Isai 43:20 - Bible azumeina

²⁰ Hâna karigeta kazurei suma abageina a mba suburunu, kayam an nga ni ge mbina hur fulâ, an nga ni gäluma yam andaga d’a so d’a gangrasa, kayam man suma an manazina a tche mbina kua.

Isai 43:20 Iomraidhean Croise

Sawal la giled’a 104:21

Azlo ma azongâ nga mi tchi á hal vama mam vuma, nga mi hal te mama nata ang Alona.

Sawal la giled’a 148:10

Agi ambureina, azureina, d’uwarâ pet, agi ahle suma dram kä na kaluwei suma pira, agi gilegiziya!

Sawal la giled’a 33:12

Andjaf suma Ma didina nAlo mazinina a le furîd’a; suma mi manazi d’igi djo mama na na a le furîd’a mi.

Isai 13:22

God’eid’a mba d’i tchi kuru, hâna mba mi kak kur aziyat ma amula. Burut ar go á mbad’a, burut mba mi i avok kuo d’a.

Isai 30:25

Kur bur ma ngol ma a mba tchim suma ma gongîyo suma fuyogei suma ndjola a dris kä na, toliyonda mba d’i djangî kä yam ahuniyô suma fuyogeina, kä yam yam ndindingâ mi.

Isai 32:2

Nge nge pî adigazi mba mi mbut ni d’igi anguzu ma mi d’el simetnina na, d’oze yima ngei ma mi d’el babar ma ngolîna na, d’oze d’igi mbiyo ma mi djang yam andaga d’a so d’a gangrasina na, d’oze d’igi anguzu ahina d’a ngol la yam andaga d’a sod’id’a na mi.

Isai 33:21

Ni kua ba, Ma didina mba mi tagei ngol mamba. Ni kua ba, a mba feï alum ma gureina kalum ma bendenga, ni yima bato d’a ayîna nga d’i kal kua d’oze bato d’a a djangât ki praunid’a nga d’i kal kua d’uo mi na.

Isai 35:7

Hur ful ma kikid’i’â pî, mba mi mbut apo d’a mbina; ambas sa so d’a gangrasa pî, mba d’i mbut ambas sa lau mbina; yima hâna mi ka domina kuana pî, ped’eud’a ki tchereuna a mba deî kua.

Isai 41:17

Suma hohoud’a ki suma houd’a a nga hal mbina, a nga fum mbi. Sinazi ti so abo vun ma sod’a. An Ma didina mba ni humuziya, an Alona hi Israel-lîna mba ni arazi woi d’i.

Isai 41:18

An mba ni gäluma yam yima ndingâ, an mba ni ge mbiyo ma laud’a angra ahuniyôna, an mba ni mbut hur fulâ apo d’a mbina, an mba ni mbut andaga d’a so d’a gangrasa yima djang mbina mi.

Isai 43:19

Gola! An nga ni le vama awilina. Ki tchetchemba, mi nga mi mba. Agi mba wum mbuo zu? An nga ni ge lovota hur fulâ, an nga ni gäluma yam andaga d’a so d’a gangrasa mi.

Isai 48:21

Vunazi mba mi so yam andaga d’a so d’a gangras sa mba mi tinizi kuad’a d’i, mba mi djangâzi mbina ata ahinad’a, mba mi wak ahinad’a, mbina mba mi djang ngei mi.

Isai 49:10

Meid’a mba d’i tchazi d’i, vunazi mba mi so d’i. Yima aku ma huwa’â kafata a mba lazi ndaka d’i, kayam an ma wazi hohowozina mba ni ndjunuziya, mba ni tinizi ata mbiyo ma laud’a mi.

Isai 65:15

Simiyêgi mba mi arî vama suma an manazina a ge ki vuna mi suma ala: Ar Salad’a Ma didina mi tchagi woyo na. Wani an ni tin azungeî mana simi ma dingâ.

Jeremi 31:9

Azi mba mba ki tchina. An mba ni b’lengêzi huruziya, an mba ni i ki sed’ezi avun toliyon nda mbina ki lovot ta papana d’a azi mba puk kä kua d’uo d’a. Kayam an ni Israel Abumu, Efraim ni goron ma ngolâ mi.

Joel 3:18

Kur bur máma süm guguzlud’a mba mi djangî kä yam ahuniyôna, ambira mba d’i djangî kä akulo yam yima ndingâ, toliyon nda Juda-d’a pet mba d’i lau mbina, mbina mba mi lawï kur gong nga kud’ora hi Ma didinid’a, mba mi rap yam hor ra Sitim-mba.

Marik 13:20

Ladjï Ma didina mi dadagï burâ go d’uo ni, sana mba mi fe suta d’i, wani ni kayam suma mi manazina ba, mi dadak ki burâ wana.

Jean 4:10

Jesus mi hulong dat ala: Ladjï ndak we he d’a hawad’a hAlonid’a ki an ma ni dak ala: Ndak hanï mbiyo do’, an tche na ni, ni ndak ba mba tchenen mbiyo ma tched’a, an mba ni hak mbiyo ma he arid’ina mi.

Jean 4:14

Sama lara pî ma tche mbiyo ma an humzina, vunam dok so d’uo d’a, wani mbiyo ma an humzina mba mi mbut ir mbiyo ma laud’a kurum á hum ari d’a didinda.

1 Pierre 2:9

Wani agi nandjaf ma Alona mi manama, agi namulei suma ngat buzuna, agi nandjaf ma a tinim iram vama, agi ni suma hAlonina mi. Mi managi kayam agi tagagi sun nda djivid’a hAlo ma yagi woi kur nduvunda á igi kur b’o mam mba kal papad’ina woyo.

Vama ndum mbeina 17:14

Azi mba dur ayîna ki Gor timina, wani Gor timina mba mi kus kaziya, kayam mam mi Sala suliyod’a, nAmulâ hamuleinina mi. Mam mba kus kazi ki sum mama; azi ni suma yid’a, ni suma manda, ni mam suma d’engzengâ mi.

Vama ndum mbeina 21:6

Mi dan kua ala: An le wa da’. An ni Alfa, an ni Omega, an nAd’u tinda, an ni Yam mba dabid’a mi. Sama vunam sona, an mba ni hum mbiyo ma lau ma arina á tched’a hawa.

Vama ndum mbeina 22:17

Muzu’â hAlonina katcha d’a telet awilid’a a dala: Ang mbeya! Sama huma, mi dala: Ang mbeya! Sama vunam sona, ar mi mbeya; sama min mbiyo ma arinina, a mba humzi ni hawa.