Isai 44:23 - Bible azumeina

²³ Ndak akulod’a, ndak ayâ, kayam Ma didina mi le wa va. Ndak andaga d’a ad’ut ta kä yiyika, ndak er ad’uk akulo ki furîd’a. Agi ahuniyôna, agi eregi ad’ugi akulo, agi ayâgiya. Ndak agud’a kagu ma adiga’â pet, agi lagi furîd’a mi. Kayam an Ma didina ni wurak wa yam suma hi Jakob-ma, nga ni tak subur manda woi aduk Israel-lâ mi.

Isai 44:23 Iomraidhean Croise

1 Sunda Hamuleinid’a 16:31

Ar akulod’a ti le furîd’a, ar andagad’a ti ayâ! Agi dagi mandjaf suma pet ala: Ma didina nga mi tamula!

1 Sunda Hamuleinid’a 16:32

Ar alum ma ngolâ mi oî d’igi azlona na kahle suma a nga kuruma pet mi. Ar hur fulâ mi le furîd’a kahle suma kuruma pet,

1 Sunda Hamuleinid’a 16:33

ar agud’a pet ti le furîd’a avok Ma didina, kayam nga mi djï á ka sariyad’a yam andagad’a.

Sawal la giled’a 148:7

Agi gilegi Ma didina yam andagad’a ka hî! Agi amburei suma aduk mbinina ki galileina pet, agi gilegiziya!

Sawal la giled’a 148:9

Agi ahuniyôna ki yima djodjohlâ pet, agi agu ma vuta kagu sedrena pet, agi gilegiziya!

Sawal la giled’a 65:13

Ang nga d’uf hat ma djivina hur fulâ; suma yam ahuniyôna a nga oî ki furîd’a mi.

Sawal la giled’a 69:34

Ma didina nga mi hum tchina hi suma a nga kur ndakina, nga mi mar yam mam suma a yozi magombina d’uo mi.

Sawal la giled’a 69:35

Ar akulod’a kandagad’a a gilemu, ar alum ma ngolâ kahlena pet suma a nga kuruma a gilem mi.

Sawal la giled’a 89:13

Abo ma norâ kabo ma sutna, ni ang ba, laziya. Ahina d’a Tabor-ra ki d’a Hermon-nda a nga gileng simiyêngû.

Buzuk ka Abud’a 18:9

Jetro mi le furîd’a yam djivi d’a Ma didina mi lat ki Israel-lîd’a ki prut ta mi prud’uzi woi abo Ezipte-nid’a mi.

Isai 12:5

Agi suburugi Ma didina ki sawala, kayam mi lahle suma kal papana. Ar suma a wazi woi yam andagad’a pet mi.

Isai 26:15

Ma didina, ang zulumi andjavamiya, ang zulumi andjavamiya. Ang wet wa hagad’a hambas mamid’id’a woyo. Suma a suburung yam sun mang nga led’a.

Isai 43:1

Agi Israel suma hi Jakob-ma, ki tchetchemba, Ma didin ma lagi mi gagina nga mi dagi ala: Agi lagi mandar ri, kayam an wurak kagiya, an yagi ki simiyêgiya, agi ni sum mana mi.

Isai 43:7

Agi mbeyegï ki suma pet suma a nga yan simiyêna, suma pet suma an lazina, suma an tchuguzina, suma an minizi á tagan subur manda woina mi.

Isai 46:13

An nga ni hud’ï d’ingêr manda, ti nga dei d’i. An nga ni le lilinga ki sut manda d’uo mi. An nga ni mba ki suta kur Siyon, an nga ni mba ki subur manda yam Israel-lâ mi.

Isai 49:13

Ndak akulod’a, ndak er ad’uk akulo ki furîd’a; ndak andagad’a, ndak le hur ma hapma; agi ahuniyôna, agi eregi ad’ugi akulo, agi ayâgiya, kayam Ma didina mi b’leng wa hur sum mama, mi wazi wa hohowozi kur ndak mazid’a mi.

Isai 49:3

Mi dan ala: Angî azong mana, angî Israel ma an mba ni fe subura atangâ.

Isai 52:9

Ang yima teteng ma Jerusalem ma b’lak keina, ang er ad’ung akulo ki furîd’a, kayam Ma didina nga mi b’leng hur sum mama, nga mi wurak yam mam Israel-lâ mi.

Isai 60:21

Sum ma’â pet a mba mbut ni suma d’ingêra, a mba kak kur ambasa gak didin. Azi nagu ma an puma, ni sun nda an lat kabon á le sun nda yam subur mandid’a mi.

Isai 61:3

á b’leng hur suma a nga kur Siyon suma a yor tazina, á hazi avaval la furîd’a balum butna, á hazi mbul ma furîd’a balum b’oud’a, baru ma subura yam huruzi ma b’la’â tala a yazi ala Azi nagu ma Ma didina mi pum kur asinem á suburumu d’a.

Jeremi 31:11

Kayam Ma didina mi tchuk Israel-lâ akulo, mi prud’uzi woi abo mazi suma djangû suma kalazi kad’engina.

Jeremi 51:48

Akulod’a kandagad’a kahle suma kuruzina pet, a mba hle sawal la furîd’a yam Babilon, kayam suma b’lak yina a tcholï abo ma norâ, a mba kad’u. An Ma didina ni de na.

Ezekiyel 35:14

Salad’a Ma didina mi dala: Fata an mba ni mbud’uk djonid’a, suma yam andagad’ina pet a mba le furîd’a.

Ezekiyel 36:1

Ma didina mi dan kua ala: Ang gor sana, ang djok vuna mahuniyô suma Israel-lâ ala: Agi humugi zlad’a hi Ma didinid’a.

Ezekiyel 36:8

Agi ahuniyô suma Israel-lâ, ar agu ma kagina mi ruyâ, ar mi vut mi man suma Israel-lâ, kayam azi ar go á hulong avo.

Ezekiyel 39:13

Suma yam andaga ndatina pet a mba tozoziya. Simiyêzi mba mi yi yam zla ndata, kayam ni bur ma an mba ni tagazi subur manda woina. An Salad’a Ma didina ni de na.

Efes-sâ 3:21

Kayam ndata, ei suburi Alona kur Toka yam Jesus Christ kur atchogoi d’a lara ge peta gak didin. Amin!

Efes-sâ 4:9

Wani zla d’ala mi tup akulod’a, ad’ut nana ge? Nala, mi surop kä kur yima yiyik ma handagad’ina avok tua.

1 Pierre 4:11

Le ná tchi wala, ar mi tchi wala d’igi ded’a hAlonid’a na. Le ná le sunda, ar mi le d’igi ad’eng nga Alona mi humzid’a na. Hina, ar agi suburugi Alona kur ahlena pet yam Jesus Christ mam ma subura kad’enga ni mamba gak didina. Amin!

Vama ndum mbeina 12:12

Kayam ndata, ndak akulod’a, ndak le furîd’a ki suma a nga kuru’â mi. Wani ni zla d’a hohoud’a yam ndak andagad’a kalum ma ngolâ, kayam Diable mi tchugï asem kä atagiya. Mi mbut ayîna, kayam mi wala yam ar nga ngol li.

Vama ndum mbeina 18:20

Ndak akulod’a, agi suma a tinigi iragi vagi mAlonina ki suma a sunuzina ki suma djok vun Alona, agi lagi furîd’a yam b’lak mamba, kayam Alona mi kam wa sariyad’a kam kayam sun nda tcho d’a mam lagizid’a.