Isai 44:18 - Bible azumeina

¹⁸ Sum ndazina a nga ki d’alâ á wad’ud’a d’i, a duguzi irazi woi tala a we d’a d’i, a b’alazi huruzi tala a wad’ud’a d’uo d’a mi.

Isai 44:18 Iomraidhean Croise

Sawal la giled’a 81:12

Wani sum mana a humun nga vunan ndi; Israel-lâ a minin nga d’uo mi.

Sawal la giled’a 92:6

Ma didina, sun mang nga ang lata ni d’a kal teglesa, djib’er manga ni d’a ndak á sana mi wat ad’ut tuo d’a!

Zla d’a d’ogolâ 28:5

Suma tchona a nga wäd’u zla d’a d’ingêra d’i, wani suma a nga hal Ma didinina a nga wäd’u ahlena pet.

Isai 1:3

Amuhlâ mi we salama, korona mi we kupma hi salamina mi, wani Israel-lâ a nga wan ndi, sum mana a nga wäd’u zlad’a d’uo mi.

Isai 26:11

Ma didina, abong nga zid’a akulo, wani azi wum nga d’i. Azi mba we zlezleû mang nga yam sum mangîd’a. Zulona mba mi laziya, akud’a mba d’i ngal mang suma djangûna woi mi.

Isai 27:11

Ata yima abo aguna mi sona, a kuzum mbeyo, aropma a mba a dom akud’a. Sum ndazina ni suma bei wad’ud’a. Kayam ndata, Salazi ma lazina, hurum nga mi hat kazi d’i, ma minizina nga mi wazi hohowozi d’uo mi.

Isai 29:10

Ma didina mi burugi sen ma ngolâ. Agi suma djok vuna mi dugugi iragi woyo. Agi suma wagi ahle suma a nga mbana, mi zlubugi ahlena woi iragi mi.

Isai 44:19

Sa tu ma adigazi ma mi nga ki djib’era kurum mboze ma nga ki wad’ud’a d’oze ki d’alâ ma mi dala: An ni ngal wa ma dingâ woi kakud’a, an ni ngal wa ma dingâ kiwilâ, ni yi wa avuna ki gordjona, ni sor wa hliuna ki ma dingâ, ni tum wa! Na ni an ndak á le kad’um mba ara vama ndjendjed’a zu? Na ni an ndak á grif kä avok vun adjo ma gurub’uhlâ zi ge d’a d’i!

Isai 44:20

Mi tin hurumî yam butna, djib’er mam mba kurumba vid’im mbeyo. Mi ndak á prut tam mbei d’i, nga mi de d’ala vama abon wana ni vama hawa ya’â d’uo zi ge d’a d’uo mi.

Isai 44:9

Suma a min fileinina pet a ni va d’i, sun mazi d’a djif ndata nga d’i lazi va d’uo mi. Azi ni glangâsâ hi filei mazi máma, wani a nga we d’i, a nga wäd’u zla d’uo, a mba mbut zulona mi.

Isai 45:20

Ma didina mi de kua ala: Agi andjaf suma a prud’ugi woina, agi mbeyegïya, agi hud’ugïya, agi togogïya. Suma a nga zï agu mazi ma a tched’em fileina d’oze suma a nga tchen alo ma ndak á sut sa d’uo na ni suma yazi nga kazi d’uo na.

Isai 56:11

Azi nadurei suma d’od’ok suma a nga hop ki va d’uo na, azi ni suma pol suma bei wäd’u zlad’ina, azi pet nge nge pî, mi hle ni lovot mamba, nge nge pî, mi halî djivi d’a yam mam tambid’a mi.

Jeremi 10:14

Kayam ndata, suma pet a mbut ni suma yazi nga d’uo na abo we mamba. Suma yor lora pet a mbut zulona kangus ahle suma azi yorozina, kayam filei mazina ni filei ma ka zlad’a, nga mi muzuk kuo mi.

Jeremi 10:8

Azi pet ni suma yazi nga d’uo na, ni suma lilid’a mi. Hat ta azi nga had’at yam filei mazinid’a ni hat ta hawa yaka.

Jeremi 5:21

Agi suma lilid’a, agi suma bei wad’ud’a, agi humugiya. Agi nga ki ira, wani agi nga wagi d’i; agi nga ki humba, wani agi nga humugi d’uo mi.

Jeremi 51:17

Kayam ndata, suma pet a mbut ni suma yazi nga d’uo na abo we mamba. Suma yor lora pet a mbut zulona kangus ahle suma azi yorozina, kayam filei mazina ni filei ma ka zlad’a, nga mi muzuk kuo mi.

Ezekiyel 12:2

Ang gor sana, ang nga ni kaka aduk andjaf ma bei hum vuna ma nga ki ira á gola ko ba nga mi we d’uo na, ma nga ki humba á humba ko ba nga mi hum mbuo na, kayam mam nandjaf ma bei hum vuna ba na!

Daniel 12:10

A mba mbus suma ablaud’a woi yed’et hapa titil bei zozota ba, wani suma asa’atna a mba wad’ud’a d’i, a mba i avogovok kur tcho mazid’a. Wani suma wed’a a mba wad’ud’a.

Wana ni mbaktumba hi Oze-d’a 14:9

Ar sama ned’a mi hum ad’u zlad’a hi Oze-d’a, ar sama wad’ud’a mi wäd’u zla ndata, kayam lovota hi Ma didinid’a ni d’ingêr. Suma d’ingêrâ a mba tit kua, wani suma bei hum vuna a mba puk kä.

Matiye 12:34

Agi gro mageid’a, ni nana ba, agi suma tchona ndak á de vama djivina ge? Kayam ahle suma a nga oîd’a kur sanina ba, a buzuk kei avunam á ded’a.

Jean 5:44

Agi suma halagi ni subura hi sumid’a, agi nga halagi subur ra tcholï ata Alo ma tu gid’engîd’a d’i. Ni nana ba, agi ndak á hagi gagazid’a ge?

Jean 8:43

Ni kayam me ba, agi humugi zla man nda ded’a d’uo ge? Ni kayamba agi ndagagi á hum zla manda d’uo d’a.

Sunda hi suma a sunuzinid’a 14:16

Kur atchogoi d’a kala, mi ar andjaf ma lara ge pet mi nga mi tit kur lovot mamba.

Romê-na 1:28

D’igi azi noî á wAlona na, Alona mi arazi kur djib’er mazi d’a tchod’a á lahle suma ata yazi d’uo na.

2 Pierre 2:14

Irazi nga tinda yam aropma teteu á le mizeuna ki sed’eziya. Azi ndak á ar tchod’a d’i. Azi nga ve suma amangeîna ki dauna. Djib’er mazid’a nga zud’uzi á le d’od’ok ka fe beged’a. Azi ni suma Alona mi gazi vunina.