Isai 44:20 - Bible azumeina

²⁰ Mi tin hurumî yam butna, djib’er mam mba kurumba vid’im mbeyo. Mi ndak á prut tam mbei d’i, nga mi de d’ala vama abon wana ni vama hawa ya’â d’uo zi ge d’a d’uo mi.

Isai 44:20 Iomraidhean Croise

Wana ni mbaktumba hi Job-pa 15:2

Na ni sama ned’a mi ndak á hulong zla d’a ded’a yam zla d’a ne d’a hawa yaka zu? D’oze mi ndak á hop hayam ki simet ma abo ma yorogonina zu?

Wana ni mbaktumba hi Job-pa 15:31

Ar mi tin hurum yam vama hawa ya’â á lop tam mbi, kayam a mba wuragamî ki vama hawa yak máma.

Sawal la giled’a 102:9

Burâ ki burâ man suma djangûna a nga halan ki zlad’a kanu, huruzi nga mi zal kanu, azi nga gun tazi kan mi.

Sawal la giled’a 115:4

Wani alo mazina, a lazi ni ki kawei ma hapma ki lora; ni sun nda sana mi lat kabomba.

Sawal la giled’a 144:11

Ang sud’un ndeyo, ang prud’un ndei abo angoyogei suma a nga de zla d’a irat tuo suma a nga hlabozi ma ndjufâ akulo á gun tazi ir gurzulina.

Sawal la giled’a 144:8

suma a nga de zla d’a irat tuo suma a nga hlabozi ma ndjufâ akulo á gun tazi ir gurzulina.

Zla d’a d’ogolâ 15:14

Sama wad’ud’a mi halî ned’a, wani suma lilid’a a te ni lilid’a.

Isai 47:10

Ndak tin huruk yam asa’at maka, ndak dala: Sa nga mi wan ndi. Ne maka ki we mak ka heîd’a a b’lagak yagu, ndak nga d’i de kuruk ala: Sama d’igi an na na nga d’i.

Isai 57:11

Agi lagi mandarâ nabo nge ba, agi kandi zlad’a, agi djib’eregi kan nduo, agi walagi woi dei ki an nge? An kak bei de zlad’a ni dedei. Ni kayam ndata ba, agi nga gagi yagi kä avoron nduo wana.

Isai 59:13

Ami lami tchod’a avorongû, ami mbud’ung irangû, ami walami woi dei ki ang Alo mamina, ami dami ni zla d’a asa’ata, ami ni suma so vuna, ami dami ni zla d’a kad’a, ami ni suma guruyômi kä kurumi krovona.

Jeremi 16:19

Jeremi mi dala: Ma didina, angî ad’eng manda, angî gulumun mana, angî yi man ma ngeid’a kur bur ma ndaka. Andjaf suma yam andagad’ina pet a mba mbeï gevengû, a mba dala: Abuyomi ngolo a tin huruzi ni yam filei ma hawa ya’â, ni vama hawa yak ma ndak á le va d’uo na.

Wana ni mbaktumba hi Oze-d’a 12:1

Suma Efraim-ma a nguyun kä ki zla d’a kad’a, andjaf suma Israel-lâ a nguyun kä ki mbut ira. Suma Juda-na a nga zlapa ki an Alona tua, a ni suma d’engzengâ avogon an Alo ma bei tchod’a ba na mi.

Wana ni mbaktumba hi Oze-d’a 4:12

Sum mana a nga djop zlad’a nata filei agu mazina. Totogo mazid’a nga d’i hulongôzi zla d’a ded’a! Djib’era hi gaulangîd’a ti vid’izi woyo, a nga le gaulangâ, a wal lei dei ki an Alo mazina mi.

Habakuk 2:18

Agu ma sama d’alâ nga mi tched’em d’igi angusa na na, zlamî zla me ge? Kawei ma sana yorom d’igi angus vana na na, mi hat ni zla d’a kad’a. Ni kayam me ba sana mi tin hurum yam filei ma ngel mam minim máma ge?

Wana ni Zla d’a Djivi d’a Luc mi b’irita 15:16

Mi min á te te ma a humî kozongîna, wani sa nga mi humzi d’i.

Romê-na 1:25

Azi vrak zla d’a kad’a balum zla d’a gagazid’a hAlonid’a. Azi nga kud’or ahle suma Alona mi lazina a nga lazi sunda mi, wani a nga kud’or Alo ma mi lazi ma mi ndak á gilem gak didina d’i. Amin!

Romê-na 1:28

D’igi azi noî á wAlona na, Alona mi arazi kur djib’er mazi d’a tchod’a á lahle suma ata yazi d’uo na.

1 Timote 4:2

A mba vit tazi woi yam hata hi suma lop ira ki suma ka zlad’a. Azi ni suma djib’er mazi d’a krovod’a ti mit tei d’igi a niragat ni ki kawei ma a gum kakud’ina na na.

2 Timote 2:13

Le ei ni suma bei d’engzenga ni, mam mi Ma d’engzengâ; mi ndak á tin vunam yam tam mbi.

2 Timote 3:13

Wani suma le tchod’a ki suma lop suma a mba i avogovok kur tcho mazid’a, a mba vit suma woyo, azi tazi a mba vit tazi woi mi.

Vama ndum mbeina 12:9

Dragon máma a gumï kä, ni gugui ma mamar ma a yum ala Diable d’oze Seitan na na, ni ma nga mi lop suma yam andagad’a petna. A gumï kä yam andagad’a, a tchugï malaika mama kä woi zlapa ki sed’em mi.

Vama ndum mbeina 13:14

Mi vit suma yam andagad’ina woi kahle mam suma atchap suma a humzi á led’a avok ambur ma avok mámina. Mi de mi suma yam andagad’ina á yor vana á subur ambur ma a kam yam mbilâ ki mbigeu d’a fiyaka mi tchilâ.

Vama ndum mbeina 18:23

Sa dok mi we b’od’a hi lalamba kurung nguo d’a, dok mi hum dela hazong ma vatcha d’a weid’a ki dela hi gor wei d’a ve mandjufîd’a d’uo mi. Mang suma mbut abozina ni suma ad’eng suma yam andagad’ina. Ni ki kuma mangâ ba, ang lop ki suma pet.

Vama ndum mbeina 20:3

Malaikana mi gum kur zul la yiyika, mi dugum vunam ki lakled’a, mi kat geuna, kayam dragon máma dok mi vit andjaf suma woi d’uo d’a gak biza d’a dubud’a ndak tua. Bugola, a mba bud’um akulo á kak ndjö.