Isai 44:19 - Bible azumeina

¹⁹ Sa tu ma adigazi ma mi nga ki djib’era kurum mboze ma nga ki wad’ud’a d’oze ki d’alâ ma mi dala: An ni ngal wa ma dingâ woi kakud’a, an ni ngal wa ma dingâ kiwilâ, ni yi wa avuna ki gordjona, ni sor wa hliuna ki ma dingâ, ni tum wa! Na ni an ndak á le kad’um mba ara vama ndjendjed’a zu? Na ni an ndak á grif kä avok vun adjo ma gurub’uhlâ zi ge d’a d’i!

Isai 44:19 Iomraidhean Croise

1 Amuleina 11:5

Mi kud’or Astarte alod’a hi suma Sidon-nid’a ki Milkom alo ma ndjendjed’a hi suma Amon-nina mi.

1 Amuleina 11:7

Kur atchogoi ndata Salomon mi min yina tu, mi tinim iram vam yam ahinad’a abo ma ir Jerusalem-ma. Mi min yima ngal ahle suma ngat buzuna mi Kemos alo ma ndjendjed’a hi suma Mowap-mina yam yima nding máma, mi min yam Molok alo ma ndjendjed’a hi suma Amon-nina tu mi.

2 Amuleina 23:13

Mi b’lak yima nding ma Salomon amul ma Israel-lâ mi minim avor Jerusalem d’ar abo ma ndjufâ hahina d’a B’lak sumid’a mi Astarte alo d’a ndjendjed’a hi suma Sidon-nid’a, Kemos alo ma ndjendjed’a hi suma Mowap-mina, mi Milkom alo ma ndjendjed’a hi suma Amon-nina mi.

2 Amuleina 23:14

Mi to ahina d’a tcheta woyo, mi kus agu ma murguli ma a pum mi Asera-na kä woyo, mi oî asok suma yam yi máma mi.

Buzuk ka Abud’a 7:23

Faron mi hulong avo hatamu, mi gol zla ndata ni va d’i.

Isai 44:18

Sum ndazina a nga ki d’alâ á wad’ud’a d’i, a duguzi irazi woi tala a we d’a d’i, a b’alazi huruzi tala a wad’ud’a d’uo d’a mi.

Isai 45:20

Ma didina mi de kua ala: Agi andjaf suma a prud’ugi woina, agi mbeyegïya, agi hud’ugïya, agi togogïya. Suma a nga zï agu mazi ma a tched’em fileina d’oze suma a nga tchen alo ma ndak á sut sa d’uo na ni suma yazi nga kazi d’uo na.

Isai 46:8

Ma didina mi de kua ala: Agi djib’eregi yam ahle ndazina, agi kagagi andjofâ. Agi suma so vuna, agi vagi zla ndata kurugiya.

Isai 5:13

Kayam ndata, Ma didina mi dala: Sum mana a mba yozi magomba, kayam azi nga wad’ud’a d’i. Mazi suma nglona a mba bo abo meid’a, ablau mazid’a mba d’i bo abo vun ma sod’a mi.

Isai 66:3

Sama ngat amuhlîna mi tchi ni sana mi, sama mi ngat timina vama ngat buzunina mi tumî azik adina mi, sama mi he he d’a hawad’a afutina mi vo ni buzuwa kozongâ woi mi, sama ngal dubang ma his djivid’a á ge humbina, mi kud’orî fileina mi. Sum ndazina pet ni suma tazi nga d’i lazi djivid’a kur lovot mazid’ina, ni suma tazi nga d’i lazi djivid’a kur sun mazi d’a ndjendje ndatina mi.

Ezekiyel 40:4

Sa máma mi dan ala: Ang gor sana, ang mal irang ki humang ngeyo, ang gol tang djivi yam ahlena pet suma an nga ni tagangzina, kayam a mbang ka hî ná gola. Bugola, ang i väd’u ahle ndazina woi pet mi Israel-lâ.

Wana ni mbaktumba hi Oze-d’a 4:12

Sum mana a nga djop zlad’a nata filei agu mazina. Totogo mazid’a nga d’i hulongôzi zla d’a ded’a! Djib’era hi gaulangîd’a ti vid’izi woyo, a nga le gaulangâ, a wal lei dei ki an Alo mazina mi.

Wana ni mbaktumba hi Oze-d’a 7:2

A nga de kuruzi ala an nga ni djib’er yam asa’at mazid’a d’i. Wani ki tchetchemba, tcho mazid’a ti nguyuzi wa, ti ni woi pid’ak avoron mi.

Wana ni mbaktumba hi Aze-d’a 1:5

Ki tchetchemba, Ma didin ma ad’engêm kal petna mi de kua ala: Agi djib’eregi yam tit magid’a.

Gat ta a hat á mbàd’id’a 27:15

Sama mi langus vama tcheta mi yor kawei mala ni sun nda ndjendje d’a sana mi lat kabom kur d’al mamid’a ba, mi tinit nga gumun á kud’urod’u ni, Ma didina mi gum vuna! Ablau suma petna a hulong ded’a ala: Amin!

Gat ta a hat á mbàd’id’a 32:46

mi dazi ala: Agi vagi vun ma he ma an hagizi inina abogi ped’et, agi djogom mi grogina kayambala azi ngom zla d’a pet ta a b’irit kur gat ndatid’a, a tit kat mi d’a.