Isai 45:2 - Bible azumeina

² An mba ni tit avorongû, an mba ni blas yima djodjohlâ kä woi avorongû, an mba ni kus vun agrek ma a lum ki kawei ma hleunina woyo, an mba ni kus vun agrek ma a lum ki kawei ma wuranina woi ndjondjom mi.

Isai 45:2 Iomraidhean Croise

Sawal la giled’a 107:16

Mi kus vun agrek ma kawei ma hleuna woyo, mi kus vun gong nga nga duka ki kawei ma ad’engîd’a woi mi.

Isai 13:2

Ma didina mi dala: Agi hlagi drapo d’a taka akulo yam ahina d’a va nga kat tuo d’a, agi eregi ad’ugi akulo kad’u, agi lagi abogi ala ar a kal avun agre’â hi suma nglonina!

Isai 14:31

Ang vun agre’â, ang tchi tchi ma hohoud’a, ang azì ma ngolâ, ang tchi wulula. Agi suma Filistê-na zla tagi pet, agi mbud’ugi heheb’ek, kayam andosâ nga mi djï abo ma norâ, aduk mazi djangûna, sama d’es sei ata yam ma tcholina nga d’i.

Isai 24:12

B’laka ti ar kur azì ma ngolâ ni ndad’u, vun azì ma a kuzum mbeina mi b’lak kei mi.

Isai 40:4

Ar a min hora akulo min nda dinga, ar a blas ahuniyô suma nglona ki yima ndingâ kä woyo, ar a mbut yima djodjohlâ papana, ar a mbut yima mbed’etna bubud’a d’igi hora na.

Isai 42:16

An mba ni tit ki suma duka kur lovot ta azi wat nga d’uo d’a, an mba ni tinizi kur lovot ta gurei d’a azi wat nga yazi tu d’uo d’a, an mba ni mbut nduvunda b’od’a avoroziya, yima djodjohlâ an mba ni mbud’um yima abo tam tuna mi. An mba ni ndak vun ahle ndazina, an mba ni arazi bei led’a d’i.

Isai 45:13

Ma didin ma ad’engêm kal petna mi dala: Ni an ba ni tchol Sirus akulo yam d’ingêr manda, an mba ni blas lovot mamba kä avoromu. Mam mba mi minin azì man ma ngolâ akulo, mba mi tchuk man suma dangeina akulo bei wuraka bei ve he d’a hawad’a ba mi.

Isai 48:15

Anu, an de wa. An yumu, an mbamu; sun mamba mba d’i labom djivid’a.

Jeremi 28:13

Ang i de mi Hananiya ala: Ma didina mi dala: Ang kus wa djuk ma aguna woyo, wani ang vrak ma kaweina balumu.

Jeremi 51:30

Suma dur suma Babilon-na a ar bei dur ayîna, a ar kaka kur azì ma ad’eng ma ngunguna. Mazi suma gangrangâ a mbut amangeîd’a, a mbut ni d’igi aropma na. Suma djangûna a nga dozi aziyazi akud’a, a kus kawei mam ma murgulina woi mi.

Jeremi 51:58

Ma didin ma ad’engêm kal petna mi de kua ala: Gulumun ma ngol ma Babilon ma bubud’a a mba hôm kä woi ki zla tam pet. Vun agrek mat ma fuyogeina a mba ngalam mbei kakud’a. Suma a tchi tazi á le sunda ni hawa na, andjaf suma a kau tazi ni makud’a mi.

Daniel 5:28

PERES ad’ut nala Wala: Leu manga a walat kä mbà á he abo tu mi suma Mede-na, abo tu mi suma Perse-na mi.

Daniel 8:4

An we gamlâ máma nga mi dap abo ma fladegena, abo ma norâ kabo ma sutna kadivimu. Vama ndak á tchol avoroma nga d’i, sama ndak á prut va abom nga d’uo mi. Mi le ni vama hurum minima, nga mi i avogovok mi.

Nahum 3:13

Azigar mangâ a mbut ni d’igi aropma na kurungû. Vun agre’â hambas mangina mi mal lei hotot mi mang suma djangûna, akud’a ti ngal wa kawei ma murguli ma avun agrek mangîna woyo.

Wana ni Zla d’a Djivi d’a Luc mi b’irita 3:5

Hora pet mba d’i tos seyo. Ar a blas ahuniyô suma nglona ki yima ndingâ kä woyo. Vama gunda mba mi d’oba, yima ndjondjohlâ a mbud’um papana mi.

Sunda hi suma a sunuzinid’a 1:15

Kur bur máma Pierre mi tchol akulo aduk b’oziyom suma a nga tokina, a ni d’igi kis yam dok mbà na, mi dazi ala: