Isai 42:20 - Bible azumeina

²⁰ Ang wahlena ngola, wani ang djib’er nga kazi d’i; ang tin humang á humba, wani ang nga hum mbi.

Isai 42:20 Iomraidhean Croise

Sawal la giled’a 107:43

Ar sama ned’a mi kak ki ned’a yam ahle ndazina, ar mi wäd’u sun nda o d’a didin nda Ma didina mi lata mi.

Isai 1:3

Amuhlâ mi we salama, korona mi we kupma hi salamina mi, wani Israel-lâ a nga wan ndi, sum mana a nga wäd’u zlad’a d’uo mi.

Isai 58:2

Burâ pet azi nga halanu, a min á we lovot manda d’igi andjaf suma a nga tit yam d’ingêra suma a nga wal lei ki gat ta Alo mazina mi tinizizid’a d’uo na na, a nga halan ala an tinizi gat ta d’ingêra, azi min ala an hud’ï geveziya.

Isai 6:9

Ata yi máma mi dan ala: Ang i de mi sum ndazina ala: Agi mba humugi djiviya, wani agi mba humut ad’ut ti. Agi mba gologi djiviya, wani agi mba wat ad’ut tuo mi.

Jeremi 6:10

Jeremi mi dala: An de zlad’a ni mi nge ge? An le glangâsâ ni mi nge ba, mba mi humun nge? Gola! A duk humazi woyo, a ndak á hum mbi. Zlad’a hi ang Ma didinid’a ti mbut ni vama ngula ataziya, tazi nga d’i lazi djivi kat tuo mi.

Ezekiyel 33:31

Azi mba tok geveng ablaud’a. Sum mana a mba kak kä avorongû. Azi mba hum zla manga, wani azi mba le sunda kat ti, kayam azi nga de zla d’a djivid’a ni ki vunazi abua, wani huruzi ni tinda yam fe mazid’a.

Ezekiyel 33:32

Gola! Ang irazi ni d’igi sama we sawala djivid’a mi hlat ki del la djivid’a mi bu ahlena ad’ut memetna na mi, kayam azi hum zla manga, wani a nga le sunda kat ti.

Ndumba 14:22

Suma pet suma a we subur manda kahle suma simat suma an lazi avo Ezipte kabagei hur fulâ suma a kugun ndei yazi dogo suma a humun nga vunan nduo na,

Matiye 13:13

Ni kayam ndata ba, an nga ni dazi zlad’a ki d’ogolâ wana, kayam azi nga gola, wani a nga we d’i; azi nga huma, wani a nga humut ad’ut ti, a nga wad’ud’a d’uo mi.

Romê-na 2:21

Ang ma nga hat suma dingîna, ni kayam me ba, ang nga hat tang nguo ge? Ang ma nga tchi wala ala: Ar sa mi kul li, ni kayam me ba, ang kul ge?

Gat ta a hat á mbàd’id’a 4:9

Moise mi dazi kua ala: Wani agi gologi tagi djivi burâ ki burâ kur kak magi d’a yam andagad’id’a tala ahle suma agi wagizi ki iragi pet wana, agi maragizi d’i, ar a buzuk kei kurugi d’uo mi d’a. Agi had’agizi mi grogina ki grogi ngolona mi.