Isai 41:8 - Bible azumeina

⁸ Ma didina mi de kua ala: Agi Israel-lâ azungeî mana, agi suma hi Jakob ma an manama, agi andjafâ hi banana Abraham-ma,

Isai 41:8 Iomraidhean Croise

2 Sunda Hamuleinid’a 20:7

Ni ang Alo mamina ba, dik suma a nga kaka yam ambas sa wandina woi avok mang suma Israel-lâ, ang hat mandjafâ hi Abraham ma mi le kang heîna gak didin nduo zu?

Sawal la giled’a 135:4

Kayam Ma didina mi man Jakob, mi tin Israel mi ka’î mama.

Sawal la giled’a 136:21

Mi handaga mazid’a woi djona, kayam o mamba nga d’i dap pi.

Sawal la giled’a 136:22

Mi hat mazungeî mama Israel-lâ, kayam o mamba nga d’i dap pi.

Sawal la giled’a 33:12

Andjaf suma Ma didina nAlo mazinina a le furîd’a; suma mi manazi d’igi djo mama na na a le furîd’a mi.

Isai 14:1

Ma didina mba mi we hohowa andjafâ hi Jakob-ma, mba mi man suma hi Israel-lâ kua, mba mi hulong tinizi kur andaga mazid’a. Andjaf ma dingâ mba mi zlap ki sed’eziya, mba mi zlap ki suma hi Jakob-ma.

Isai 29:22

Kayam ndata, Ma didina Alona hi suma hi Jakob-ma ma mi sut Abraham mbeina mi dala: Ki tchetchemba, suma hi Jakob-ma zulona mba mi lazi d’i, tazi mba d’i tchuk susub’ok kuo mi.

Isai 42:1

Ma didina mi dala: Wana nazong man ma an nga ni ndjunuma, ni ma an manam ma tan ndi lan djivid’a heî kama. An hum Muzuk mana á tak sariya d’a gagazid’a woi mandjaf suma mi.

Isai 42:19

Ma duka ni nge ge? Nazong mana d’uo zu? Ma ngela ni nge ge? Ni ma an sunuma d’uo zu? Ma duk ma d’igi ma an sunuma na na ni nge ge? Ma ngel ma d’igi azongâ hi Ma didinina na na ni nge ge?

Isai 43:1

Agi Israel suma hi Jakob-ma, ki tchetchemba, Ma didin ma lagi mi gagina nga mi dagi ala: Agi lagi mandar ri, kayam an wurak kagiya, an yagi ki simiyêgiya, agi ni sum mana mi.

Isai 43:10

Ma didina mi dala: Agi ni glangâs mana, agi nazungeî man suma an managina. Ar agi wagiya, ar agi hagi gagazid’a kanu, ar agi wagi ad’ud’a ala avogon alo ma ding nga d’i, blogon alo ma ding nga d’uo mi.

Isai 43:5

Agi lagi mandara va d’i, kayam an nga ki sed’egiya. An mba ni yogï andjavagi abo ma yorogona, an mba ni togogï abo ma fladegena mi.

Isai 44:21

Ma didina mi dala: Agi Israel suma hi Jakob-ma, ar agi maragi d’i. Agi nazungeî mana, an minigi kayam agi kagagi azungeî mana. Agi Israel-lâ, an mba ni mar kagi d’i.

Isai 45:4

Yam od’a hazong mana Jakob Israel ma an mana, an yang ki simiyêngû, an hang ngola avok bei ang wan ba.

Isai 48:12

Ma didina mi de kua ala: Agi Israel suma hi Jakob suma an yagina, agi humugiya. An tu ni Ma avo’â, an ni Ma danana mi.

Isai 49:3

Mi dan ala: Angî azong mana, angî Israel ma an mba ni fe subura atangâ.

Isai 51:2

Agi gologi abugi ngolo Abraham azi ki Sara d’a vud’ugid’a. Ata yima mam mi vam tuna, an yumu, an b’e vunan kamu, an zulum andjavam mi.

Isai 63:16

Kayam angî Abumiya. Abraham mi wami nga d’i, Israel ko mi wami nga d’ala ami ni na d’a d’uo mi. Ni ang Ma didina tu ba, nAbumiya, ni ang ma yang kad’u tinda dedei ala Mami ma sutä na.

Jeremi 33:24

Ang nga hum zla d’a sum ndazina a nga data ko zu? A nga dala: Ma didina mi ar wa Israel ki Juda andjaf ma mbà ma mam manama woyo. Ni kayam ndata ba, a gol sum mana is, a golozi ni d’igi andjafâ d’uo na iraziya.

Sunda hi suma hi Levi-nid’a 25:42

Kayam azi ni magumei man suma an buzuguzï woi kur ambas sa Ezipte-d’ina, ar ang guzuzi woi d’igi a gus magumeina woi na d’i.

Malatchi 1:2

Ma didina mi dagi ala: An le kagi heî, wani agi hulong dum ala: Ang le kami ni ki me ge? Ma didina mi hulong dagi ala: Esau ni Jakob wiyema d’uo zu? Hina pî, an le yam Jakob,

Matiye 3:9

Ar agi djib’eregi kurugi ala Abraham nabui ngolo hina d’i, kayam an nga ni dagi woi mbak Alona mi ndak á mbut ahuniyô suma wana grona mi Abraham.

Galat-na 3:19

Ni kayam me ba, Alona mi tin gata ge? Mi tinit á tak tcho d’a led’a abua, gak andjafâ hi Abraham ma Alona hlum vunam kama mi mba. Malaikana a he gat ndata mi Moise ma aduk suma kAlonina.

Gat ta a hat á mbàd’id’a 10:15

Nata abuyogi ngolo hol ba, Ma didina mi reî tam ki sed’ezi á le kaziya. Bugola, ni kandjavaziya, nala, ni agi suma mi managi aduk andjaf suma petna d’igi agi wagi ini na.

Gat ta a hat á mbàd’id’a 14:2

Kayam agi ni suma a tinigi iragi vagi mi Ma didina Alo maginina, Ma didina Alo magina mi managi á kak sum mama tazid’a aduk suma pet suma yam andagad’ina.

Jacques 2:23

Hina na ndak vun mbaktumba hAlona d’a ti dala: Abraham mi he gagazid’a yam Alona; ni kayam ndata ba, Alona mi ndumum sama d’ingêrâ avoromu, mi yum ala Banama.