Isai 45:19 - Bible azumeina

¹⁹ An de nga zlad’a kur yima ngeid’a d’oze kur yima nduvunda d’i, an de nga mandjafâ hi Jakob-ma ala a halan hawa yagu d’i. An Ma didina ni de ni zla d’a d’ingêra, ni de ni zla d’a irata mi.

Isai 45:19 Iomraidhean Croise

1 Sunda Hamuleinid’a 28:8

Ki tchetchemba, avok Israel-lâ, avok ablaud’a hi Ma didinid’a, avok Alo mei ma tin humam yam zla magid’ina, agi tid’igi yam vun ma he mama pet, agi ngomogizi kurugi mi, kayam agi kagagi yam ambas sa djivi ndata, kayam agi arat djona mi grogi suma blogogina gak didin mi.

2 Sunda Hamuleinid’a 15:2

Mi nde mi i fe Asa, mi dum ala: Amulâ Asa, agi ki suma Juda-na ki suma Benjamin-na pet, agi humugiya! Ata yima agi nga ki Ma didinina, mam nga ki sed’egiya. Le agi halamu ni, agi mba fumu. Le agi aram mbeyo ni, mam mba mi aragi woi mi.

2 Sunda Hamuleinid’a 7:14

le man suma a nga yan simiyêna a hulong wa yazi kä, a tchenenu, a hal á wan iranu, le a ar tcho mazid’a woyo ni, an mba ni humuzï akulo, an mba ni vat hurun ndei yam tcho mazid’a, an mba ni mbut ambas mazid’a djivid’a.

Esdras 8:22

Ni vama zulona iran á de mamulâ tala mi hami azigarâ ki suma djang akulumeina á ngomomi kur tita abo suma djangûna d’a, kayam ami dami mamulâ ala: Alo mamina iram nga tinda kamiya, yam suma pet suma a nga halama. Wani ad’eng mamba kayî mama a nga yam suma a nga noyôm mbeina.

Sawal la giled’a 12:6

Ma didina mi dala: Ki tchetchemba, an nga ni tchol akulo á sut suma suma a nga golozi isâ, kayam a nga las suma hohoud’a, suma houd’a a nga zam tazi mi.

Sawal la giled’a 24:6

Wana nandjaf suma a nga halama, ni suma a nga hal á we ir Alona hi Jakob-mina. Tchol ndjö

Sawal la giled’a 69:13

Suma a nga kaka kä avun azina a nga de zlad’a kanu, suma a gurut ki sümina a nga hle sawala ki sed’en mi.

Sawal la giled’a 69:32

Ma didina, wana ni vama lang tang djivid’a kal amuhlâ, kal amuhl ma digili ma ad’eng ma an hangzina.

Sawal la giled’a 78:34

Ata yima Alona mi tchi suma dingâ adigazi woina, suma a arâ a hulongî gevemu, a hulong a mba gevem á halam ki hur ma tuna.

Sawal la giled’a 9:10

Ma didina, angî yima ngeid’a hi suma suma a nga lazazina; ata yima ndaka nga na, angî yima ngeid’a hi sumina.

Zla d’a d’ogolâ 1:21

nga d’i yi suma avun grak lovot ta suma a nga le vuna kua gandjaud’a, nga d’i tchi wal mata avun azì ma ngolâ ala:

Zla d’a d’ogolâ 15:8

Vama ngat buzuna hi suma asa’atnina ni vama ndjendjed’a ir Ma didina, wani tam nga d’i lum djivid’a yam tchenda hi suma d’ingêrîd’a.

Zla d’a d’ogolâ 30:5

Zlad’a hAlonid’a pet ni zla d’a ndak memeta. Mam mi mbareid’a hi suma a ngei tazi atama.

Zla d’a d’ogolâ 8:6

Agi humugiya, kayam an nga ki zla d’a ndaka á dagiya, an nga ni mal vunan á hat zla d’a d’ingêra.

Isai 1:15

Ata yima agi yogi abogi akulo á tchendina, an nga ni mbut iran ndeyo. Agi nga dugud’ogi tchenda wan pî, an nga ni humugi d’i, kayam abogi mi nga tib’ak ki buzuna.

Isai 43:12

Ni an ba ni de woyo; ni an ba ni sut suma; ni an ba ni tak ahle suma a mba lena mi. Nga nalo ma ding ma adigagina d’i. Agi tagid’a ni glangâs mana. Kayam ndata, an Ma didina ni dala: Ni an ba nAlona!

Isai 44:8

Ar agi lagi mandar ri, ar agi zlagagi d’uo mi. An dagi yam ahle ndazina avok kuo zu? An dagizi woi avok mi d’uo zu? Agi ni glangâs mana. Alo ma ding nga woi keng vam zu? Ahina d’a ngom ta d’a ding nga d’i, an wat nga d’uo mi.

Isai 45:23

An nga ni gun tan ki an tanda. Zla d’a ndavunda ni zla d’a irata. An mba djok vunan ndi. Suma pet a mba tchuk guguvazi kä avoronu, suma pet a mba gun tazi ki simiyên mi.

Isai 45:25

Wani andjaf Israel-lâ pet a mba mbut suma bei zlad’a kazina ni yam anu, a mba subur tazi mi.

Isai 48:16

Agi hud’ugï gevenu, agi humugiya. Kad’u tinda dei an de nga zla d’a ngei gumun ndi. Kad’u tinda hahle ndazinid’a dei, an nga. Ki tchetchemba, Salad’a Ma didina mi sununï zlapa ki Muzuk mama.

Isai 63:1

Ni nge ba, mi tcholï Edom kur azì ma ngol ma Bosra-na ki baru d’a hleud’a ki baru d’a wiled’a atam nga mi tit ki subur tad’a kad’engêm pet na ge? Ni an Ma didin ma nga ni de zla d’a gagazid’ina, ni an ma nga kad’enga á sut sumina.

Isai 65:9

An mba ni buzugï kandjafâ aduk suma hi Jakob-ma, an mba ni buzugï kandjafâ aduk suma hi Juda-na á tahuniyô mana djona. Suma an manazina a mba tambasa djona, azungeî mana a mba kak kat mi.

Isai 8:19

Suma hiuna a nga dala: Agi tchenegi suma a nga djop ki suma azuleinina ki suma a nga de zlad’a yam vama nga mi mbana suma a nga kud’us tazi d’oze a de zlad’a kä kuruzi krovona. A de kua ala: Suma a ndak á djop alo mazina d’oze á djop suma azuleina yam suma a nga ki irazina d’uo zu? Le a dagi hina ni,

Jeremi 2:31

(Agi suma kur atchogoi d’a tchetchem wandina, agi djib’eregi yam zla d’a Ma didina mi data.) Agi Israel-lâ, an mbut ni hur fulâ d’oze ambas sa nduvun nda i’îlika kagi zu? Agi sum mana, ni kayam me ba, agi nga dagi ala: A tchugumi wa akulo da’, ami dok hulongômi geveng nguo ge?

Amos 5:4

Ma didina mi de mi Israel-lâ ala: Agi halan-ngïya, va mba mi lagi d’i.

Jean 18:20

Jesus mi hulong dum ala: An nga ni de zlad’a woi mi suma duniyad’a mbambak, an nga ni hat teteu kur gongîyo magi suma toka, kur gong nga kud’ora hAlonid’a mi, ata yima Juif-fâ a nga toka kuana, an de nga zla d’a ngeid’a d’uo mi.

Jean 7:26

Gola! Nga mi de zlad’a woi mbambak, wani azi nga dum va tu d’i. Na ni mei suma te yamba a we gagazi ala mam mi Mesi-yu zu?

Jean 7:28

Ata yi máma, Jesus nga mi hat suma kur gong nga kud’ora hAlonid’a, mi de ki delem akulo ala: Agi wan gagazi, agi wagi yima an tcholï kuana gagazi mi! Wani an mba ni yam tan ndi. Mam ma sununïna ni Ma gagazina, wani agi wum nga d’i.

Gat ta a hat á mbàd’id’a 29:29

Ahle suma nga ngeid’a gumuna, ni Ma didina Alo meina ba, mi waziya; ahle suma a tageizi woi pid’a’â ni mi ei ki gureina, ni suma ei nga weizi burâ ki burîna. Kayam ndata, ei ngomei vun ma he ma kur gat ta wandina pet, ei tid’i kam mi.

Gat ta a hat á mbàd’id’a 32:4

Ma didina nahina d’a ndjunid’a. Sun mam mba led’a ndak memet, nga hur mama pet ni ma iratna, ni ma d’engzengâ burâ ki burâ, ni Ma bei tchod’a ba na, ni ma d’ingêrâ, ni ma gagazina mi.

Jacques 4:3

Agi nga tchenegiya, agi nga fagi va d’i, kayam agi nga tchenegi ki tchen nda irata d’i, kayam agi minim ná ndak vun minda hi hliwigid’a.