Isai 45:17 - Bible azumeina

¹⁷ Wani agi Israel-lâ, ni yam Ma didina ba, agi fagi suta, ni sut ta didinda. Agi mba mbud’ugi zulona d’i, agi mba tchugugi susub’ok kuo mi gak didin.

Isai 45:17 Iomraidhean Croise

Sawal la giled’a 103:17

Wani od’a hi Ma didinid’a ti nga ni yam suma a nga ringîm mandarama hina gak didin; d’ingêr mamba ti nga yam grozina ki grozi ngolona,

Sawal la giled’a 25:3

Suma a tin huruzi kangâ pet a mba mbut zulona d’i; suma a mba mbut zulonina ni suma a le suma tchod’a bei zlat ba na.

Isai 12:2

Wana nAlo ma sud’una. An mba ni tin hurun kamu, an mba ni le mandara va tu d’i, kayam Ma didina, mam mad’eng manda, ni ma an gilema, mam mi ma sud’una mi.

Isai 26:4

Agi dengêgi tagi ata Ma didina teteu, kayam mam mi ahinad’a hatchogoi d’a lara ge pet.

Isai 29:22

Kayam ndata, Ma didina Alona hi suma hi Jakob-ma ma mi sut Abraham mbeina mi dala: Ki tchetchemba, suma hi Jakob-ma zulona mba mi lazi d’i, tazi mba d’i tchuk susub’ok kuo mi.

Isai 33:6

Wani agi suma hi Ma didinina, agi mba kagagi bei va mi lagi ba. Ned’a ki wed’a ni ndjondjoî d’a sud’ugid’a, le mandara Ma didina ni ndjondjoî magid’a mi.

Isai 45:25

Wani andjaf Israel-lâ pet a mba mbut suma bei zlad’a kazina ni yam anu, a mba subur tazi mi.

Isai 49:23

Amuleina a mba mbut nabuyok suma a wulu’â, amulei suma aropma a mba mbut nasuyok suma a wulu’â, a mba grif kä avorok ki irazi andaga, a mba trâk gugum ma huyok ase’â woyo. Ndak mba d’i wala an ni Ma didina. Suma a tin huruzi kana a mba mbut zulona d’i.

Isai 50:7

Salad’a Ma didina mi ndjunun wa. Kayam ndata, an mang nga woi d’i, an so iran ndei ngrazang, kayam an wala an mba ni mbut zulona d’i.

Isai 51:6

Agi hlagi iragi akulo. Bugola, agi gologi iragi kä yam andagad’a. Kayam akulod’a mba d’i val lei d’igi andosâ mi val lei na, andagad’a mba d’i wak kei d’igi baru ma tumusa na, suma a nga kaka katna a mba bo woi d’igi arona mi bo woi na, wani sut manda mba d’i kak didin, d’ingêr manda mba d’i dap pei d’uo mi.

Isai 51:8

Ndjuvulâ mba mi tazi hliwizi d’igi mi te baruna na, mba mi tazi hliwizi d’igi mi te tumus tumiyôna na mi, wani d’ingêr manda mba d’i kak didin, sut manda mba d’i i avogovok kur atchogoid’a katchogoid’a.

Isai 54:4

Ndak le mandar ri, kayam ndak mba d’i mbut zulona d’i; ndak tchuk susub’ok ki, kayam sa mba mi mangâk kei d’i. Wani ndak mba d’i mar rei yam zulo mak ma lak ki gogoro’â, ndak mba d’i djib’er yam zulo mak ma kur modono makina d’uo mi.

Isai 54:8

Ma didin ma mi wurak ka’â mi dala: Kur hur ma zala, an ngei tan ndei irak ndjö. Wani yam o man nda bei dabid’a an mba ni wak hohowogu.

Isai 60:19

Nafata ba, mba d’i b’o kak falei d’i; ni tilâ ba, mba mi b’o kak kuo mi. Ni Ma didina ba, mba mi b’o kak burâ ki burâ, Alo ma’â mba mi mbut ni subur maka.

Jeremi 31:3

Ma didina mi tagan tam adjeu dei mi dan ala: An le ka’î ki o d’a bei dabid’a. Kayam ndata, an nga ni tagak we hohou manda.

Jeremi 33:16

Kur bur máma mba mi sut suma Juda-na. Suma Jerusalem-ma a mba kak ki halasa, a mba yi Jerusalem ala Ma didina ni d’ingêr meid’a.

Wana ni mbaktumba hi Oze-d’a 1:7

Wani an mba ni we hohowa suma Juda-na. An Ma didina Alo mazina, an mba ni sud’uziya, wani nga ni ki yeûd’a d’oze mbigeu d’a fiyaka d’oze ki durâ d’oze kakulumeina d’oze ki suma djang akulumeina d’uo mi.

Jonas 2:9

Suma a nga kud’or filei ma hawa ya’îna, a wal lei dei ki ang ma ndak á sud’uzina.

Sofoni 3:11

Kur bur máma zulona mba mi lagi yam sun nda pet ta agi lata ki sun nda tcho d’a agi lat avoronda d’uo d’a. Ata yi máma an mba ni walagi woi kahle suma a zud’ugi á subur tad’ina, agi mba suburugi tagi yam ahina man nda a tinit irat vata d’uo d’a.

Jean 10:28

An hazi ari d’a didinda, azi mba bo d’i, sama mba mi prud’uzi woi abona nga d’i.

Jean 5:24

Gagazi, an nga ni dagiya, sama le mi hum zla manda, le mi he gagazid’a yam Ma sununïna ni, mi nga kari d’a didinda. Sariyad’a mba d’i vum mbi, wani mi nde woi kur matna, mi i kur arid’a.

Jean 6:40

Wana ni minda hAbunda: Sama lara pî ma wan an Goroma mi he gagazid’a kana, mba mi fe ari d’a didinda, an mba ni tcholom akulo aduk suma matna kur bur ma dabid’a mi.

Romê-na 10:11

Kayam mbaktumba hAlonid’a ti dala: Sama lara pî ma hum gagazid’ina, zulona mba mi lum mbi.

Romê-na 11:26

Ni hina ba, andjaf Israel-lâ pet a mba fe suta d’igi mbaktumba hAlonid’a ti de na ala: Ma sut suma mba mi ndeï ni kur Siyon. Mam mba mi pat ahle suma a nga ata yazi d’uo na woi aduk andjafâ hi Jakob-ma.

Romê-na 8:1

Ki tchetchemba, suma a nga zlap tu ki Jesus Christ-sâ, sariya nga kazi d’i.

Romê-na 9:33

d’igi a b’ir kur mbaktumba hAlonid’a na ala: Gola! An nga ni tin ahina d’a dap asema kur Siyon, nahina d’a ti puguzi kä d’a mi. Wani sama he gagazid’a katna, zulona mba mi lum mbi.

2 Tasaloni’â 2:16

Ar Saleina Jesus Christ tamba kAbui Alo ma mi le keina, mi b’lengeî huri b’leng nga didinda yam suma mamba ki tin hur ma djivina,

Hebre-na 5:9

Ata yima mi ndak memetna, mi mbut Sala sut ta didinda yam suma pet suma a nga ge yazi kä ad’uma.

1 Pierre 2:6

Alona mi de woi kur mbaktum mamba ala: An nga ni tin ahina d’a djik gonga kur Siyon; ni vama man ma kal teglesa. Sama he gagazid’a katna, zulona mba mi lum mbi.

1 Jean 4:15

Sama lara pî ma mi de woi ala: Jesus nAlona Goroma na, Alona mi nga kaka kurumu, mam mi nga kaka zlapa tu kAlona mi.