Isai 43:23 - Bible azumeina

²³ Agi han nga gro tumiyô magina he d’a hawa d’a ngala d’i, agi suburun nga kahle magi suma ngat buzuna d’i. An lagi nga kad’enga á han he d’a hawad’a d’i, an kawagi nga á han andosâ hi dubang magi ma his djivid’ina d’uo mi.

Isai 43:23 Iomraidhean Croise

Nehemi 13:10

An hum kua ala a nga he te ma a ngam yam suma hi Levi-nina d’i. Kayam ndata, suma hi Levi-na ki suma hle sawal suma a tinizi a le sundina a ringâ, nge nge pî mi i ata asinem á zuma.

Buzuk ka Abud’a 30:34

Ma didina mi de kua ala: Ang yo mbul ma his ma afufuîna, nala, mbul estaktena, mbul onisâ ki mbul galbanuma. Ang nga dubang ma his djivid’a ma d’igila hirwiling ma kal teglesâ dedeged’a tu, ang vom kam kua.

Zla d’a d’ogolâ 15:8

Vama ngat buzuna hi suma asa’atnina ni vama ndjendjed’a ir Ma didina, wani tam nga d’i lum djivid’a yam tchenda hi suma d’ingêrîd’a.

Zla d’a d’ogolâ 21:27

Vama ngat buzuna hi suma asa’atnina ni vama ndjendjed’a, ni vama ndjendje ma kalâ ata yima azi mbam ki djib’er ra tchod’ina mi.

Zla d’a d’ogolâ 3:9

Ang he ngola mi Ma didina ki bege manga kahle mang suma a ne avo’â ki suma a vut avo’â pet mi.

Isai 66:3

Sama ngat amuhlîna mi tchi ni sana mi, sama mi ngat timina vama ngat buzunina mi tumî azik adina mi, sama mi he he d’a hawad’a afutina mi vo ni buzuwa kozongâ woi mi, sama ngal dubang ma his djivid’a á ge humbina, mi kud’orî fileina mi. Sum ndazina pet ni suma tazi nga d’i lazi djivid’a kur lovot mazid’ina, ni suma tazi nga d’i lazi djivid’a kur sun mazi d’a ndjendje ndatina mi.

Jeremi 7:21

Ma didin ma ad’engêm kal petna mi dala: Agi tchugugi he d’a hawa magi d’a ngala kahle magi suma ngat buzuna kam kua, agi mud’ugiziya.

Jeremi 7:22

Kayam an de nga zla kabuyogi ngolo d’oze ni hazi nga vuna yam he d’a hawa d’a ngala kahle suma ngat buzuna ata yima an buzuguzï woi kur ambas sa Ezipte-d’ina d’i.

Sunda hi suma hi Levi-nid’a 2:1

Ma didina mi de kua ala: Le sana mi he he d’a hawa d’a afuta mi an Ma didina ni, ar mi he ni afut ta adiged’id’a, mi vo mbulâ kat zlapa ki dubang ma his djivid’ina,

Sunda hi suma hi Levi-nid’a 24:7

Ang vo dubang ma his djivid’a ma d’igila hirwilingâ yam djirdi d’a lara ge. Dubang máma mi mbut ni vama ge humba d’igi he d’a hawa d’a ngala na avogon an Ma didina.

Amos 5:25

Agi Israel-lâ, kid’a agi lagi bizad’a dok fid’i abagei hur fulîd’a, na ni agi handï ahle suma ngat buzuna ki he d’a hawad’a zu?

Mise 6:3

Mi dala: Agi sum mana, an lagi ni me ge? An kawagi ni ki me ge? Agi dandiya!

Malatchi 3:8

Sana mi lop ir Alona ko zu? Wani agi lobondiya. Agi nga dagi ala: Ami lobong irang ni ki me ge? Ni kur dima ki he d’a hawad’a.

Matiye 11:30

Kayam djuk mana mafefeta, ahle man suma zid’a a nga anek kuo mi.