Isai 43:24 - Bible azumeina

²⁴ Agi guzugi nga mbul ma his ma afufuîna ki bege d’a ngola kan ndi, agi hobon nga ki mbul ahle magi suma ngat buzuna d’i, wani agi b’lagan ndi djib’er manda ki tcho magid’a, agi kawan ndi ki tchila magid’a mi.

Isai 43:24 Iomraidhean Croise

Sawal la giled’a 95:10

Bizad’a dok fid’i, an gol suma kur atchogoi ndatina d’igi vama ndjendjed’a na, an dala: Sum ndazina ni suma yazi vit teina, azi we nga lovot manda d’uo mi.

Buzuk ka Abud’a 30:34

Ma didina mi de kua ala: Ang yo mbul ma his ma afufuîna, nala, mbul estaktena, mbul onisâ ki mbul galbanuma. Ang nga dubang ma his djivid’a ma d’igila hirwiling ma kal teglesâ dedeged’a tu, ang vom kam kua.

Buzuk ka Abud’a 30:7

Yorogo d’a lara pî, Aron mba mi ngal dubang ma his djivid’ina ata yima mi min lalambina.

Isai 1:14

Tan nga d’i lan djivid’a yam vun til ma agi lagizi kur bur ma deîd’a hi tilîna d’i, yam vun til ma agi lagizi kur bur ma vun til magi ma teteng ma a ngama d’uo mi. Kayam azi nga tchan aneka, an kau wa abo zi d’a ni zizid’a mi.

Isai 1:24

Kayam ndata, Salad’a Ma didin ma ad’engêm kal pet ma ad’enga hi Israel-lîna mi dala: An mba ni ka ir zla manda ki man suma djangûna! An mba ni sä atchugulun ki man suma djangûna!

Isai 63:10

Wani azi som vunamu, a zal hur Muzuk mam ma bei tchod’ina, mi mbut mazi ma djangûna, mi mbut sama mi duruzi ayînina mi.

Isai 7:13

Ata yi máma Isai mi dum ala: Agi suma hi David-na, agi humugiya! Kau d’a agi kawagi suma ki ve tad’id’a ndagagi nga d’uo tua ba, agi min kawagi Alo mana kua ki ve ta mamba mi zu?

Jeremi 44:22

Ma didina mi ndak á ve tam yam asa’at ta agi lata ki sun nda ndjendje d’a agi lata d’uo mi. Ni kayam ndata ba, ambas magid’a ti mbut vama b’laka, vama atchapma, vama a golom isâ bei fe sama kaka kurâ gak ini wana.

Jeremi 6:20

Ni djiviya me ba, a mban ki dubang ma his djivid’a ma Seba-na, ki dubang ma his djivid’a ma yam ambas sa deid’ina ge? He d’a hawa mazi d’a ngala nga d’i lan tan djivi d’i, ahle mazi suma ngat buzuna tan nga d’i lan djivi kazi d’uo mi.

Ezekiyel 16:43

Ndak djib’er nga yam yima ndak ki gogoro’â d’i, ndak zalan hurun kahlena pet. Ni kayam ndata ba, an mba ni hulongôk tit mak ka tcho ndata kak mi. An Salad’a Ma didina ni de na. Na ni ndak le nga sun nda tcho d’a zulona yam ndjendje maka d’uo zu?

Ezekiyel 6:9

Suma a mba sut tei ndazina a mba djib’er kan aduk andjaf suma a mba izi magomba kuana. A mba djib’er kan ata yi máma, kayam an ni tozi huruzi ma mizeuna ki irazi d’a nga sod’a á le gaulangâ ki filei mazinid’a woyo. Azi tazi mba gol tazi ni suma ndjendjed’a yam sun nda tcho d’a azi lata ki sun mazi d’a ndjendje d’a lara ge pet mi.

Sunda hi suma hi Levi-nid’a 3:16

Ma ngat buzuna mi ngalazi akulo yam yima ngal ahle suma ngat buzuna. Wana nahle suma te suma a ngalazi suma his suma afufuî suma avogon an Ma didinina. Yima mbulâ pet, a tinim iram vam mi an Ma didina.

Sunda hi suma hi Levi-nid’a 4:31

Mi yo mbul amuhl máma woi yam vama ngat buzuna pet, d’igi a yo mbul amuhl ma a hum vama ngat buzu ma zlap darigïd’ina na mi, mi ngalam mbei yam yima ngal ahle suma ngat buzuna. Wana ni vama his ma afufuî ma avogon an Ma didinina. Mi le ki sa máma ni hina dedege á zlup yam tcho mamba. Hina wani, an Alona mba ni vat hurun ndei yam tcho d’a mi lata.

Amos 2:13

Gola! An mba ni mired’egi kä ata yagi d’igi pus ma yo aneka kurum ma mi miret andagad’a kä na na.

Malatchi 1:14

Vun ma ged’a yam sama lop ir ma mi nga ki timi mam ma djivina aduk d’uwar mama, mi hle vunam kam á ngad’andji mi an Ma didina ko ba, mi vragam ki ma dakina. An Ma didin ma ad’engên kal petna ni de na, kayam an namul ma ngolâ, simiyên ni ma kal papa aduk suma petna mi.