Isai 42:13 - Bible azumeina

¹³ Ma didina nga mi djï d’igi grang ma durâ na, zlezleû mamba nga d’i zud’um d’igi ma dur ayîna na, nga mi yi tau d’a durâ, nga mi er ad’um akulo, nga mi kus yam mam suma djangûna mi.

Isai 42:13 Iomraidhean Croise

Sawal la giled’a 118:16

Ma didina abom ma ndjufâ mi nga zid’a akulo zi; Ma didina abom ma ndjufâ nga mi le sunda kad’enga.

Sawal la giled’a 78:65

Ata yi máma Salad’a mi zlit akulo d’igi sama mi bur senina na, d’igi sama ad’eng ma mi tche süma mi er kad’um akulona na mi.

Isai 26:11

Ma didina, abong nga zid’a akulo, wani azi wum nga d’i. Azi mba we zlezleû mang nga yam sum mangîd’a. Zulona mba mi laziya, akud’a mba d’i ngal mang suma djangûna woi mi.

Isai 31:4

Gola! Ma didina mi dan ala: D’igi azlona d’oze azlo ma azongâ nga mi ngop ades suma pola yam vama mi vuma, nga mi le mandarâ abo siwel mazid’a á arazi lovota d’uo na, an Ma didin ma ad’engên kal petna mba ni le hina fata ni tchuk asen kä yam ahina d’a Siyon-nda á dur ayîna kuad’a.

Isai 37:32

Kayam suma a ara a mba buzugï woi Jerusalem, suma a sut teina a mba buzugï woi yam ahina d’a Siyon-nda. Wana ni vama an Ma didin ma ad’engên kal petna tan ndi lan zlezleû kama.

Isai 63:15

Ang ma sä kaka akulo ata yi mang ma ang tinim iram vam ma suburina, ang golï irang kä. Zlezleû manga ki djivi manga a nga ni lara ge? Ang ar bei hat hurung kan bei wan hohowon nana ge?

Isai 66:14

Agi mba wahle ndazina, agi mba lagi furîd’a kaziya, asogogi mba mi hulong fad’enga d’igi asuna na. Ma didina mba mi tak ad’eng mamba woi mazungeî mama, wani mba mi tak ayî mam ma bibiliuna woi mi mam suma djangûna.

Isai 9:7

Ma didina mi sunï zlad’a á ngop suma hi Jakob-ma, ti nde yam Israel-lâ.

Jeremi 25:30

Wani ang djogozi vuna yam ahle ndazina pet, ang dazi ala: Ma didina nga mi toï breîd’a akulo; suma a nga humum delem ata yam ma kak ma yed’etna, mi nga breî ata yam ma kaka, nga mi de zlad’a ki delem akulo d’igi suma a nga miret guguzlud’ina na á ngop suma a nga kaka yam andagad’ina pet.

Wana ni mbaktumba hi Oze-d’a 11:10

Agi mba tid’igi bugol an Ma didina. An mba ni tchi d’igi azlona na. Gagazi, an mba ni tchi d’igi azlona na, grona a mba tcholï abo ma fladegena ki zlaka, a mba.

Joel 3:16

Ma didina nga mi oî kur Siyon, nga mi breî ki delem akulo kur Jerusalem. Akulod’a kandagad’a a nga zlaga. Wani Ma didina nga mi ngom sum máma, mam mi yima ngeid’a hi Israel-lîna.

Amos 1:2

Amos mi dala: Ma didina nga mi to breîd’a kur Siyon, delem nga d’i nde woi avo Jerusalem. Yima te hatna hi suma polina mi lugod’a, hat ma yam ahina d’a Karmel-lina mi so woi mi.

Nahum 1:2

Ma didina nAlo ma yungôra, ni ma hlatchugula, nga mi hlatchugula, ni ma ayîna heîna, nga mi hlatchugula ki mam suma djangûna, nga mi ve mam suma djangûna kurum mi.

Sofoni 1:18

Bege mazi d’a hap poze lor mazid’a mba d’i prud’uzi woi kur bur ma ayî ma bibiliuna hi Ma didinina d’i. Mba mi ngal andagad’a woi ki zla tat pet kayî mam ma aku ma bibiliuna. Ma didina mba mi b’lak suma yam andagad’a woi kur bur máma. Ni vama mandarâ!

Sofoni 3:8

Ni kayam ndata ba, an Ma didina ni dagiya: Agi djubundi gak bur ma an tchol akulo á vagi ki zlad’ina, kayam an ni nga hurun á tok andjaf suma, á tok leud’a tu, á mba kayî man ma bibiliuna kaziya, kayam an mba ni ngal ambasa woi pet kayî man ma aku ma bibiliuna.