ndak á tchi tuguyod’a ki sama mi kalam kad’engina d’i.

Isai 10:15

Na ni andjetna mi subur tam yam sama nga mi le sunda ki sed’ema zu? D’oze sïna mi le yam mba ad’enga ki sama mi ngat aguna ki sed’ema zu? Le ni na ni, ni d’igi totogod’a ti giget sama nga mi hlat akulona na, ni d’igi tatagama nga mi hle sama ala naguna d’uo na akulo na mi!

Isai 29:16

Agi vid’igi ni vid’a me tchotchod’a na ge? Na ni a mba ndjak sama min deina ki lubuna tu zu? D’oze vama sana mi luma mi de yam salam ma luma ala mi lan nga d’uo zu? D’oze deina mi de yam salam ma minima ala mi ni ma bei wed’a d’a zu?

Isai 45:10

Ni zla d’a hohoud’a yam sama mi de mabum ala: Ni kayam me ba, ang vud’un nge na. Ni zla d’a hohoud’a yam sama mi de masum ala: Ni kayam me ba, ndak vud’un nge na mi.

Isai 64:7

Wani Ma didina, angî Abumiya. Ami ni lubu ma ab’lorina, angî ma minimina, ami pet ni sun nda ang lat kabonga.

Isai 64:8

Ma didina, ar hurung zal kal lei kang ngi, ar ang djib’er yam tcho mamid’a teteu d’uo mi. Ar ang wami ala ami pet ni sum mangâ.

Jeremi 18:6

Agi Israel-lâ, an ndak á le ki sed’egi d’igi sama min dei máma na d’uo zu? Gola! D’igi lubuna mi nga hur abo sama min deina na, agi Israel-lâ agi nga hur abon an ni na mi.

Jeremi 36:29

Bugola, ang de zlad’a mi Jojakim amul ma Juda-na ala: Ni ang ba, ngal mbaktum mba d’ut ndata woyo, ang dala: Ni kayam me ba, ang b’ir zla ndata ala: Amul ma Babilon-na mba mi mba gagazi, mba mi b’lak ambas sa wanda woyo, mba mi ndjoî suma woi ki d’uwarâ ge?

Jeremi 50:24

Ang azì ma Babilon-na, an gun wa dauna kä kangû, mba mi vang bei ang we ba. Ata yima a fangâ, a mba vangû, kayamba ang dur ki an Ma didinid’a.

Daniel 4:35

Suma a nga kaka yam andagad’ina pet mi golozi ni d’igi vama hawana na. Nga mi le kahle suma akulona kahle suma yam andagad’ina d’igi hurum min na. Sama d’elem á le va nga d’i, sama mi ndak á djobom ala: Ang le ni me na ge na nga d’uo mi.

1 Korente-na 10:22

Na ni ei min djiwi Salad’a á le yungôra kei zu? Agi djib’eregi ala ei kalam kad’enga zu?