Isai 42:25 - Bible azumeina

²⁵ Kayam ndata, mi mba kayî mam ma bibiliuna kaziya, mi mba kayî ma dur ma tchona kazi mi. Nga mi ngalazi ata yima lara ge pet, wani azi min nga á we va tu d’i. Mi nga mi ngalaziya, wani a nga tin humazi kam mbi.

Isai 42:25 Iomraidhean Croise

2 Amuleina 25:9

Mi ngal gong nga kud’ora hi Ma didinid’a kazì ma amula kazì ma ding ma Jerusalem-ma pet, mi ngal azì ma nglo ma dingâ woi kakud’a pepet mi.

Wana ni mbaktumba hi Job-pa 40:11

Gola! Ad’engêm nata furumu, sib’igim nata hliwim krovo mi.

Isai 29:13

Salad’a mi dala: Ata yima sum ndazina a nga hud’ï gevena, a suburun ni ki vunaziya. Wani huruzi ni woi dei ki sed’enu. Le d’a a nga lan mandaranda ni yam vun ma hed’a hi suma ma a had’azizina.

Isai 47:7

Ndak dala: An mba ni ka’î d’a kal teglesa hina gak didin! Ndak djib’er nga yam ahle suma a lena d’i, ndak nga djib’er yam ahle suma a nga mbana d’uo mi.

Isai 48:8

Wani agi humugi nga d’i, agi min wagi ad’ud’a d’i, agi djib’eregi nga d’uo mi. An wagi agi ni suma mbut ira ki vut magid’a dei, a yagi ala suma tchila yam gata mi.

Isai 5:25

Kayam ndata, Ma didina hurum zal ngola yam sum mama. Mi hlabom akulo, mi toziya, ahuniyôna a giged’a, mad’a suma mi sam kä woi ir palumba d’igi asuna na. Hina pet pî, hurum mi b’leng nga d’i, abom mi ar nga zid’a akulo kamzi.

Isai 57:1

Wani ma d’ingêrâ nga mi ba woyo, sama mi djib’er yam zla ndatina nga d’i. Suma djivina a nga yozi woyo, wani sama mi wad’ud’a ala a hle sama d’ingêrâ woi ná prud’um mbei kur asa’ata na nga d’i.

Isai 57:11

Agi lagi mandarâ nabo nge ba, agi kandi zlad’a, agi djib’eregi kan nduo, agi walagi woi dei ki an nge? An kak bei de zlad’a ni dedei. Ni kayam ndata ba, agi nga gagi yagi kä avoron nduo wana.

Isai 9:13

Kayam ndata, Ma didina mba mi ka yamba kandjaud’a kabo amilaûna ki tchereuna woi aduk Israel-lâ kur bur ma tuna mi.

Isai 9:19

A nga hurum ahlena abo ma ndjufâ, wani meid’a nga d’i arazi d’i, a nga hurum ahlena abo ma gulana, wani a nga hop pi. Nge nge pî nga mi mut ni hliwim mam tamba.

Jeremi 12:11

A mbut ambasa djona, ti mbut hohoud’a, a nga yor tazi avoronu. Ambasa pet ti mbut djona, kayam sama djib’er kat tu pî nga d’i.

Jeremi 5:3

Ma didina, ang halî d’engzenga d’uo zu? Ang toziya, wani a gol to ndata ni va d’i. Ang lazi á dabazi woyo, wani azi hum nga gat ndata d’i. A le yam mba ad’enga, a noî á hulongî gevengû.

Jeremi 7:20

Kayam ndata, Salad’a Ma didina mi dala: Gola! An tchol kayîna ki hur ma zala yam yima wana, yam suma, yam d’uwarâ, yam agu ma abageina, yam ahle suma a nga vut yam andagad’ina mi. Ayî mana mba mi ngalazi woi d’igi akud’a na bei mit tei ba.

Hor ma tchina 2:3

Kur ayî mam ma bibiliuna, mi kus ad’enga hi Israel-lîd’a woi pet. Ata yima mazi ma djangûna mi mbana, mi arazi bei ndjunda. Mi do akud’a ata suma hi Jakob-ma, ti ngal yina ti nguyuzi woi d’uhl mi.

Hor ma tchina 2:4

Mi ndir yeû mamba d’igi ma djangûna na, mi zi abom ma ndjufâ woi d’igi ma tchi suma na, mi b’lak ahle suma djivid’a á golina woi pet, mi do ayî mama d’igi akud’a na ata Jerusalem.

Ezekiyel 20:34

An mba ni buzugugï woi aduk andjaf suma, an mba ni togogi kur ambas sa agi ndjoyôgi woi kuad’a kabon ma ad’engâ ki bigan nda zid’a akulo kan zid’a ki hur man ma zal ma gugulu’â mi.

Wana ni mbaktumba hi Oze-d’a 7:9

Andjaf suma dingâ a nga tazi ad’engêziya, wani azi nga we d’i. Abusa nga d’i deî kazi ko, wani azi nga we d’uo mi.

Nahum 1:6

Ni nge ba, mba mi tchol avorom ata yima hurum zalâ ge? Ni nge ba, mba mi tchol avok ayî mam ma bibiliuna ge? Hur mam ma zala nga mi ngal d’igi akud’a na, nga mi to ahuniyôna woyo.

Malatchi 2:2

Le agi humugi d’uo, le agi tinigi nga hurugi á suburun simiyên nduo ni, an mba ni gagi vuna, an mba ni b’lagagi djivi magid’a woyo. Gagazi, an mba ni b’lagat teyo, kayam agi vagi nga zla manda kurugi d’i.

Gat ta a hat á mbàd’id’a 32:22

Kayam ayî mana mba mi fo d’igi akud’a na, mba mi ngal gak mi i kä ata yima azuleina, mba mi ngal andagad’a kahle suma katna woyo, mba mi ngal ahinad’a kad’ut ta kä d’a woi mi.