Isai 43:10 - Bible azumeina

¹⁰ Ma didina mi dala: Agi ni glangâs mana, agi nazungeî man suma an managina. Ar agi wagiya, ar agi hagi gagazid’a kanu, ar agi wagi ad’ud’a ala avogon alo ma ding nga d’i, blogon alo ma ding nga d’uo mi.

Isai 43:10 Iomraidhean Croise

Sawal la giled’a 102:27

Aziya, a mba b’lak kei pet, wani angû, ang mba kak gak didin. Azi mba mbut adjeud’a d’igi baruna na. Ang mba vragazi d’igi baruna na; azi mba mbut ni vama vraka.

Buzuk ka Abud’a 8:6

Faron mi hulong dum ala: Navini. Moise mi dum ala: Mba le na, kayam ang wala vama hle tam d’igi Ma didina Alo mamina na na nga d’i.

Isai 41:20

kayambala suma pet a gola, a we, a we woi tetet ala Ni an Ma didina ba, ni lahle ndazina kabonu, ni an Ma tin tan irat vat yam Israel-lîna ba, ni laziya.

Isai 41:4

Ni nge ba, mi ndak vun ahle ndazina ge? Ni Ma mi yi andjaf suma kad’u tinda deina. Ni an Ma didin ma lahle ndazina avok deina, ni an ba, mba ni lahle suma kur atchogoi d’a danandina mi.

Isai 41:8

Ma didina mi de kua ala: Agi Israel-lâ azungeî mana, agi suma hi Jakob ma an manama, agi andjafâ hi banana Abraham-ma,

Isai 42:1

Ma didina mi dala: Wana nazong man ma an nga ni ndjunuma, ni ma an manam ma tan ndi lan djivid’a heî kama. An hum Muzuk mana á tak sariya d’a gagazid’a woi mandjaf suma mi.

Isai 43:12

Ni an ba ni de woyo; ni an ba ni sut suma; ni an ba ni tak ahle suma a mba lena mi. Nga nalo ma ding ma adigagina d’i. Agi tagid’a ni glangâs mana. Kayam ndata, an Ma didina ni dala: Ni an ba nAlona!

Isai 45:5

An ni Ma didina, ma ding nga d’i. Alo ma ding nga woi keng vam mbi, ni an tu. An djining ad’enga atang d’igi sana mi djin d’i’â furum na avok bei ang wan ba,

Isai 45:6

kayambala tinï ad’ud’a abo ma yorogona dei gak nde sä woi abo ma fladegena tala suma a wala Alo ma ding nga woi keng vam mbuo d’a. An ni Ma didina, ma ding nga d’i.

Isai 48:12

Ma didina mi de kua ala: Agi Israel suma hi Jakob suma an yagina, agi humugiya. An tu ni Ma avo’â, an ni Ma danana mi.

Isai 49:23

Amuleina a mba mbut nabuyok suma a wulu’â, amulei suma aropma a mba mbut nasuyok suma a wulu’â, a mba grif kä avorok ki irazi andaga, a mba trâk gugum ma huyok ase’â woyo. Ndak mba d’i wala an ni Ma didina. Suma a tin huruzi kana a mba mbut zulona d’i.

Isai 55:4

Gola! An tinimî ma glangâsâ yam suma, ma tak lovota mi suma, ma te yam suma mi.

Wana ni mbaktumba hi Aze-d’a 2:23

Ma didin ma ad’engêm kal petna mi de kua ala: Kur bur máma Zorobabel Salatiyel goroma, azong mana, an mba ni hlangû, an mba ni ngomongî d’igi tampong mana na, kayam an manangû. Wana ni zla d’a an Ma didin ma ad’engên kal petna ni data.

Jean 15:27

Agi mba lagi glangâsâ kan mi, kayam agi nga ki sed’en ni kad’u tinda dei.

Jean 20:31

A b’ir ahle ndazina ni kayambala agi hagi gagazid’a ala Jesus ni Mesi Alona Goroma d’a, ni yam he gagazid’a ba, agi mba fagi arid’a ki simiyêmu.

Sunda hi suma a sunuzinid’a 1:8

Wani fata Muzuk ma bei tchod’a ba na mba mi mba kagid’a, agi mba fagi ad’enga, agi mba mbud’ugi man suma glangâsâ kur Jerusalem ki Jude pet ki Samari gak dabid’a handagad’id’a.

1 Korente-na 15:15

Kal pet ami mbud’umi ni suma le glangâs ma aboina yam Alona, kayam ami dami ala: Alona mi tchol Christ akulo aduk suma matna. Wani le suma matna a mba tchol akulo d’uo ni, Alona mi tchol nga Christ akulo d’uo mi.

Gat ta a hat á mbàd’id’a 32:39

Ki tchetchemba, agi wagi woi ala ni an tu ba nAlona. Alo ma ding nga ki sed’en ndi. Ni an ba ni tchi sana; ni an ba ni ar sana karid’a; ni an ba ni ka sana mbilâ; ni an ba ni tchilim mbilim mi. Sama ndak á prut sana woi abona nga d’i.

Gat ta a hat á mbàd’id’a 4:35

Agi wagi ahle ndazina woi tetet, nala, agi wagi woi tetet ala Ma didina tu nAlona. Ma ding ma d’igi mam na na nga d’i.

Gat ta a hat á mbàd’id’a 4:39

Agi wagi ini woi tetet, agi vagi zla ndata kurugi ala Ma didina tu nAlona; sä akulo hur alona d’oze yam andagad’a ka hî, alo ma ding nga d’i.

Filip-ma 2:7

Wani mi fok tam mba subura woyo, mi hle tad’a hi magomid’a, mi mbut tam dedege d’igi suma na.

Kolos-sâ 1:7

d’igi ndrami ma sunda Epafras ma ami lami kam heîna mi had’agi na. Mam mi ma sun ma d’engzengâ hi Christ-sâ kagiya.

Vama ndum mbeina 1:2

Jean mi dahlena pet suma mi wazina, ni zla d’a tcholï avun Alonid’a ki gagazi d’a Jesus Christ mi ndat teid’a.

Vama ndum mbeina 3:14

Ang b’ir mbaktumba mi malaika ma nga yam Tok ka Lawodise-d’ina. Wana nahle suma ma Amin ma glangâs ma d’engzeng ma gagazi ma nad’u tinda hahlena pet suma Alona mi lazina mi dazina: