Isai 43:7 - Bible azumeina

⁷ Agi mbeyegï ki suma pet suma a nga yan simiyêna, suma pet suma an lazina, suma an tchuguzina, suma an minizi á tagan subur manda woina mi.

Isai 43:7 Iomraidhean Croise

Sawal la giled’a 100:3

Ar agi wagi ala Ma didina nAlona. Mi lei ni mamu, ei ni sum mama, ei nades tumiyô mam suma mi poleina.

Sawal la giled’a 50:23

Sama nga mi he vama ngat buzu ma le mersid’ina, mi suburun ni anu; sama nga mi ngom tam kur tit mambina, an mba ni tagam sut manda mi.

Isai 27:11

Ata yima abo aguna mi sona, a kuzum mbeyo, aropma a mba a dom akud’a. Sum ndazina ni suma bei wad’ud’a. Kayam ndata, Salazi ma lazina, hurum nga mi hat kazi d’i, ma minizina nga mi wazi hohowozi d’uo mi.

Isai 29:23

Fata grozina a mba we sun nda an lat kabon adigazid’a, a mba tinin simiyên iram vamu, a mba han an Ma tin tan irat vat yam suma hi Jakob-mina ngola, a mba lan an Alona hi Israel-lîna mandaran mi.

Isai 43:1

Agi Israel suma hi Jakob-ma, ki tchetchemba, Ma didin ma lagi mi gagina nga mi dagi ala: Agi lagi mandar ri, kayam an wurak kagiya, an yagi ki simiyêgiya, agi ni sum mana mi.

Isai 43:21

Suma an lazina a mba de woi yam subur manda.

Isai 44:23

Ndak akulod’a, ndak ayâ, kayam Ma didina mi le wa va. Ndak andaga d’a ad’ut ta kä yiyika, ndak er ad’uk akulo ki furîd’a. Agi ahuniyôna, agi eregi ad’ugi akulo, agi ayâgiya. Ndak agud’a kagu ma adiga’â pet, agi lagi furîd’a mi. Kayam an Ma didina ni wurak wa yam suma hi Jakob-ma, nga ni tak subur manda woi aduk Israel-lâ mi.

Isai 46:13

An nga ni hud’ï d’ingêr manda, ti nga dei d’i. An nga ni le lilinga ki sut manda d’uo mi. An nga ni mba ki suta kur Siyon, an nga ni mba ki subur manda yam Israel-lâ mi.

Isai 48:11

Ni yam o manda, ni yam o manda ba, an min lahle ndazina. Ni kayam me ba, simiyên mbut ndjendjed’a ge? An nga ni he subur manda mi sama ding ngi.

Isai 56:5

An mba ni b’irizi simiyêzi kur gulumuna hi gong man nda kud’orina an mba ni yazi ki simi ma djivi ma kal simina hi gro andjofâ ki ma hi gro aropmina, an mba ni tinizi simi ma didin ma bei tchum mbei ba na mi.

Isai 60:21

Sum ma’â pet a mba mbut ni suma d’ingêra, a mba kak kur ambasa gak didin. Azi nagu ma an puma, ni sun nda an lat kabon á le sun nda yam subur mandid’a mi.

Isai 63:19

Ami lami biza d’a ablaud’a ni d’igi suma ang te nga kazi yang tu d’uo na na, d’igi suma a yazi nga ki simiyêng yazi tu d’uo na na mi! Wani ladjï ang haû nakulod’a woyo, ladjï ang tchugï naseng kä ni, ahuniyôna a giget wa avorongû!

Jeremi 14:9

Ma didina, ni kayam me ba, ang kak d’igi sama mandarâ d’oze d’igi grang ma mi ndak á sut sum mama d’uo na na ge? Wani ang nga adigamiya, a nga yami ki simiyêngû. Ang arami woi d’i.

Jeremi 33:16

Kur bur máma mba mi sut suma Juda-na. Suma Jerusalem-ma a mba kak ki halasa, a mba yi Jerusalem ala Ma didina ni d’ingêr meid’a.

Daniel 9:18

Alo mana, ang tin humang ang huma, ang mal irang ngeyo, ang gol b’lak mamid’a ki b’laka hazì ma ngol ma simiyêng nga mi yi kuana, nga ni yam sun mami d’a d’ingêra ba, ami nga tcheneng tchen nda hu d’a wanda d’i. Ni yam we hohou mang nga ngola hol.

Daniel 9:19

Salad’a, ang humumiya; Salad’a, ang vat hurung ngei kamiya; Salad’a, ang tin humangû; Alo mana, yam o manga, ang le lilinga d’i, ang we hohowa azì ma ngol ma wana ki mang suma ang tinizi irazi vazina.

Amos 9:12

Kayam azi hle suma Edom suma arâ kandjaf suma dingâ pet suma a nga yan simiyêna. An Ma didin ma nga ni ndak vun ahle ndazinina ni de na.

Jean 15:8

Le agi nga vud’ugi ngola ni, agi mba suburugi Abunu. Hina, agi mba tagagi woi ala agi ni man suma hata.

Sunda hi suma a sunuzinid’a 11:26

Kid’a mi fumba, mi mba ki sed’em Antiyos. A nga tok ki suma toka teteu gak bizad’a tu, a nga hat suma ablaud’a kur Antiyos. Ni kur bur máma ba, a tin ad’ud’a á yi suma hata ala Kretiyêna.

Romê-na 9:23

Ni hina ba, mi min á tak subur mam mba zul heîd’a woi yam ei suma mi wei hohowei suma mi mini avok dei á suburina.

2 Korente-na 5:17

Wani le sana nga zlapa tu ki Christ-zu ni, mam mi vama ge ma awilina; ahle suma adjeuna pet a kal wa woyo, ahlena pet a mbut wa awilid’a.

Galat-na 6:15

Kayam bayâ d’a ngata ni va d’i, bei ngat bayâd’a ni va d’uo mi. Wani sama mi vut vut ta awilid’ina ni va.

Efes-sâ 1:12

Kayam ndata, ei suma tini huri avok dei yam Christ-sâ, ar ei mbud’i ni suma a tak subura hAlonid’a woina.

Efes-sâ 1:6

Ar ei gilei Alona yam subura hi suma mam mba mi veizi hawa zlapa tu ki Gorom ma hurum vum heînid’a.

Efes-sâ 2:10

Kayam nAlona ba, mi leya, mi geya, mi zlabei tu ki Jesus Christ, kayam ei i avogovok á le sun nda djivi d’a mi minit kei avok dei á led’id’a.

Jacques 2:7

Ni azi ba, a nga ngul simi ma djivi ma Alona mi tinigizina d’uo zu?

1 Pierre 2:9

Wani agi nandjaf ma Alona mi manama, agi namulei suma ngat buzuna, agi nandjaf ma a tinim iram vama, agi ni suma hAlonina mi. Mi managi kayam agi tagagi sun nda djivid’a hAlo ma yagi woi kur nduvunda á igi kur b’o mam mba kal papad’ina woyo.

1 Pierre 4:11

Le ná tchi wala, ar mi tchi wala d’igi ded’a hAlonid’a na. Le ná le sunda, ar mi le d’igi ad’eng nga Alona mi humzid’a na. Hina, ar agi suburugi Alona kur ahlena pet yam Jesus Christ mam ma subura kad’enga ni mamba gak didina. Amin!

1 Pierre 4:14

Le suma a nga ngulugi kayam agi ni suma hata hi Christ-sâ ni, agi lagi furîd’a, kayam Muzuk ma subura hAlonina mi nga kaka kagiya.

Vama ndum mbeina 3:12

Sama kus ayînina, an mba ni mbud’um gafa kur gonga hAbun Alonid’a, mam mba mi nde woi abu d’i. An mba ni b’ir simiyê Alo mana ki simiyê azina hAlo manina, nala, Jerusalem mba awili d’a nga d’i tcholï akulo gen Alo mana d’a nga d’i tchugï aset kä d’a. An mba ni b’ir simi ma awili ma an nga ki na atam mi.

1 Samuel 12:22

Ma didina mba mi aragi woi d’i, kayam simiyêm ma nde yinina; kayam ni mam tamba ba, mi min mbud’ugi sum mama.