Isai 44:27 - Bible azumeina

²⁷ An nga ni de mi mbiyo ma galileina ala: Ang so woyo, an nga ni song mbiyong ngeyo.

Isai 44:27 Iomraidhean Croise

Ad’u Tinda 8:1

Wani Alona mi djib’er yam Noe azi kazureina kambureina ki d’uwarâ pet suma a nga ki sed’em kur batod’ina, mi sir simetna yam andagad’a, mbina mi hulong ngara kä.

Sawal la giled’a 74:15

Angî ma nga lau golongeîna ki horina, angî ma nga so alum ma nglo ma bei sod’a ba na woina.

Buzuk ka Abud’a 14:21

Ata yi máma Moise mi hlabom akulo yam alum ma ngolâ. Ma didina mi keng mbina woi ki simet ma ad’eng ma abo ma yorogo ma sir kur andjege ndatina; mi so alum ma ngolâ woyo, mi wal mbina woi aduk mbà.

Isai 42:15

An mba ni b’lak ahuniyô suma nglona ki yima ndingâ woyo, an mba ni so asu ma nguloma woyo, an mba ni mbut aluma andaga d’a sod’a, an mba ni so apod’a woyo.

Isai 43:16

Ma didina mi dala: Ni nge ba, mi ge lovota kä hur alum ma ngolâ adjeu ge? Ni nge ba, mi ge lovot ta gureid’a kä aduk mbiyo ma galileina adjeu ge?

Isai 50:2

An ni mba. Ni kayam me ba, an fe nga sa d’uo ge? An yiya. Ni kayam me ba, sa mi hulongôn nga humba d’uo ge? Na ni abon ni gid’enga á sut sa zu? Na ni ad’engên ndak á prut sa woi d’uo zu? An nga ni ngopa; alum ma ngolâ mi so woyo. An nga ni mbut alum ma gureina d’igi hur fulâ na, kuluf ma kuruma nga mi tchim mbeyo, nga mi bo woi abo vun ma sod’a mi.

Isai 51:15

An ni Ma didina Alo mang ma nga ni hlalum ma ngolâ akulo ma nga ni labil mamina. Simiyên ala Ma didin ma ad’engên kal petna.

Isai 63:12

Mam ma mi tit yam bik ka ndjufa hi Moise-sa ki sib’ik mambina mi nga ni lara ge? Ni mam ma wal mbina woi aduk mbà avorozi tala simiyêm mi yi gak didinu d’a.

Jeremi 50:38

Ar krena mi ve yam mbiyo mazina, mi sid’am mbeyo, kayam Babilon nambas sa tuwal fileina. A mbut lilid’a abo filei mazina.

Jeremi 51:32

A hle wa yima a djak mbina kuana, yi mazi ma ad’eng ma ngunguna a ngalam wa woyo, suma dur ayîna a mbut mandarâ.

Jeremi 51:36

Ni kayam ndata ba, Ma didina mi dala: Gola! An nga ni ndjun kagu, an mba ni sak atchugulugu, an mba ni so alum ma ngol ma Babilon-na woyo, an mba ni so mbiyo mat ma laud’a woi mi.

Zakari 10:11

A mba djak alum ma ndaka, a mba wat abilâ halum ma ngolîna, galilei ma yiyi’â halum ma Nil-lîna pet mba mi so woyo. Subur tad’a hi Asiri-nid’a mba d’i hulong kä, ad’enga hi suma Ezipte-nid’a mba d’i dap peyo.

Vama ndum mbeina 16:12

Malaika ma karagayana, mi vo mama kur alum ma Efrat-na. Alum máma mi so woi á min lovota avok amulei suma a tcholï abo ma yorogonina.