Isai 45:12 - Bible azumeina

¹² Ni an ba ni landagad’a, ni le suma a nga kaka kurutna pet. Ni an ba ni b’eng akulod’a woyo, ni he vuna mahle suma kurutna pet mi.

Isai 45:12 Iomraidhean Croise

Ad’u Tinda 2:1

Ni hina ba, Alona mi dap akulod’a kandagad’a kahle suma kuruzina pet.

Esdras 1:2

Wana ni zla d’a an Sirus amul ma Perse-na ni data: Ma didina Alo ma akulona mi han leu d’a yam andagad’id’a pet, mi han vuna á minim gong nga kud’ora avo Jerusalem mba Juda-d’a mi.

Nehemi 9:6

Ni ang Ma didina tu ba, lakulod’a kahle suma kurutna pet, andagad’a kahle suma kurutna pet, alum ma nglona kahle suma kuruma pet mi. Ahle ndazina pet ang hazi arid’a, ahle suma akulona pet a nga grif kä avorong mi.

Wana ni mbaktumba hi Job-pa 37:18

Ang ndak á gang akulod’a ad’enga d’igi kotrom ma a yorom ki kawei ma hleunina d’igi mam na zu?

Sawal la giled’a 102:25

An dala: Alo mana, ang ma nga kaka kur atchogoi d’a lara ge petna, ang hlan avok burun bei dapa d’i.

Sawal la giled’a 104:2

angî ma tchuk b’od’a atang d’igi sana mi tchuk baruna atam na na, ang gang akulod’a d’igi sana mi gang azid’a akulo na mi.

Isai 37:16

Ma didin ma ad’engêng kal petna, Alona hi Israel-lîna, ang ma nga kaka yam zlam mang nga amula aduk tcherebênina, angî Alo ma tu ma yam leu d’a pet ta yam andagad’id’ina, ang ni Ma lakulod’a kandagad’ina.

Isai 40:12

Ni nge ba, mi nga mbiyo ma ngolâ hur abom ge? Ni nge ba, mi hle ngola hakulod’a akulo hur abom ge? D’oze ni nge ba, mi nga andaga d’a gugud’upa kur vama nga ahlena d’oze mi hlahina d’a nglod’a kahina d’a gureid’a ki kilona mi ge?

Isai 40:22

Ma didina mi ni kaka akulo yam nguid’a handagad’id’a. Suma a nga kaka kurutna a ni gugureid’a d’igi djera na avoromu, mi b’eng akulod’a woi d’igi baru d’a afefeta na, mi b’engêt tei d’igi zlub’u mamba na á minit yi mam ma kaka.

Isai 40:26

Agi hlagi iragi akulo, agi gologiya. Ni nge ba, mi lahle ndazina ge? Ni mam ba, mi lahle ndazina ki zla tazi wan pepet tuo zu? Mi yazi ki simiyêzi gagang, ata ad’eng mam mba ngola ki sib’ik mamba mi. Ma kid’ak siminina nga d’i.

Isai 40:28

Ang wum nga d’i? Ang humum nga zlam mbi? NAlo ma dedeina, ni Ma didin ma mi le andagad’a gak ata vunat ma dabid’ina, mi nga mi kau d’oze mi seî d’uo; wäd’u mamba ni d’a sana mi ndak á feget ad’ut tuo d’a mi.

Isai 42:5

Alo ma didin ma lakulod’a ma b’engêt teina, Ma bine andagad’a woi kahle suma deî katna, Ma mi he muzuka mi suma kurutna, Ma mi he muzuka mi suma a nga tit kurutna, mi dala:

Isai 44:24

Agi Israel-lâ, Ma didin ma wurak kagi ma lagï kur asuyogi deina, mi dala: An ni Sala ahlena pet. Ni an tu ba, ni b’eng akulod’a woyo, ni bine andagad’a woi bei sa mi ndjunun ba mi.

Isai 45:18

Ma didina Alo ma tu gid’engâ ni ma lakulod’a, ni ma landagad’a, mi minit mi sirat tala ti kak hawa d’uo, suma a kak kurud’u na, mi dala: An ni Ma didina, alo ma ding nga woi keng vam mbi, ni an tu.

Isai 48:13

Ni kabon ba, an gäd’u andagad’a, an b’eng akulod’a woi kabon ma ndjufâ. An yaziya; a tok tu, a mbeï avoronu.

Isai 51:13

Ang mar kan an Ma didin ma ni lang ma ni b’eng akulod’a woi ni gäd’u andagad’ina. Burâ pet ang nga zlak ki mandarâ avok ma djop vun suma ata yima mam nga go á b’lagang ngeina. Wani mandar mama mi ar nga ni lara ge?

Jeremi 27:5

An ni ma landagad’a ki suma kazurei suma a nga yam andagad’ina ki sib’ik man nda kal teglesa ki bigan nda nga zid’a kan akulo zid’a, an nga ni handagad’a mi suma tan lan djivid’a kazina.

Jeremi 32:17

Salad’a Ma didina, ang ma lakulod’a kandagad’a ki sib’ik mang nga kal teglesa ki bigang nga zid’a kang akulo zid’a, vama mi hlang abod’ina nga d’i.

Zakari 12:1

Wana ni zla d’a Ma didina mi ngop ki Israel-lîd’a: Ma didin ma b’eng akulod’a ma gäd’u andagad’a ma le muzu’â kur sanina, mi dala:

Gat ta a hat á mbàd’id’a 4:32

Moise mi dazi kua ala: Agi djobogi tagi yam ahle suma a le kur atchogoi d’a kala ata yima Alona mi le sana yam andagad’a dei gak inina. Agi djib’eregi yam ahlena pet suma a le yam andagad’ina, tinï ad’ud’a avun dabid’a handagad’id’a dei gak nde sä woi abo hî. Agi wagi vama ndandal hina mi le woi yam tu, d’oze agi humugi zla vama yoyou ma hina na woi yagi tu zu?

Hebre-na 11:3

Ni yam he gagazid’a ba, ei wei ala Alona mi landagad’a kahle suma sä akulona ni ki zla d’a avunamba. Kayam ndata, ahle suma ei nga wazi ki ireina, Alona mi mbud’uzi kahle suma ei nga wazi ki irei d’uo na.