Isai 42:24 - Bible azumeina

²⁴ Ni nge ba, mi he Israel suma hi Jakob-ma mi suma á hurumuzi á yozi ahligiyezi mi ge? Ni Ma didin ma ei lei tchod’a avoroma d’uo zu? Israel-lâ a min nga á tit kur lovot ta Alo mazina mi tagazizid’a d’i, a hum nga gat mamba d’uo mi.

Isai 42:24 Iomraidhean Croise

2 Sunda Hamuleinid’a 15:6

Andjaf ma dingâ nga mi dur ayîna ki ndram andjaf ma dingâ, azì ma ngolâ nga mi dur ki ndram azì ma ngolâ mi, kayam Alona mi b’lagazi djib’er mazid’a woi ki ndak ka lara ge pet.

2 Sunda Hamuleinid’a 36:17

Kayam ndata, Ma didina mi sunï amul ma Babilon-na ataziya. Mi tchi azungeî mazina ki mbigeu d’a fiyaka kur gong mazi d’a kud’ora. Alona mi ar nga gor azong ngoze gor wei d’oze mamar roze ma yam abus si, mi hazi woi abo amul ma Babilon-na pet.

Sawal la giled’a 81:12

Wani sum mana a humun nga vunan ndi; Israel-lâ a minin nga d’uo mi.

Sawal la giled’a 81:13

Kayam ndata, an arazi kur hur mazi ma b’al ma kiki na; a tit bugol nga hur mazina mi.

Isai 30:15

Salad’a Ma didin ma tin tam irat vat yam Israel-lîna mi dala: Le agi kagagi tchugot agi hulongôgi atanu ni, an mba ni sud’ugiya. Le agi kagagi tchugot agi tinigi hurugi kanu ni, nad’eng magid’a. Wani agi minigi nga d’i!

Isai 42:23

Ni nge adigagi ba, mba mi tin humam á hum ahle ndazina ge? Ni nge ba, mi min hum vama nga mi mbana ge?

Isai 45:7

An le b’od’a, an le nduvunda mi. An le b’leng nga halasa, an le ndaka mi. Ni an Ma didina ba, ni lahle ndazina wan pet mi.

Isai 47:6

Gola! An hurun zal adjeu ata sum mana, an mbut man suma an tazi djonina zulona, an haksi hur abogu. Ndak wazi nga hohowozi d’i, ndak ge djuk mak ma ane’â kel momorogeina.

Isai 48:18

Ladjï agi gagi yagi kä ad’u vun man ma hed’a ni, b’leng nga halas magid’a mba d’i mbut ni d’igi aluma na! D’ingêr magid’a mba d’i mbut ni d’igi abil ma kur alum ma ngolîna na mi.

Isai 57:17

Ni kayam d’od’ok mazi d’a tchod’a ba, kur ayî mana an toziya, an min wazi ki iran ndi. Wani azi nga i avogovok kur so vun mazina, kur djib’er mazi d’a kuruzi krovod’a mi.

Isai 63:10

Wani azi som vunamu, a zal hur Muzuk mam ma bei tchod’ina, mi mbut mazi ma djangûna, mi mbut sama mi duruzi ayînina mi.

Jeremi 44:10

A ge nga yazi kä d’uo gak ini, a le nga mandar ri, a tit nga yam gat manda ki vun ma he man ma an tinigizi avorogi kabuyogi ngolona d’i.

Jeremi 5:15

Ma didina mi de kua ala: Agi Israel-lâ, gola! An nga ni mbeï kandjaf ma dingâ ata yima dedeina á durugiya. Nandjaf ma ad’engâ, nandjaf ma mi nga adjeu dedeina, nandjaf ma agi humum nga vunam mbuo na, ni ma agi nga wagi ad’u vama mam nga mi duma d’uo na mi.

Hor ma tchina 1:14

Mi djinin tcho manda kelen d’igi dju’â na, ti mol yam tat gak ti mba kelen mbeî, mi daban ad’engên ndeyo. Salad’a mi han abo suma an ndak á tchol avorozi d’uo na.

Hor ma tchina 1:18

Ma didina ni ma d’ingêrâ, kayam an ni som vunamu. Agi suma pet, agi humugiya, agi wagi pupuluk manda. Yugunei mana kazungeî mana, a izi wa magomba.

Daniel 1:2

Salad’a mi he Jojakim abo Nebukanezar, mi bongôm lovota á yo ahle suma a nga kur gong nga kud’ora hAlonid’ina nde. Mi yo suma dingâ magomba, mi izi kur ambas sa Babilon-nda, mi tchuk ahle suma mi yozï hurumbina kur gong nga ngom ahlena kur gong nga kud’ora halo mamid’a.

Amos 3:6

Le adif fa ayîna ti tchi kur azì ma ngolâ ni, suma a ba bei le mandarâ zu? Na ni ndaka ti mba kur azì ma ngolâ bei Ma didina mi wat tchu?

Matiye 22:7

Wani amulâ hurum zal ngola, mi sun azigar mama á tchi suma tchi mat ndazina woyo, a ngalazi aziyazi woi mi.

Gat ta a hat á mbàd’id’a 28:49

Ma didina mba mi tcholï kandjaf ma dei ma sä avun dabid’a handagad’a ma agi nga humum vunam mbuo na. Mba mi sir asem kagi kä d’igi agigilauna mi sir asem yam vama mi vuma na.

Gat ta a hat á mbàd’id’a 32:30

Ladjï an Ahina mazi d’a suta ni guzuzi woi abo mazi suma djangûna d’uo, an Ma didina ni hazi abo mazi suma djangûna d’uo ni, ni nana ba, sama tuna, mi dik suma dubuna ge, ni nana ba, suma mbàna, a dik suma dudubu dogona ge?

Suma ka sariyad’a 10:7

Ma didina hurum zal yam Israel-lâ ngola, mi hazi woi abo suma Filistê-na ki suma Amon-na.

Suma ka sariyad’a 2:14

Ma didina hurum zal ngola ata Israel-lâ, mi hazi abo suma a hurum ahlena hi sumina, a hurumuziya. Mi guzuzi woi abo mazi suma djangû suma a nguyuzina. Kayam ndata, azi ndak nga á tchol avok mazi suma djangûna d’uo d’a.

Suma ka sariyad’a 3:8

Ma didina hurum zal ata Israel-lâ ngola, mi hazi woi abo Kusan-Risatayim amul ma Mesopotami-na. Israel-lâ a le sunda mi Kusan-Risatayim gak bizad’a klavandi.