Isai 42:7 - Bible azumeina

⁷ á mal ir suma duka woyo, á buzuk suma a nga kur dangeinina ki suma a nga kaka kur gongîyo suma dangeina ata yima nduvundina woi abu mi.

Isai 42:7 Iomraidhean Croise

Sawal la giled’a 97:7

Suma a nga kud’or fileinina ki suma a subur tazi kama pet a mba mbut zulona, alona pet mi grif kä avok Ma didina mi.

Isai 29:18

Kur yi máma suma ngela a mba hum zla d’a kur mbaktumbid’a. Ata yi máma suma duka a buzuguzï woi kur nduvunda ata yima wura ma i’îli’â, a mba we yina.

Isai 35:5

Ata yi máma suma duka irazi mba d’i mal leyo, suma ngela humazi mba d’i mal lei mi.

Isai 42:16

An mba ni tit ki suma duka kur lovot ta azi wat nga d’uo d’a, an mba ni tinizi kur lovot ta gurei d’a azi wat nga yazi tu d’uo d’a, an mba ni mbut nduvunda b’od’a avoroziya, yima djodjohlâ an mba ni mbud’um yima abo tam tuna mi. An mba ni ndak vun ahle ndazina, an mba ni arazi bei led’a d’i.

Isai 42:22

Gola! Nandjaf suma a yozi ahligiyezi a hurumuzina. Azi pet ni suma a tchuguzi kä kur zulina, a nga ngeid’a kä kur gongîyo suma dangeina ata yima nduvunda. Azi mbut ni vama hurumba, wani sama prud’uzi woina nga d’i, a yozi ahligiyeziya, wani sama mi dala: A hulongôziziya na nga d’i.

Isai 49:9

á de mi suma kur dangeinina ala: Agi buzugugi woyo, á de mi suma a nga kur nduvundina ala: Agi buzugugi woyo mi. Azi mba te hatna avun lovota d’igi tumiyôna na, azi mba te hatna akulo yam yima ndingâ pet mi.

Isai 61:1

Muzu’â hi Salad’a Ma didinina mi nga kaka kanu, kayam Ma didina mi von mbulâ kan mi tinin iran van ná tchi wal zla d’a djivid’a mi suma hohoud’a. Mi sunun ná b’leng hur suma huruzi mi b’la’â, á tchi wala mi suma a yozi magombina á tchuguzi akulo, á tchi wala mi suma a nga kur dangeinina á tchuguzi akulo mi,

Isai 9:2

Ma didina, ang mba zuluziya, ang mba tinizi á le furîd’a, a mba le furîd’a avorong d’igi suma a nga le furîd’a ata yima fet awunina na, d’igi suma a nga er ad’uzi akulo ki hur ma hapma ata yima a nga b’rau ahle suma a yozï avun ayînina na mi.

Mise 7:9

Ami mba vami tami kur ayîna hi Ma didinina, kayam me ami lami tchod’a avoromu. Wani yina nga mi mba, mba mi ndjunumiya, mba mi kami sariya mamid’a mi. Mba mi ndami woi kur b’od’a, ami mba golomi d’ingêr mamba mi.

Matiye 11:5

Suma duka a nga we, suma dileîd’a a nga tid’a, suma libina a nga yak keyo, suma ngela a nga huma, an nga ni tchol suma matna akulo, an nga ni tchi wal Zla d’a Djivid’a mi suma hohoud’a mi.

Wana ni Zla d’a Djivi d’a Luc mi b’irita 24:45

Ata yi máma, mi malazi djib’er mazid’a woi á wäd’u mbaktumba hAlonid’a.

Jean 9:39

Jesus mi dala: An mba kur duniyad’a ná ka sariyad’a, kayam suma bei wed’a a we, suma wed’a a duk mi.

Jean 9:7

mi dum ala: Ang i mbus irang kur gring ma Silowe-na. Ad’ut nala, Suna. Kayam ndata, sama duka i mbus iramu, mi hulongî, nga mi we yina.

Sunda hi suma a sunuzinid’a 26:18

Ar ang malazi irazi woyo, azi ar nduvunda, a mba kur b’od’a; a buzuk kei ad’u ad’enga hi Seitan-nda, a mba gen Alona kayam a he gagazid’a kanu. Hina wani, Alona mba mi vat hurum mbei yam tcho mazid’a, azi mba zlap tu ki sum mama.

2 Korente-na 4:6

Kayam Alo ma dala: Ar b’od’a ti b’o kur nduvunda na, ni ma nga b’o kuri kayam ei wei subura hAlona d’a nga d’i b’o avok Christ-sa.

2 Timote 2:26

Azi mba mba kur we d’a irata á buzuk kei kur dauna hi Diable ma vazina, á le minda hAlonid’a mi.

1 Pierre 2:9

Wani agi nandjaf ma Alona mi manama, agi namulei suma ngat buzuna, agi nandjaf ma a tinim iram vama, agi ni suma hAlonina mi. Mi managi kayam agi tagagi sun nda djivid’a hAlo ma yagi woi kur nduvunda á igi kur b’o mam mba kal papad’ina woyo.

Vama ndum mbeina 3:18

Kayam ndata, an nga ni dangû, ar ang gus lor man nda a yorot kakud’id’a tala ang mbut sama ndjondjoîna d’a. Ang gus baru d’a hapa tala ang tchugut atang ang ngei zulo mang ma gandilad’a mi d’a. Ang gus kuma ma ira, ang gum irang kayam ang we woi tetet.