Isai 43:28 - Bible azumeina

²⁸ Kayam ndata, an mbut suma nglo suma ata Yima a tinim iram vama vama ndjendjed’a, an ni mbut suma hi Jakob-ma ni vama a gum vunina, an mbut Israel-lâ vama ngula mi.

Isai 43:28 Iomraidhean Croise

2 Samuel 1:21

Agi ahuniyô suma Gilbowa-na, ar mbad’ïd’a ti ge kagi d’oze mbiyo alona mi se kagi d’oze ar asine ma kagina mi wul awuna á he he d’a hawad’a d’uo mi, kayam ni kagi ba, mboriyona hi suma gangrangîna a tchuk kä, mbareid’a hi Saul-la ti nde kä ki irat fafat.

1 Sunda Hamuleinid’a 24:5

A walazi teteng ni ki togina, kayam suma nglo suma a tinizi ata yima a tinim iram vama ki suma nglo suma a le sunda mAlonina ni suma ad’u andjafâ hi Elazar-râ kandjafâ hi Itamar-rîna mi.

2 Sunda Hamuleinid’a 36:17

Kayam ndata, Ma didina mi sunï amul ma Babilon-na ataziya. Mi tchi azungeî mazina ki mbigeu d’a fiyaka kur gong mazi d’a kud’ora. Alona mi ar nga gor azong ngoze gor wei d’oze mamar roze ma yam abus si, mi hazi woi abo amul ma Babilon-na pet.

Sawal la giled’a 79:4

Gola! Suma a nguyumina a nga ngulumiya, a nga san ad’umiya, a nga lazami mi.

Sawal la giled’a 89:39

Wani ang gum mbeyo, ang aram mbeyo, ang hurung zal ata ma ang manama.

Isai 24:6

Kayam ndata, andagad’a ti b’lak kei abo vun ma ged’a hAlonina. Suma a nga kaka kurutna a hlaneka hi tcho mazid’id’a kaziya. Kayam ndata, a dap peyo, a arî akid’eid’a ngiyeû go.

Isai 34:5

Gola! Mbigeud’a hi Ma didinid’a ti ndeï woi kur akulod’a. Nga d’i ka suma Edom suma Ma didina mi kazi sariyad’a kazi á dabazi woina.

Isai 47:6

Gola! An hurun zal adjeu ata sum mana, an mbut man suma an tazi djonina zulona, an haksi hur abogu. Ndak wazi nga hohowozi d’i, ndak ge djuk mak ma ane’â kel momorogeina.

Isai 65:15

Simiyêgi mba mi arî vama suma an manazina a ge ki vuna mi suma ala: Ar Salad’a Ma didina mi tchagi woyo na. Wani an ni tin azungeî mana simi ma dingâ.

Jeremi 24:9

An mba ni mbud’uzi vama ndjendjed’a, vama hohoud’a, vama ngula, vama sanda, vama lasa ki vama ge vuna ir suma kur leu d’a yam andagad’ina pet ata yima lara ge ma an mba ni ndjoyôzi woi kuana.

Jeremi 52:27

Amulâ mi tchazi woi ata yi máma yam ambas sa Hamat-ta. Ni hina ba, a i ki suma Juda-na magomba woi dei kambas mazid’a.

Hor ma tchina 2:2

Salad’a mi b’lak yima kaka hi suma hi Jakob-ma woi bei mi wum hohowom ba. Kur ayî mama mi to azì ma nglo ma ad’eng ma ngunguna hi Juda-na woyo, mi tom kä woi andaga, mi mbut leud’a zulona ki mat suma nglona pet mi.

Hor ma tchina 4:20

Ma ei nga ki arid’a kama, ni ma Ma didina mi manam mi tinim amulina, ni mam ba, ei nga dei kam ala ei nga ni kaka ad’u anguzumu, ei mba kagei aduk andjaf suma kamu na, gola, a vum wa ki dau mazina!

Ezekiyel 5:15

Fata an ni kak sariyad’a kak kayî mana ki hur man ma zal ma gugulu’îd’a, ndak mba d’i mbut ni vama ngula ki vama lasa ki vama tak ma mandarâ ir andjaf suma a nguyu’â. Ni an Ma didina ba, ni de na.

Daniel 9:11

Israel-lâ ki zla tazi pet a tchila yam gat manga, a noî á humung delengû. Ni yam bei hum vun mamina ba, vun ma ge ma a b’irim zlam kur gata hazong mangâ Moise-sa, mi ndja abom mbei kami wana.

Daniel 9:12

Ang ndak wa vun zla d’a ang dat kami ami kamulei suma a nga te kamina, ang mba wa ki ndak ka ngol la ti mba nga yat tu yam andagad’a ka hî d’uo d’a kami avo Jerusalem.

Daniel 9:14

Ma didina, ang nga mbami ndak ndata kami teteu, kayam ang Ma didina Alo mamina ni Ma d’ingêrâ kur sun nda ang nga lata pet. Wani ami humung nga vunang ngi.

Zakari 5:3

Mi dan kua ala: Mbaktum ndata ni vun ma ge ma mba mi ndja abom mbei yam andagad’a petna. A b’ir kurut ala a mba dik suma kula woi kur ambasa, a mba dik suma a gun tazi ir gurzulina woi mi.

Zakari 8:13

Agi suma kur leu d’a Juda-d’ina ki suma kur leu d’a Israel-lina, adjeu agi mbud’ugi ni d’igi suma a gazi vunina na aduk andjaf suma, wani ki tchetchemba, an nga ni sud’ugiya, agi mba mbud’ugi ni suma a b’e vuna kazina. Agi vagi tagi ad’enga, ar agi lagi mandar ri!

1 Tasaloni’â 2:16

A hal á d’elemi á tchi wala mandjaf suma dingâ yam zla d’a ndak á sud’uzid’a. Hina azi nga ndak vun tcho mazid’a. Wani ayîna hAlonina mi mba wa kazi gagazi.