Isai 44:26 - Bible azumeina

²⁶ An nga ni ndak vun zla d’a azungeî mana a data, an nga ni ndak vun zlad’a hi man suma an sunuzi avo’â a data, an nga ni de yam Jerusalem ala: Suma a mba kak kurud’u, an nga ni de yam azì ma nglo ma Juda-na ala: A mba hulong minim akulo, an mba ni hulong min yi mam ma b’lak keina akulo mi.

Isai 44:26 Iomraidhean Croise

2 Amuleina 7:16

Ata yi máma suma Samari-na a i kur kang ma suma Siri-na a aram mbeina, a hurum ahlena d’igi Ma didina mi de na ala: A mba gus afuta kilona dogo yam mbà d’oze awu orsâ kilona dok mbà yam fid’i ir bege d’a hapa tu.

2 Amuleina 7:18

Kayam Elise mi dala: Avin hina dedege wani, a mba gus awu orsâ kilona dok mbà yam fid’i d’oze afuta kilona dogo yam mbà ir bege d’a hapa tu ad’u suk ma Samari-na.

2 Amuleina 7:20

Ahle ndazina mba kam hina mi; ablaud’a ti mired’em kä avun agre’â, mi mid’a.

Esdras 2:70

Suma ngat buzuna hi suma Levi-na, suma hawana, suma hle sawala, suma a ngom vun gongîyonina ki suma Netin-na, a hulong kak kur azì mazi ma simiyêzi a vut kuana. Ni hina ba, Israel-lâ pet a mba kak kur azì mazi ma simiyêzi a vut kuana.

Nehemi 1:3

A hulong dan ala: Suma a tcholza kur magombina a nga kaka kur andaga d’a Juda-d’a, wani a nga ni kur hohoud’a ki zulona. Gulumun ma Jerusalem-ma mi ni hod’ola hina hohotot, vunam mi ngal lei mi.

Nehemi 2:3

An hulong de mamulâ ala: Amulâ, ar va mi lang ngi! An hineî tan nduo ni nana ge? An hum ala azì ma ngol ma asud’a hi simiyênda nga kuana mi b’lak wa woyo, vunam mi ngal lei mi.

Sawal la giled’a 102:17

Fata Ma didina mi min Siyon akulod’a, mba mi tak tam mbei kur subur mamba.

Sawal la giled’a 147:2

Ma didina nga mi hulong min Jerusalem akulo, nga mi tok Israel suma a i mbeïd’ina avo,

Sawal la giled’a 69:35

Ar akulod’a kandagad’a a gilemu, ar alum ma ngolâ kahlena pet suma a nga kuruma a gilem mi.

Sawal la giled’a 69:36

Kayam Alona mba mi sut suma kur Siyon-na, mba mi min azì ma teteng ma Juda-na akulo, sum mama a mba kak kuru, azì máma mba mi arî mazina mi.

Ma tchi wala 3:3

yima tchi matna mi nga, yima tchil sana mi nga mi; yima a to azina kä woina mi nga, yima min azinina mi nga mi;

Isai 40:9

Agi suma Jerusalem-ma, agi djagagi akulo yam ahina d’a fiyaka, agi suma Siyon-na, agi dagi zlad’a ki delegi akulo kad’engêgi pet, kayam a hagi zla d’a djivid’a abogiya. Ar agi lagi mandarâ á dat tei d’i. Agi dagi mi suma kur azì ma nglo ma Juda-na ala: Gola! Alo magina wana!

Isai 42:19

Ma duka ni nge ge? Nazong mana d’uo zu? Ma ngela ni nge ge? Ni ma an sunuma d’uo zu? Ma duk ma d’igi ma an sunuma na na ni nge ge? Ma ngel ma d’igi azongâ hi Ma didinina na na ni nge ge?

Isai 42:9

Gola! Ahle suma avo’â a ndak wa, an nga ni dagi yam suma dingâ kua. Avok ka azi bei led’a, an nga ni dagizi zlazi woyo.

Isai 49:8

Ma didina mi dala: Ata yima sumad’a an hulong dangû, kur bur ma suta an ndjunung mi. An mba ni ngomongû, an mba ni tining á djin vunang kandjaf suma á tchol ambasa akulo, á b’rau ahle suma djo suma kur ambas sa ar djonid’a,

Isai 52:9

Ang yima teteng ma Jerusalem ma b’lak keina, ang er ad’ung akulo ki furîd’a, kayam Ma didina nga mi b’leng hur sum mama, nga mi wurak yam mam Israel-lâ mi.

Isai 54:3

Kayam ndak mba d’i i yam bigak ka ndjufa, yam bigak ka gulad’a, gro’â a mba hlandjaf suma, a mba kak kur azì ma ngol ma mi ar djonina mi.

Isai 55:11

Hina mi, zla d’a ndavunanda ti nga d’i hulongî atan bei ti le va d’i, ti nga d’i ba bei ndak vun min manda d’oze ti oî vun vama an sunut kama d’uo mi.

Isai 58:12

Ni agi ba, mba hulong minigi yima adjeu ma b’lak keina, agi mba tchologi ad’u ge d’a kur atchogoi d’a kal lei dedeid’a akulo. A mba yagi ala: Suma a min ir gulumun ma dris seina, suma a min lovot ta gureid’ina, suma a hulong mbut ambasa djivid’a á kak kurutna.

Isai 60:10

Ma didina mi dala: Andjaf suma dingâ grozina a mba hulong á minik gulumun ma’â akulo, amulei mazina a mba lak sunda, kayam kur hur man ma zala an togu, wani yam djivi manda an nga ni wak hohowogu.

Isai 61:4

A mba hulong min yima b’lak kei adjeuna akulo, a mba hulong tchol gongîyo suma to woi adjeu dedeina akulo, a mba min azì ma nglo ma b’lak kei kur atchogoi d’a dedeid’ina akulo mi.

Jeremi 1:10

Gola! An tining ini yam andjaf suma ki leud’a tala ang pat teyo, ang to kä woyo, ang b’lak keyo, ang pleî woyo, ang min akulo, ang pe mi d’a.

Jeremi 28:9

Wani le ma djok vuna mi djok vuna yam b’leng nga halasa ni, suma a mba wala Ma didina mi sunumï ni mam gagazi ni fata zla d’a mam djok vuna kata ti led’a.

Jeremi 30:18

Ma didina mi dala: Gola! An nga ni hulongî agi suma hi Jakob-ma woi kur magomba, an nga ni we hohowa yi magi ma kaka. Azì ma ngolâ a mba minim ata blangâm ma b’lak keina, azì ma amula a mba minim ata blangâm ma adjeuna mi.

Jeremi 31:4

Ndak gor wei d’a Israel-la, an mba ni hulongôk blangâk ma adjeuna, ndak mba min tak ki daliyâ mak ka djifâ min nda dinga kua á nde ndjongâ aduk suma a nga lü ndjongâ ki furîd’ina.

Jeremi 32:15

Kayam Ma didin ma ad’engêm kal petna, Alona hi Israel-lîna, mi dala: Burâ nga mi mba, a mba gus azina, asinena ki guguzlud’a kua kur ambas sa wanda.

Jeremi 32:44

A mba gus asinena ki beged’a, a mba b’ir mbaktum mba gusa, a mba tumut ki tampongâ, a mba yi suma glangâsâ yam ambasa hi suma hi Benjamin-nid’a kazì ma ngui Jerusalem-ma, kur azì ma nglo ma Juda-na, kur azì ma nglo ma yam ahinad’ina, kur azì ma nglo ma yam andaga d’a abo tat tud’a, kur azì ma nglo ma abo ma sutnina mi. Kayam an mba ni hulongî ki mazi suma a yozi magombina avo. An Ma didina ni de na.

Jeremi 33:7

An mba ni hulongî ki suma Juda suma a yozi magombina ki Israel suma a yozi magombina mi, an mba ni kagazi b’langâzina d’igi adjeu deid’a na.

Ezekiyel 36:10

An mba ni zul suma kur ambas sa Israel-la pet. Suma a mba kak kur azì ma nglona kak ka dingâ, suma a mba hulong min azì ma b’lak keina akulo mi.

Ezekiyel 38:17

Salad’a Ma didina mi dang kua ala: Angî ma an de zlad’a kang adjeu dei avun azungeî man suma djok vun suma Israel-lîna d’uo zu? Bizad’a ki bizad’a a nga djok vuna kang ala ang mba mba á dur ayîna ki sum mana mi d’uo zu?

Daniel 9:12

Ang ndak wa vun zla d’a ang dat kami ami kamulei suma a nga te kamina, ang mba wa ki ndak ka ngol la ti mba nga yat tu yam andagad’a ka hî d’uo d’a kami avo Jerusalem.

Daniel 9:25

Ang we, ang wad’ud’a djivi mi. Tin ad’ud’a kur bur ma a ge sunda á dala: A mba hulong min Jerusalem akulo gak mbad’a hi ma ngol ma a yum ala Mesi-na na, a mba le ni bizad’a kid’iziya kid’iziya yat kid’iziya. Bugol kur biza d’a kid’iziya kid’iziya dok karagaya yam mbàd’a, a mba hulong min azì máma akulo ki ir gulumun ma tcho woina, wani ni kur yima ndaka.

Amos 9:14

An mba ni hulongî man suma Israel-lâ woi kur magomba. A mba min azì ma nglo ma b’lak keina akulo, a mba kak kuru, a mba pe guguzlud’a, a mba tchat sümud’u, a mba zum asinena, a mba tum awu máma mi.

Wana ni mbaktumba hi Aze-d’a 1:13

Aze ma Ma didina mi sunuma, mi de mi suma d’igi Ma didina mi sunumï na ala: Ma didina mi dala: An nga ki sed’egiya.

Zakari 1:17

Malaikana mi dan kua ala: Ang tchi wal la dinga ala: Ma didin ma ad’engêm kal petna mi dala: Azì man ma nglona mba mi fe djivid’a, an mba ni man Jerusalem man nda dinga, an mba ni ndjun Siyon mi.

Zakari 1:6

Wani zla manda ki vun ma hed’a suma an hazi mazungeî man suma djok vunina, a vabuyogi ngolo ki zlad’a. Azi hulongî gevenu, a djok tit mazid’a, a dala: Ma didin ma ad’engêm kal petna mi le ki sed’ei ni ngad’a yam sun meid’a ki tit meid’a d’igi mi nga hurum na.

Zakari 12:6

Kur bur máma an mba ni mbut amulei suma Juda-na ni d’igi aku d’a ti ndaduk agud’id’a d’oze d’igi aku d’a bolom mba ti ngal awu ma mbugulu ma nga tchuka kä na na. A mba ngal suma a nguyuzina, abo ma ndjufâ, abo ma gulana mi. Jerusalem mba d’i ar kaka ata yad’u.

Zakari 2:4

mi dum ala: Ang ring de mazong ma mi nga ki ziyona abom máma ala: Jerusalem mba d’i ka’î azì ma ngol ma bei gulumuna kam ba na, kayam d’uwarâ ki suma a mba kak kuruma a mba zul ablaud’a.

Matiye 26:56

Wani ahle ndazina a le hina pet ná ndak vun b’ira hi suma djok vun Alonid’a memet. Ata yi máma, mam suma hata pet a aramu, a ringâ.

Matiye 5:18

Gagazi, an nga ni dagiya, akulod’a kandagad’a a mba kal leyo, wani b’ir ra klera d’oze ta ndeb’eka hi gatid’a ti mba d’i kal lei d’i, gak ahle ndazina pet a ndak tua.

Wana ni Zla d’a Djivi d’a Luc mi b’irita 24:44

Mi dazi kua ala: Wana ni zla d’a an dagizi kid’a an nga ki sed’egi tua d’a. An dagi ala: Mbeî ahlena pet suma a b’irizi kan kur gata hi Moise-sa, kur mbaktumba hi suma djok vun Alonid’a, kur Sawal la Giled’a mi na, a mba ndaga.