Isai 43:15 - Bible azumeina

¹⁵ An ni Ma didina magi ma bei tchod’a ba ma le Israel-lîna, an namul magina.

Isai 43:15 Iomraidhean Croise

Sawal la giled’a 149:2

Ar Israel mi le furîd’a yam Alo ma mi luma, ar suma kur Siyon-na a le hur ma hapma yam amul mazina.

Sawal la giled’a 74:12

Alo mana, angî amul ma kad’u tinda dedeina, angî ma prut suma woi avun ayîna yam andagad’ina.

Isai 30:11

A ni suma a nga dazi ala: Agi d’ezegi woi kur lovota, agi walagi woi ki lovot ta gureid’a, agi hud’ugi sä woi ki Ma tin tam irat vat yam Israel-lîna hina dei avoromiya na.

Isai 31:1

Ni zla d’a hohoud’a yam suma a nga i Ezipte á hal ndjundina. Azi ni suma a deng tazi yam akulumeinina, ni suma a tin huruzi yam pus ma dur ayîna yam ablau mambina, ni suma a tin huruzi yam suma djang akulumeina ala a ad’enga heyû na. Wani azi ni suma a nga tin irazi yam Ma tin tam irat vat yam Israel-lîna d’uo suma a nga hal Ma didina d’uo mi na.

Isai 33:22

Ma didina ni mei ma ka sariyad’a, ni mei ma dei gatina, namul meina, ni ma sud’ina mi.

Isai 40:25

Ma bei tchod’a ba na mi dala: Agi ngan ndi ni ki nge ge? An hle tan ni ki nge ge?

Isai 41:14

Agi Israel suma hi Jakob-ma, agi suma suma a gologi d’igi ndjuvul ma gorâ na na, agi suma suma a mired’egi kä d’igi ndjuvulâ na na, agi lagi mandar ri! An tan nga ni mba á ndjunugiya! An Ma didin ma tin tan irat vat kagi Israel-lîna, ni dala: An nga ni hle zla magid’a hur abonu.

Isai 41:16

Agi mba sirizi woyo. Simetna mba mi siraziya, mbirlimba mba d’i ndjoyôzi woi mi. Wani agi mba lagi furîd’a kan an Ma didina, agi mba suburugi tagi kan an Ma tin tan irat vat kagi Israel-lîna mi.

Isai 41:20

kayambala suma pet a gola, a we, a we woi tetet ala Ni an Ma didina ba, ni lahle ndazina kabonu, ni an Ma tin tan irat vat yam Israel-lîna ba, ni laziya.

Isai 41:21

Ma didina mi de malo ma ka zlad’a ala: Agi mbeï dagi ad’u zla magid’a woyo. An amulâ hi Jakob-ma ni dala: Agi dagi zlad’a á pad’agi zlad’a kagi woyo.

Isai 43:1

Agi Israel suma hi Jakob-ma, ki tchetchemba, Ma didin ma lagi mi gagina nga mi dagi ala: Agi lagi mandar ri, kayam an wurak kagiya, an yagi ki simiyêgiya, agi ni sum mana mi.

Isai 43:21

Suma an lazina a mba de woi yam subur manda.

Isai 43:3

Kayam an Ma didina nAlo magina. An Ma tin tan irat vat kagi Israel-lîna ni magi ma suta. An he Ezipte á wurak kagiya, an he Etiyopi ki Seba á vrak blangâgi mi.

Isai 43:7

Agi mbeyegï ki suma pet suma a nga yan simiyêna, suma pet suma an lazina, suma an tchuguzina, suma an minizi á tagan subur manda woina mi.

Isai 44:6

Ma didina amulâ hi Israel-lâ ma mi wurak kazi ma ad’engêm kal petna, mi dala: An tu ni Ma avo’â, an ni Ma danana. Alo ma ding nga woi keng vam mbi.

Isai 45:11

Ma didin ma tin tam irat vat yam Israel ma mi minima mi dala: Na ni sana ndak á djobon yam vama nga mbana, d’oze mi han vuna yam grona ki sun nda an lat kabonda mi zu?

Isai 47:4

Ma wurak keina a yum ala Ma didin ma ad’engêm kal pet ma tin tam irat vat yam Israel-lîna.

Isai 48:17

Ma didin ma wurak kagi ma tin tam irat vat kagi Israel-lîna mi dala: An Ma didina Alo magina, an nga ni had’agi yam djivi magid’a, an nga ni tinigi kur lovot ta agi nga tid’igi kuad’a.

Jeremi 51:5

Kayam ambas sa Babilon-nda ti oî ki tchod’a avok Ma tin tam irat vat yam Israel-lîna. Hina pet pî, Israel-lâ ki suma Juda-na, Alo mazi Ma didin ma ad’engêm kal petna mi arazi nga woi d’i.

Habakuk 1:12

Habakuk mi de kua ala: Ei dedei angî Ma didina Alo man ma bei tchod’a, ang nga mit ti. Ma didina, angî ahina manda, ang tin suma djangû ndazina, ang hazi ad’enga á gad’amiya.

Matiye 25:34

Ata yi máma, an amulâ mba ni de mi suma yam bigan nda ndjufina ala: Agi suma Abun mi b’e vunam kagina, agi mbeyegïya, agi tagi leu d’a a minit kagi kad’u tinda hi duniyad’a deid’a.

Vama ndum mbeina 3:7

Ang b’ir mbaktumba mi malaika ma nga yam Tok ka Filadelfi-d’ina. Wana nahle suma Ma bei tchod’a ma gagazi ma nga ki lakled’a hamulâ David-ta aboma, le ni mala, sama ndak á duka nga d’i, le ni duga, sama ndak á mala nga d’uo mi na mi dazina: